شبكة البراري

شبكة البراري (https://www.albrari.com/vb/index.php)
-   همس القوافي للمنقول ( قصائد - شيلات - خواطر ) (https://www.albrari.com/vb/forumdisplay.php?f=109)
-   -   (¯`•._.•[(.... بقآيآ .. حرف .... )]•._.•´¯) (https://www.albrari.com/vb/showthread.php?t=63279)

بقآيآ .. حرف 2019-06-08 10:47 AM

‏عوّد الليل ... ليل المتعبين القديم
واصبح الصبح .. ماياوي لجفن وهدب
والحنين المسافر في ثياب النسيم
مرّني .. والبس اللحظة مسافة تعب!

بقآيآ .. حرف 2019-06-10 11:33 AM

. عدّت سنه ولا تغيّر معك شيّ
ما عاد باقي غير اوافق واتمم
دامك مصمم لا تحط العذر فيّ
انا بعد على فراقك .. مصمم
اخر علاج لجرح تقصيرك .. الكيّ
نهاية اهمال الجروح .. التسمم
مليت اطوّف ذيّ واجامل بذّي
انت تهدم وانا اتغاضى وارمم
اول عليك ايمم احساسي الحيّ
والحين .. ما والله اوجّه وايمم
احلامي اللي من قبل عام وشويّ
نفضتها .. نفضة تراب التيمم
ما احب اعمم بس ما حسّها ليّ
ومن كرهي للي لك .. حبيت اعمم

محمد الجارالله

الركام 2019-06-15 09:35 PM

ماعاد اميز متى الخميس والجمعة
ولا الغداري والا النسناس والقمرا

ولا السوالف ومتى الاصحاب مجتمعة
معاد باقي معي منها سوى الذكرى

بقآيآ .. حرف 2019-06-15 10:38 PM

اقتباس:

المشاركة الأصلية كتبت بواسطة الركام (المشاركة 2565847)
ماعاد اميز متى الخميس والجمعة
ولا الغداري والا النسناس والقمرا

ولا السوالف ومتى الاصحاب مجتمعة
معاد باقي معي منها سوى الذكرى

صح لسانكك يابو سعود
تحياتي

بقآيآ .. حرف 2019-06-15 10:39 PM

https://up.albrari.com/uploads/15606275201.jpg

بقآيآ .. حرف 2019-06-15 10:44 PM

خلّي جروحي عنْك، لا تنشديني
و تبسّمي لا شفتي الدمع همّال

اليوم !! حتى جيّتك .. صدقيني
ما وسّعت خاطر ولا ضيّقت بال

سلمان البلوي

بقآيآ .. حرف 2019-06-15 10:47 PM

‏"الحسايف يوم تصحى وتلقى العمر راح
مابقى إلا مثل ريشٍ تقفّته الهبوب
ماصحيت إلا على الشيب في عارضك لاح
أشرقت شمسه وشمسك على وقت الغروب
والحسايف يوم ليلك يطول بلا صباح
لين تنسى كل امانيك واحلامك تذوب "

عبدالله الطلحي

بقآيآ .. حرف 2019-06-19 08:39 AM

‏.

اجي لك بسمةٍ تخفي وراها ذكريات وحزن
واعود بخطوةٍ تفقد مع الواقع توازنها

اعرف ان الضماء قاع وسنابل تنحني للمزن
وانا حنطة بخيلٍ والفت وحشة مخازنها

تهيّا للرّحى والجمر وكفوف البشر والوزن
ولو هي في يدي لادفن زماني في هوازنها

صالح اللذيذ

بقآيآ .. حرف 2019-06-19 08:47 AM

‏ماشاب لوني ذا بياض القديمين
على بياض " قلوبهم " لونوني

كنت اتمنى يوم , راحو مقفين
" ما كبّلو : يدّي ولاَ .. قفلوني "

بقآيآ .. حرف 2019-06-19 08:48 AM

‏سد باب الوصل، فيني مايكفّي
مالي بوصلٍ يورّد للمهونة

رفرفي ياروحي، ويانفس عفّي
"مابي اللي كل خلق الله يبونه"

خل صف الناس.. تلقاني بصفّي
وموقفي لو حاولوا مايوقفونه

لاحقٍ شفّي، ولا أبغى غير شفّي
وشفّ غيري، جعل غيري يلحقونه.


الساعة الآن 07:04 AM

Powered by vBulletin .
جميع الحقوق محفوظة © لشبكة ومنتديات البراري 2010