الآن جاهز للسفر ان شاء الله اي طريق برايكم اسلك .. افيدوني بسرعة لو سمحتوا يأهل البراري
 

السلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين
يالربع ان ابي اسافر من الدمام الى الجوف عن طريق حائل الجوف برايكم اي طريق اسلك طريق الدمام الرياض القصيم حائل الجوف والا طريق الدمام ابو حدرية النعيرية السعيرة الحفر ام عشر جبة المدرج حائل الجوف ....
ابي الامطار وين راح تكون ان شاء الله فرصة الامطار اكثر على اي طريق اهم شي المطر بعد المسافة ماهو مهم العزبة والرفيق الي ماندور بديله جاهزين وانا الآن قاعد استعد للسفر بالليل لا تبخلون على بمشورتكم وابيكم تشوفون الاقمار الصناعية وين الامطار واي طريق راح يكون الاوفر في الامطار
:36_1_37: شوي والا كتبت قصة مو اخذ رائي .... اسف على الاطالة

إذا تبي تصادف أمطار ( والعلم لله ) سافر على الطريق السريع

الدمام 00 الرياض 00 القصيم 00 حائل 00 الجوف

والله ييسر أمرك ويسهل دربك

الله يسهل دربك

انا اشوف في مثل هذه الاجواء حاول تسلك الطرق السريعه الدمام 00 الرياض 00 القصيم 00 حائل 00 الجوف

خذ نصيحة مجرب لاتروح مع طريق النعيرية ام عشر قبة ياخي هذا الطريق رحت معة مرتين كرهته تقل تطرد حصني ساعة تمشي شمال وساعة جنوب
عليك بالخط السريع والله يسهل دربك ويوصلك سالم

اللي اشوفه تسلك طريق الدمام - الرياض - القصيم - حائل - الجوف وبتلقى الخير انشاء الله

:ordh::ordh::ordh:
مشكورين على حسن الردود والله يكتب الي فيه خير

نصيحه
 

بسم الله الرحمن الرحيم

انا من غربي حائل والآن بدا يبرق من الجنوب مابيننا وبين طريق القصيم -المدينة السريع اتجاه القصيم والاحسن تسلك على ماقالوا لك الشباب ونتمنى لك سفرا سعيداhttps://www.albrari.com/vb/images/icons/icon82.gif