نوع البشر فالطيب مثل السحابه
بسم الله الرحمن الرحيم السلام عليكم ورحمة الله وبركاته الله من قلب سطى فيه هاجوس زاد العنا به يوم حالي سطابه مكن صوابه دون دقات وجروس واحتل دار مبطي ما هقابه وأنا أدري إن الوقت تجريب ودروس ونوع البشر فالطيب مثل السحابه أحدن تمرك غيمته كنها شموس وأحدن غمامه مير ما حدن درابه أحدن سحابه رش هتان بطعوس وأحدن تمري رشته في ترابه أحدن مناقيعه مثل محكر رسوس وأحدن يقشوع أرضها والشعابه أحدن مثل مزن به السيل محسوس وأحدن يضك الاوديه غزر ما به هذا وانا ماني على الناس جاسوس لكن فعول الناس ماهي تشابه قلته ولا ودي على قولي فلوس ولا اعد نفسي فاهمن بالكتابه أوجزت موضوعي والاكثار منكوس كثر الكلام يعيب من هو حكابه وصلاة ربي ما ضرب قمع نادوس وإعداد صيدن حايم في هضابه على محمد سيرته خير محروس نبينا المختار ربي هدابه وسلامتكم الذعذاع |
بيض الله وجهك
وصح لسانك ولي طلب ودنا نسمع قصيدة من قصايدك بالصيد |
اقتباس:
وطلبك في قصيدة الصيد أبشر بها لكن هي يمكن بيتين من عرض قصيده لكن على شانك بسوي كم بيت مخصوصه لك |
صح لسانك على هذه الابيات الرائعة |
اقتباس:
بوركت |
صح لسانك يابو عبدالله
|
صح السانك قصيدة رائعة جدآجدآ وبيض الله وجهك وربي يوفقك انشاءالله؛؛
|
اقتباس:
|
اقتباس:
وجهك أبيض يوفقنا وياكم يارب |
الساعة الآن 08:56 AM |
Powered by vBulletin .
جميع الحقوق محفوظة © لشبكة ومنتديات البراري 2010