إحذروا هذه المحطات ..!!
 

الموضوع ومافيه إني قبل كم يوم طلع صوت قربعه في الماكينة ووديت السيارة لأربع ورش وكلهم قالوا عامود كرنك لازم توضيب فأوشكت على البكاء ولاكن حمدت الله وشكرته \ وخصوصا أني كنت ناوي أروح للمدينة عليها المهم رحت الوكالة ويوم وصلت اختفى الصوت فطرت فرحا وفحصوها ومالقوا شي قالوا يمكن مايطلع الى والسيارة باردة المهم بعد مابردت ماطلع ..وسافرت وانا على الطريق طلع الصوت وكان مزعج جدا ومخيف وتعرفون طريق المدينة القصيم مافيه خدمات فمشيت عليها وقبل المدينة بحوالي 200 كلم عبيت بنزين فاختفى الصوت ..


بصراحة انا قد صارت لي المشكلة قبل مع احدى المحطات ونزلت موضوع على هذا الرابط ..


https://www.albrari.com/vb/showthread...1+%C3%DB%D1%C8


ولاكن ماعاد عبيت من تلك المحطة والمرة هذي الصوت أقوى بكثير وبصراحة بغيت أوضب الماكينة !! وبما أن الغش زاد وكثرت المحطات اللي تغش وانعدمت الرقابة عليها ووضع حد لهذه المهزلة ..


قررت أن أحذر من أي محطه أكتشف أنها تغش في البنزين .. وأحذر منها واللي يعبي منها راح يتأكد خصوصا السيارات الجديدة ..!!



والمحطات حتى الآن هي :


1- محطة المسلم على طريق الخرج (( اللي فيها صراف الأهلي )) !!

2- على طريق القصيم محطة (( الغاط )) أول محطة بعد النزلة ,

3-محطة مااعر ف لها اسم بس هي أول محطة على طريق الحائر وانت جاي من الحراج (( فيها صراف العربي )) ..


واللي يعرف محطات غشاشة يحذرنا حرام تخرب سيارتك عشان 40 ريال بنزين ..!!

الله يعافيك

لكن ما نقدر نعرف ايش نوع هذا الغش

يعني يؤخذ عينه من بنزين هذي المحطات ويعرف كيف يتم الغش ؟

جزاك الله خير على التنبيه

والواجب مثل هؤلاء الغشاشين التبليغ عنهم

مشكور اخيو على التنبه والحمد الله كل المحطات الى نعبي منها زينه

الله يعافيك يابو ثابت


.................................................. .........

جزاك الله كل خير على التنبيه ومن ناحية محطة (( الغاط )) أول محطة بعد النزلة أشهد بالله انهم غشاشين وكذا مرة صار بينهم وبين ناس واجد مشاكل وانا منهم تقول عب بـ 30 ريال مثلاً تلقاه فلل السيارة ويقول انت قلت عب فل وتدفع غصب عنك كل هذا عشان يمشي أكبر كمية من البنزين ويزيد مكسبه ...

مشكور اخوي ابو ثابت وجزاك الله الف خير

شكرا ابو ثابت على التحذير
اين الكفيل ( صاحب المحطة ) واين حماية المستهلك عن متابعة لهولاء المحتالين

شكرا اخوي ابو ثابت

وجزاك الله الف خير على المعلومات الطيبه


لكن عندي ملاحظه


بعض السيارات لا تتأثر بهالمحطات

مثل السيارات القديمه

او على حسب نظام البخاخ

مثل نظام الـvq الي على الباثفايندر نظام حساس جدا

ويتأثر بأي تغيير اما نظام الـefi فالتايوتا والسيارات الامريكيه لا اظن انه يتأثر

اما الـvtc لا أعلم عنه شي

يعني لو كل من عبأ فيها تأثرت سيارته كان المشكله اكتشفت من زمان

هاذا والله اعلم

بس الي يسوونه فالناس حرام وبيحاسبون عليه

وشكرا

أخوك / حاتم