|
،،، v وجدي على شوفة القرآن وأقرابه v ،،، ( طلب )
:33:السلام عليكم ورحمة الله وبركاته:33: https://img401.imageshack.us/img401/6206/82126312bd3.jpg :32:مساكم الله بالخيرات يا جماعة:32: لقيت مع صاحب لي مقطع لسحابة ( أبريلية ) على الطريق السريع الرياض القصيم أعتقد السحابة في يوم ( بردية حريملاء ) المشهورة أو قبله :confused: المهم يا إخوان : هذا هو المقطع والطلب منكم من اللي يقدر يجيب لي ( الشيلة ) الموجودة على المقطع الفيديو وإذا قدر أحد يعطيني بيانات عن السحابة العجيبة ( يومها وسيلها وإذا عنده صور لها ) ندعي له بالخير والصلاح والله يجزى الجميع كل خير الله يعطيكم العافية الرابط https://www.tntup.com/file.php?file=4c3bf5383dacaa34a88339bfc315fc69 |
عليكم السلام ورحمة الله وبركاته
اخوي الجرير هذه السحابه ليست لبرديه حريملا هذي على حوطة بني تميم لكن ما لا اعلم متى |
الله يعطيك العافية أخوي التميمي
يا ليت إذا لقيت عنها أخبار تعطينا مشكور وما قصرت يالذيب |
اخي الجرير هذي سلمك الله اذكرها زين قبلها بسبوع كانت سحابة مشابها لها عن طريق الثمامه الرياض وهذي على طريق الرياض الخرج وصابت الخرج وخذها مني ومشكور
|
. . حياك الله يالجرير هالمقطع قديم وأعتقد أنه مثل ماذكر التميمي على .. الحوطة . . لكن الشيلة عندي لها مقطع لنفس هالصوت على هالرابط: وهي لشاعر كفيف قالها في بنات مرن من جمبة وتغطن قالت وحدة منهن لاتغطن يابنات هذا شايب ولا يشوف فقال هالابيات: ياعيني اللـي نظرهـا مـا يقدينـي ....... وجدي على شوفة النجـم آتقدابـه وجدي على شوفة العربان ياعينـي ....... وجدي على شوفة المرقاب وارقابه وجدي على شوفة اصفوف المصليني ....... وجدي على شوفة القرآن واقرابـه وجدي على شوفة البدو المعشينــي ....... في خايع غـب سيلـه مـا تثرابـه قعدت فالبيت كنـي فيـه مسكينــي ....... ماعاد مني تغطى الزيـن بحجابـه كنـي سجيـن وراه يصـك بابينــي ....... غدا نهاري وظلـم الليـل متشابـه وانـا برجـا الله عـدال الموازينــي ....... نرجي ثوابه وعفـوه مالنـا إلابـه . . |
الله يعطيك العافية أخوي فيصل ما قصرت يا الغالي
لكن في أي سنة ؟ هل هي السنة الماضية ؟ |
يا مال الغناة يا أخوي القصيعة
بيض الله وجهك ما قصرت عز الله إنك كفيت ووفيت أسأل الله لك التوفيق والسداد تسلم يا الغالي |
الله يعطيك العافية يا أخوي الجرير
دائما ما تتحفنا بكل ما هو رائع ويستوقف المتابع |
يا هلا بأخوي الغالي النصوح
حياك الله يا الطيب سبحان الله السحابة هذي شيء عجيب من زمان وأنا شايفها وفي كل مرة تستوقفني قليل يجي مثلها سبحان الله ما تفصل بروقها سبحان الخالق |
اقتباس:
إن كانت هي سحابة الخرج فهي في 14 أو 15 أو 16 أبريل 2006 الموافق 25 ربيع الأول 1427 وإن شاء الله يكون التاريخ دقيق وهي يوم خميس وكنت حاضر السيلة بس للأسف لارتباطي ما تمكنت من تصويرها وكنت راجع من الدلم بسرعة للخرج وماهو كله حرص على المناسبة بقدر ما هو حرص على الاستمتاع بمنظر السحابة الهائلة وهماليلها وبروووووقها والاغتسال بمطرها الغزير جدا هذا إن كانت هي المقصودة -- سحابة الخرج على كلام فيصل 2007 |
| الساعة الآن 09:30 AM |
Powered by vBulletin .
جميع الحقوق محفوظة © لشبكة ومنتديات البراري 2010