شبكة البراري - قصيدة ام لمي الروقي في ابنتها مؤلمة جدا ,

قصيدة ام لمي الروقي في ابنتها مؤلمة جدا ,

صاحت حقل جاوبه هداج ياخيه=== الله يعينك على الدنيا مع احزانه

قالت لمى في ظلام البير مكفيه ===متعلقة بالسماء من بين جدرانه

قال اصبري خابرن لي شاعر هنيا=== يفوح ريح الالم من بين قيفانه

قلت اتركوني ما دام العين مبليه=== في قصة اللي تشيب العين من شانه

البير صار القبر يوم الكفن طيه===وبيديها طشت ترابه فوق جثمانه

تصيح وينك يبه مامت انا حيه===ويقول ياعين ابويه وين بيبانه

تقول مدري وكنت العب على الخيه===تكفى دخيلك ابي امي وبردانه

طلعني قبل اختنق واموت في ميه===اشتقت لامي ابي انام بااحضانه

اشتقت لالعابي الي شاريه ليه===لي كم يوم على هالحال سهرانه

كنت احسب العمر توه باقي شويه===ماكنت احسب المنايا بين شعبانه

سلم على امي وقله تحسن النية=== ماكنت ابي حزنها يزور وجدانه

ولو كنت اعرف الدرب باخره مهفيه===كان ارجع لحضنهاوخطاي عجلانه

ولا ترمي الكيك والبسكوت مافيه===نفسن على الزاد والاخلاق خربانه

يبه ظلام الليالي يتبعه ضيه===لكن ظلام القبر ماشوف ضيانه

تدري وش الي ذبح خوفي وطاريه===اني اشوفك وانا بالبير مرضانه

لو هي بيديني طلعت وماني معيه===من يكره انه يشوف ابوه واخوانه

يبه احس ببرودة فوق رجليه===اظنه الموت تحتي جهز لسانه

روح تريح وقل للموت يابيه=== عجل عليها من الي صار تعبانه

ومع السلامه ما دام الروح مطويه===يوم القيامه تشوف الطير بجنانه