شبكة البراري

شبكة البراري (https://www.albrari.com/vb/index.php)
-   همس القوافي للمنقول ( قصائد - شيلات - خواطر ) (https://www.albrari.com/vb/forumdisplay.php?f=109)
-   -   (¯`•._.•[(.... بقآيآ .. حرف .... )]•._.•´¯) (https://www.albrari.com/vb/showthread.php?t=63279)

عايد 2014-08-23 11:58 PM

تجيني طيف ياعمري
 
تجيني طيف يا عمري..على جنحان شوقـي لـك
اخاف ارمش من عيوني.. وابعثر جيت وصالـك

حبيبي لا تجيني قول..وين انت؟ وانا اجــــي لـك
ابيك تقول وين انت..وعلى عيوني انااسعــى لـك

وربي فوق روس الشوك.لا اخلي القلب يمشي لك
واخلي ظلالي يسبقنـي.. قبـل يحضنـي منــــــزالـك

ثواني بس.. ابتهندم.. من عيونـك وابهـدي لـك
في عينـك ضحكـةٍ حتـى تكحـل عيـن عــــــــــذالـك

يقولوا الناس: بغيابي تشب القلـب ويضـوي لـك
حنيني ومن وهج شوقه .. يميـل القلـب لا مالـك

قضى دمعي من عيوني.. ابي من عينك ابكي لـك
ابنثر من ورا عيوني.. دمـوع عيـون ترحــــــالـك

تعبت اهرب من الاشيا البسيطـه مـن تفـــــــــــاصيلـك
تعبت اسأل زوايا البيت.. عن اول واخر احــــوالـك

وحتى الشوق من صبح الدرايش قام يهــــــــدي لـك
عصافير الرضى ترفـرف علـى بيبـان مدخــــــــــالـك

هنا ترمي صباح الخير.. قبل لا تروح وادعي لـك
وهنا تضوي مساء الخير.. في عينـــــي مـن هلالـك

انا من الليل يقطفني.. شعوري لـك واغنـي لـك
انا من الصبح يليّلني الحزن.. مـن لـون موالـك

حرام الليل ماهو ليل.. اذا مـا كنـت فـي ليلـك
وحرام الصبح ماهو صبح..اذا ما كنـت فظلالـك

تروح وقلت: احط روحي.. علـى كفـي واناديلـك
نزعت العمر مـن شفـت الغـلا بالـروح نادالـك

بربك قول: وش سوى الفـراق بوجـه منديلـك؟؟
تسيل الوان طيفي فيـه الـى مـن البكـا سالـك

حبيبـي لا يبكيـك الفـراق ولا يـهـد حيـلـك
اخاف الدمع من عينك يجفف صورتـي ببالـك..!

تعال احتاج اسولف لك عـن الايـام واشكـي لـك
وافض غيم الحزن وانثر حنيـن الشـوق بقبالـك

تعال وحـط فـي قلبـي همـوم الفرقـا واشيلـك
لان القلب ماهو قلب اذا فـي نبضـه مـا شالـك

وقف دمعي من عيوني.. ابي من عينك ابكي لـك
اخاف ابكي من عيوني..! وابعثر جيت وصالـك..!


تناهيد 2014-08-26 03:10 AM

ياهاجسي غن طـاروق الشعـر غنّـه
إلحق على مابقـى والا العمـر فانـي

وياصدري اصبر مثل صبري على الونّه
ياطول صبرك علىّ .. وشين ماجانـي

يلج فيك الحـزن .. واخفيـه واكنّـه
واذا بغيت اشتكـي ماطـاوع لسانـي

وانا الذي لو ظـروف الوقـت حدنّـه
يمـوت مايشتكـي لفـلان وفـلانـي

من سبة اللي عشقته من صغر سنّـه
اتناه يكبـر .. مثـل ماكـان يتنانـي

كنه خِلِق منـي .. وكنـي بعـد منّـه
والله مدري من اللي يموت في الثانـي

ابيه .. وأقـدّره .. واغليـه واحنّـه
مثل ماهو يرخص الدنيا علـى شانـي

كم واحدٍ ماغـدت بقعـا علـى ظنّـه
لو هو على الكيـف ماقفـى وخلانـي

مابغى من الحـظ والله ماعطـى منّـه
يامـا تمنيتـه .. ويـامـا تمنـانـي

يسوقنـي خافقـي للوصـل واعـنّـه
ولولا غلا صاحبـي ماكـان عنانـي

امن اولٍ يزورنـي محـدٍ درى عنّـه
واليوم عـذره بـلاي عيـال عمانـي

يابو علي صـار لامـن مرنـي كنّـه
يستعجـل بخطوتـه لجـل يتعدانـي

واجيه واقدامـي اللـي كـل ماجنّـه
يردهـا سلـم ابـوي وسلـم جدانـي

العيـن فـي شوفتـه لامـر ممتنّـه
ياجعل يسقـى علـيّ قـدام يجفانـي

الهجر طوّل .. وقدنـي مبطـيٍ منّـه
واخاف اذا زيد .. جا ماعـاد يلقانـي

القلب يصبر علـى فرقـاه .. لكنّـه:
الا طرالي وانـا فـي الليـل سرانـي

ان كنت انا غاليٍ في ناظره .. فإنّـه:
غلاه يجري مـع دمـي .. وشريانـي

لاصار مابه عشم لبليس فـي الجنّـه
احسن ليّ اعيش باقي العمر وحدانـي

ولو سج مني .. عساني ماخلى منّـه
والله مانساه .. كود المـوت ينسانـي

حمدان المري

عايد 2014-08-26 05:40 AM


أنا إنسان مع نفسي قبل لا أكون معك إنسان
لي مبدأ ولي نظرة وتحكمني قناعاتي
أحاسيسي حقيقة ثابتة بالوصل والهجران
أنا طبعي إذا حبيت .. أحب بكل حالاتي
منادي و الندا نابع من الوجدان للوجدان
إذا ما ينطق إحساسي حديثي يشبه سكاتي
غموضي في الهوى تصريح وسره يفضح الكتمان
ونظرات الوله والوجد هي أجمل عباراتي
ولا أجامل بأحاسيسي ولا أقبل في الهوى إحسان
ولا للمصلحه يا سيدي دور بعلاقاتي
ولو ألغي شعوري ما بقى لي صاحب ولا خلاّن
يرافقني على مر الزمن جرحي و دمعاتي
أحب الصدق واعمل به كسبت أو كنت أنا الخسران
ولو صدقي يخسّرني تشرّفني خساراتي
رفيق العمر لو تجفا نبض الحرف والشريان
إذا ما غصت بأعماقي .. متى تفهم معاناتي
على كثر الخطأ غافر ولا اغفر غلطة الخوّان
جزاه الصدّ و الفرقا ولو عاندت رغباتي
ولولا العفو ما اخطينا ولا نحيا بلا غفران
خطايانا دليل إنّا بشر ومنّا الخطا ذاتي
على صدر الزمن بكتب شعوري موعد وعنوان
تعرف الشوق لو فتّشت عن سر إبتساماتي
إذا كان الهوى نعمة بحطّك نعمة الرحمن
وإذا كان الهوى غلطة بحطّك كل غلطاتي ..


الأمير الشاعر / سعد آل سعود ..

بقآيآ .. حرف 2014-08-28 02:23 PM


لا صرت في شاطي البحر تبني بيوتك بالرمل
والبحر مد وموجه بْيوت الرمال يحوسها

به شي يمكن يحتمل وأشياء ماهي تحتمل
مثل الحياه اليا تزايد في الوجيه عبوسها

وختامها ياهاجسي حي على خير العمل
دام الحياه تضيق بي وانا حفظت دروسها

بقآيآ .. حرف 2014-08-28 02:41 PM

انا الوعد وانا الطريق الساعتين،
وانا هوى كل الجهات الأربعه !


اما تجين الحين ولا - لا تجين :
هذا الشعور ان راح صعب أرجّعه ؟

عايد 2014-08-29 08:10 AM



برق السعادة لاحلي باتصــــــالك
نور زماني يوم للوعــــــد حددت
كنت اتحرى يوم يصدق ســـرابك
حتى اكذب شك منــــــــــه تعذبت
كثرة جروحي وانت مشغول بـالك
عني ونا عن رجـــوتك مابعد تبت
ياما نتظرت وطال بي انتظـــــارك
ياما سهــرت الليل لجلك ولا نمت
لك مخلص بالحب مــــــالي بدالك
لا لا تقول ارجـوك للبـــــعد قررت
اخاف اموت ان طال عني غيــابك
ارجوك يكفي من الغرابيل ماشفت..؟

الركام 2014-08-30 09:44 AM

https://youtu.be/ZanwMCc1aH8


‏‫

الركام 2014-08-30 10:38 AM

https://youtu.be/1Em0hkjNtI8


‏‫

خلود الرياض 2014-09-03 08:25 PM

لآ تذلّ النّفْس ل أنسان تحبّ? ! *إن بغآك : ( أهلآ وسهلآ )*وإن رفض !*ماهي مصيب?

في عالم اخر 2014-09-07 07:28 PM

‏النـاس بـ الدنـيا ، طبايـع وعادات
صـعب على الإنـسآن يرضي بشرهآ

عليـك في دينك و فرض العـبادات
وآترك بلاوي الكون وآحذر خطرهآ.!


الساعة الآن 02:06 PM

Powered by vBulletin .
جميع الحقوق محفوظة © لشبكة ومنتديات البراري 2010