شبكة البراري

شبكة البراري (https://www.albrari.com/vb/index.php)
-   همس القوافي للمنقول ( قصائد - شيلات - خواطر ) (https://www.albrari.com/vb/forumdisplay.php?f=109)
-   -   (¯`•._.•[(.... بقآيآ .. حرف .... )]•._.•´¯) (https://www.albrari.com/vb/showthread.php?t=63279)

بقآيآ .. حرف 2013-06-17 07:32 AM

اللي دفعنــا له غلا قلوبنا .. راح ..
ماكنّه اللي كان في يوم .. منها !!
دنيا و أهلها .. كلها جراح بـ جراح
منهو .. ولو تضحك سنينه ضمنها
شفها إذا دمع الوفي بالوفا / ساح
و شفها .. إذا ( عفن الأوادم ) أمنها
ياكثر مانخسر .. و يا ( قلّ الأرباح )
و كم وقفتن للطيب .. ندفع ثمنها..

بقآيآ .. حرف 2013-06-17 07:39 AM

يآ حآدي آلشوق وإركآب آلنوى و آلرحيل
مآ هز جذع آلحنيـن إلا يديـن آلغـرآم
أزريت أطيق آلسهر و أعزف لحون آلعويل
و كنت أميّز حلآل آلدمـع قبـل آلحـرآم
أضحيت دمعٍ تقآطر مـن عيـون آلعليـل
و أسقيت قلبي غيآب و ذكريـآت و مـلآم
مآ رآح من رحلة آلملتآع غيـر آلقليـل
و أنت إتكآثـر مجيّـك و آلحنآيـآ هـدآم
أقبلت مثل آلتعب في وجه ............
لو كآنت ضلوع قلبي قبل أعرفـك حطـآم ..

بقآيآ .. حرف 2013-06-17 07:42 AM

نستنطق الحرف ،، والا نكتب ، [ الزايف ]
مايدرج .. الوادي اللي ، ماجرح ،، سيله
ماكل ، من صد ، واقفى .. صدته عايف !!
ولا كل .. عوجاً ، تسمى ، لوبدت ، ميله
وانا .. ضلوعي ، غفلت وحافها [ الحايف ]
ليلٍ / سرابي ، تطارد ،، فـ/الصدر،خيله!

بقآيآ .. حرف 2013-06-17 01:40 PM

قلت : اصبري ، قالت : انا اقولك زين ؟
قلت : اتمنى ماتكوني بخيله
قالت : عسى موتي على يديك هالحين
ان كان قيلت بين خل وخليله
قلت : احبكيها صح ياقرة العين
قلبي يبيها صدق تشفي غليله
قامت تفكر !! قلت : يالله ، وبعدين
كن اصبعك طوّل بلفّ الجديـــله
! قالت : كليب !! وقلت : خير ! شتِقولين
قالت : رجع !! وشو شعور الجليله
قلت : اليمامه ! ماهي اقوى تحسين ؟؟
من يوم غاب جبير صارت هبيله
وشبك سكتي ؟ ليه قمتي تلفّيــــن
قالت : اخاف ان قلت تطلع ثقيله
أخاف اقول وكلمتي تجرح الدين !!
واشيل ذنبٍ مقدر اني اشيله
استغفر الله وين وصلتني ويـــــــن ؟
وانت تعرفني والاصيله أصيله
ضمت يديني .. قلت: توك تحنيــــــن
قالت يدينك بس ؟ هذي قليله
يوم ........ دمّعت ، قلت : تبكين
قالت : اظن الدمع (أصدق وسيله)
ردّت ، وقالت : وشعذاب المحبـــين
قلت : الغياب ! وفي عيونك دليله ..!

بقآيآ .. حرف 2013-06-17 01:58 PM

ياحآدي العيس .. سلــّم لي على أوطآني ..!
.. ولآ شفت أغلى الحبــآيب .. [ .. أسـّـلم و سلــّم .. ] ..!!

قل له ترى مانسيته .. لو .. تنآسـاني ....!
.. والقلب لو له لســآن .. أمدآه .. متكلـّـم .......!!

وقل له ترآني أعرف أن العمر .. فآني ...!
.. وإليــآ جرحني .. حبيبي .. ( مآني .. معلـّـم ) ...!!


أبـ أكتم الجرح في نبضي و شريــآني ....!
.. وأبـ أضحك سنين عمري .. لوّي .. متألـّـم .............!!

ياحآدي العيس .. كآنك جيت من ثآني ..؟؟
.. طمـّـن خفوقي .. طلبتك .. و .. ( أسلم .. و سلـّم ) ....!!


بقآيآ .. حرف 2013-06-17 08:15 PM

لاتـطيح المحــبه من عيونك مزاج
وش تفيد الاماني وانت فارغ أمل

المشاعر رمل .. والا المحبه زجاج
لو كسرت الزجاجه .. وش يضم الرمل

بقآيآ .. حرف 2013-06-17 10:06 PM

كآن صمتي سؤآلٍ و ابتسآمك رحيل

ليت خبّيت جرحي / اهتمآمي و
رحت
!

أوّلك مآ
وصلته
و آخرك مُستحيل
...... مآ لقيتك حيآةٍ يآ ضيآعي و طحت !

بقآيآ .. حرف 2013-06-17 10:29 PM

يا طير كَان الدّمع في خافقكْ سَالْ
شُوف القَلم سيَّل مِن الضّيقْ حبرَه
نَكتبْ قصَايِد عَلّها تَطربْ البَالْ ,
و إثر القصَايِد للمواجيع نَبْرَه .. !
مَد الزّمَن مِن صَالي الضّيقِ فنجَالْ
و مَا عَاد بَ الموضُوع يَ هيهْ دبرَه
إمّا اتقهوَى مِن عنَا الوَقتِ و أحتَال
و الّا نصومْ و نتركْ الوَقتْ يشرَه !


بقآيآ .. حرف 2013-06-18 12:36 AM

لا هــــاك ينـفـعـنـي .. ولا يـنـفـعــك دوك
مـيــر الـجـفـاء هـاتــه .. ودوك القطـيــــعـه
ورد الـغـرام الـلـي ذبــل وانـقـلـب شـــوك
دوّر وتـلــقــا لـــــك زبـــــون ٍ تـبــــــيــعــه !
لا تـخـدعـه ويــــروح لـلـكــذب مـمـلــوك
مـــا يـذبــح الـعـشّـاق غــيــر الـخــــديـعـه
الله يــبــارك فــيــك والــحــبّ مــبـــروك
لا شـــكّ مـــا كــــلّ الـبـشــر تستـطـيـعـه

هــاذي رسـالـة ودّ .. والمـرسـل أخـــوك
حـافـظ عليـهـا فــي بـريــدك .. وديـعــه !

تناهيد 2013-06-20 09:59 AM

الحـب نكهـة والمحبـة زهـابـه
والصدق مضمونه والأخلاص عنوان
الشوق دربـه والأحاسيـس بابـه
والود نبعه ما ظمأ منـه عشقـان
والعيـن نظـرة دورهـا ينحكابـه
والقلـب داره لا تـوارى للأعيـان
فيه التفاهـم والفهـم بـه تشابـه
والطيب للغاليـن مفتـوح بستـان
حتى الغلا يرقى مـع اللـي غلابـه
ويلامسه كوكب اراضيـه وجـدان
لين يتعانق فـي سماهـم سحابـه
ولا عاد تلقى فالمحبيـن عطشـان
عِشـره بنوهـا بأحتـرام ومهابـه
مكنونهـا إنسـان يبديـه لأنسـان
لو الزمـن لحظـة تغيـر شرابـه
يبقون في بهجة ولا فيـه زعـلان
يامن سـؤاله مالقي له جوابـه
هذي إجابة كـل سائـل وحيـران


الساعة الآن 01:45 PM

Powered by vBulletin .
جميع الحقوق محفوظة © لشبكة ومنتديات البراري 2010