|
غزل ورثاء
قصيدة جميلة للشاعر محسن الهزاني ليلة يجينـا السيل يـازيد وافيت ** موضى الجبين وسـيد تلعات الاعـنـاق شميت ريـح امجــــدلاته ومزيت ** ضـــواحك مـــاقبلي احـــد لـهـــا ذاق جلست أنـا وياه في ربعـة البيت ** سـقـوى انتسـاقا بيننـا خمــر الاريـاق وسقاني الخمــر المصفى وثنيت** خـمــر وانا اسقيــه حـليـب وتــريـــاق يــوم ارجهن اصويحبي وارجهنيت** والكل منا عقــب خمـــر الهــوى فـاق فهقت راسـه بالجدايل وحبيت ** ورد علي خــده كمــا صفــح الاوراق رفعت راسي للكواكب وراعيت ** ويــلا ان نـــور الصـبح بــاد بالافلاق بغيت أقـوم وشـد ردني وشديت** جـيده وحبيـته ثمـان على سـاق وحلف علي ان قمت من ذا وشديت ** الا انت معطيني عهـود وميثــاق انك اتعود لي الى منك اقفيت ** ولا لغيري من هـوى البيض تشتاق واقسمت له بايات عمـا وبالبيت** والمدعي واللي بنى سبع الاطباق اني فـلا غيرك من البيض هاويت ** ولا لغيرك من هوى البيــض مشتاق انا الذي من حـر فرقاك فريت ** أنـوح كالبهلول في وسط الاســواق ياما طلبت الله وياما تمنيت ** وياما دعيـته عنـد حـزاة الاشــواق وياما دعيـته في المساجد وصليت ** وياما شـحذت الله قســام الارزاق يبني لخلي من اجنان العلا بيت ** ومن التمر يقطف ثمــر كـلما لاق عسى الي راق البكـا واستمريت ** بمنقشـات الريش زينات الاطــواق واستأنست روحي لروحه ودشيت** ســوقه ووافق مرتي حين مـا واق قلت المواصل قال ماغيره اشفيت** قلت الســلام ورد مثــله ولا عــاق قالت رجينا الله يجيبك الى جيت ** عذب النبا الغالي مراشيــف الارياق هو انت طالبني تبي شي وعييت** يامن هـواه المهتوى خاطري شاق تبغى الدبش قلت الدبش عندنا هيت** والله مالي غـيـر لامــاك علاق ترى الشفات الى لفاك النبا ايت** ساعت يقيف السوق عن كـل مراق لو مـا عليك احد من الناس دزيت ** فانت ايت لازم قبل غيبــات الاشفـاق قلت ارجي ان الله يديمك وحبيت** عذب النبا الغالي مراشيف الاريـاق ونبكي من الفرقا جميع وياليت ** من لام فرقا سـيد حم الشفـا لاق يالموت مـا أخذت أربعمـيه وخليت ** خلي فـلا ظني بمثــله حـد سـاق يالموت عقب اقويت لي ويش خليت**ماعقب عثمانه من البيض ابـاشتاق يا زيد انا قد لي زمانين ما ريت ** خل سـوى خلي الي جيت له مـاق ان كـان روح الحي تسعى مع الميت**فـأنا الذي مع ريح ريحان الاشواق يامـا سعت روحي مع الريح لقويت** بــازكـا ســلام عم بالطـيـب الافاق |
اقتباس:
|
اقتباس:
|
صادوه ههههههههه
|
اقتباس:
|
الله يبيض وجهك على هالقصيده
الهزاني من الشعراااء المفضلين لدي ولو تسمح أخوي يقولون إن أحدهم كان يصلي بمسجد ((الحريق)) فجراً وبعد الفراغ من الصلاة التفت فإذا بالهزاني على يمينه يدعي ويبتهل رافعاً كفيه للخالق عز وجل ودموعه تنهمر خشوعاً . . . فدقق الرجل النظر فإذا هو الهزاني فانتظر حتى خرج من المسجد فتبعه وبادره بالقول . . . ألست الهزاني ؟ . . . فأجابه الهزاني نعم . . . فقال الرجل . . . ألست أنت الذي تقول بشعرك كذا وكذا وذكر بعض إباحيته . . . فقال الهزاني . . . نعم . . . فقال الرجل . . . وما الذي رأيته ؟ . . . فقال الهزاني . . . يعلم الله أنني لم أفعل مما قلت شيئاً يسألني الله عنه . . . إنما هي روحي والخيال . . . وكثير من الشعراء يقولون ما لا يفعلون وقد أكد الكثيرون هذه الرواية كما أكد الهزاني نفسه بإحدى قصائده حين قال ذا قول من لا شيـف وسط الزلايـب=ولا مشـا في ساحة الجـار كالذيـب ابن الـذي ما داس بالعمـر عايـب=شم العرانيـن العصـات الشخانيـب وهذا دليل عفته وتساميه وترافعه عن كل ما يجرح العرض رغم صراحة غزلياته الإباحية وكثرة لهوه في قصائده فقط |
اقتباس:
|
مشكور على النقل الجميل وشكرا للذعذاع على الاضافة |
اقتباس:
|
تسلم على الاختيار الطيب
قصيده رائعه |
| الساعة الآن 07:18 AM |
Powered by vBulletin .
جميع الحقوق محفوظة © لشبكة ومنتديات البراري 2010