|
وحان وقت المراويح << بالصور
السلام عليكم ورحمة الله وبركاته مسائووووو / صباحوووووو الخيرات والورد الطائفي والجوري حي الله البشوات كلن ومعرفه << المره هذي أنا اللي ببطح جو ديرتي رياض العز << طبعآ مهيب باريس وراح نأخذكم بجوله خوووطافيه ضغنونه أتمنى أن تروق لكم وتطيب لذلئقتكم وهي مأخوذه عند السادسه مسائووووآ 22 / مارش وماطاح المطر إلا المغرب والدنيا ليل وإنتم عارفين << أحلى exit نطوا معايا إلى الصور وباقي عاد المقطع اللي ربك ستر علي وفكنا من شر الصاعقه المشكله نيتي قبلها ماأصور إلا يوم جاني أخوي الصغير قال ثرثار ياوخيي بالقبله يبرق قلت وشو قل غيرها وكان وقتها حروة عشاء قلت يالله نصورها من بعيد ونشوفه مبطين عن التخييل السطحي المهم نطينا الدريجات على 280 قلنا يالله سريع سريع المهم وأشغل الكاميرا المقروده ووجه للقبله ومن دون سابق إنذار برق فوق راسي حتى من قوة الخررررشه ماإنتظرت الرعد وعلى 280 دحوزت مع الدريجات قلت نفسي نفسي وأحلى سكتيمي شيبانا لو دروا أتوقع بيروح فيها أبوناصر راعي السكر والرحلات والمقياس << عاصوف يطير به آخرتها وربك ستر |
يا زين المراااويح
وجهز حالك بإذن الله تشووف اخر هالاسبووع مراااويح تسر الخاااطر مشكووووووووووووور سلام |
صورة حلوة وتقرير خطافى جميل يا جميل
مشكور وبيض الله وجهك ويعطيك العاااااافية وجعله فراش خير المطر يارب ملاحظة المقطع صووووت فقط وما فيه غير صوت البواري حقت السيارات:new3: تحياتي لك |
ههههههههههههه
الله يعطيك العافية وصور وتقرير جميل اخوي |
الله يعطيك العافية أخوي ثرثار الأمطار على هذا الأسلوب المتجدد والمشوق ومشكور على هذا التقرير الرائع والمقطع المميز وعقبال ما تصور لنا السيول بإذن الله وتقبل مروري يالغالي |
الله يعطيك العافية ...
|
يامال العافية ياراعي الدوادمي
تصدق اول ماقرات قلت وقت التراويح .. انهبل الرجال .. هههههههه .. اعذرني الشوف شجر بارك الله فيك يا غالي .. وبإذن الله مابعد هالسحاب الا خير غزير اخوك ابو بدر |
تقرير مميز بارك الله فيك وماشاء الله البروق خياليه في المقطع مرفوع على عدة مراكز |
يامل الغناه يامكتشف بيض الله وجهك كفييت ووفيت ياغلاهم وسوف أرفع لك قبعه مكسيكيه نادرة الصنع إجلاللآ وإحترامآ لشخصيتك وهامتك |
تسلم يمناك اخوي
موضوع رائع جدا |
| الساعة الآن 01:32 PM |
Powered by vBulletin .
جميع الحقوق محفوظة © لشبكة ومنتديات البراري 2010