|
رحلة وداعية لكشتات الصمان
السلام عليكم ورحمة الله وبركاته بعد ان زهى الربيع في شرق الصمان وقبل ان يمر عليه الحر واللواهيب قلنا خلونا نودع ربيع 1432 برحلة صمانية الو يابو فراس وش رأيك برحلة وداعية قلت ما تنتفوت يابو نواف (الجارمن) وبدأت الاتصالات كالعادة واللي يرد الاول حظه معنا زين لان العدد محدود (بين خمسة الى ثمانية فقط) ولكن حدث شيئ غريب فقد كان اول الواصلين هو شايب الصمان وليس ابو فراس كالعادة وذلك لظروف العمل ياشايب الصمان يا شايب الصمان ورد علينا ولله الحمد اختر لنا محل زين ترانا حولك ولله الحمد كانت فيضة ممتازة والجو رائع (ياحول ياللي ما كشتوا هالاسبوع) (قلعتهم) المهم ما امداني انزل العزبة الا الاخوان نزلوا القصدير وتوابعه يبدو ان عوامل التعرية كثيرة هالاسبوع ولا شبعوا بالطريق مثل العادة وكانت البداية هالمنظر المنتظر من الكثيرين ياشين الانتظار حتى تستوي القصديرة يابو نواف ولا يهون ابو عبدالله الانتظار قاتل https://www.alrahalat.com/uploads/201...1300010531.jpg الحمد لله استوت القصديرة وباقي الرز الابيض من يدات ابو عبدالله https://www.alrahalat.com/uploads/201...1300011135.jpg https://www.alrahalat.com/uploads/201...1300010531.jpg شوفة عيونكم رز ابيض مثل حق المستشفيات ولكن الطعم يختلف بسبب البهارات https://www.alrahalat.com/uploads/201...1300010531.jpg بعد العشاء وينك يالفراش لاننا تعبانين من الفجر وحنا نجول ما قيلنا الظهر وبعد ان قمنا لصلاة الفجر لابد من الحنيني من ايدين ما نعدمهن ولكن النهايات من ايدين ابو نواف صورتين من قوقل واثر الامريكان يراقبوننا يبون يشوفون وش ناكل للفطور توكم بالامريكان ما شفتوا قرص البر من ايدين ابو سليمان (صبا نجد) وانت يابو فراس ما عندك الا هالتجطل بس وهذي بعض لقطات الربيع المحبوب وهذا مصلانا يعني اننا نصلي 4 شراع الشقردية من القاضي 5 وبعد ان ظهرت الشمس وبانت كان هناك انزال مضلي من ابو مساعد وابنه مساعد وابو سعد مديري السابق قبل ثلاثين سنة واخوه ابو عيدالله وابو الدانة وبدون ما يشاوروننا نزلوا مضلتهم وعلى طول قبل ان نرفضهم طقوها ما شاء الله عليهم وبالتأكيد ما دام ان هناك ابو مساعد فسوف تكون الوجبات متعددة والغدا كان كبسة عادية ليس فيها جديد وبعد ان ارتاح الجميع قام الشيف ابو مساعد بعمل عجينة الخبر اللي يحبه قلبك (ومن ما يحب خبزك يابو مساعد وخاصة اذا كان حار من الصاجة العجيبة) ولزوم التصوير والدعاية كلن جاء عند ابو مساعد اللي يصب المويه واللي يسوي حركات فنية شوفوا نظرات ابو سعد (احمد ربك انك مديري من اول) والنظرات مركزة على شي ما ادري وشي يمكن شي بينه وبين ابو مساعد وبدا الشغل السنع صاجة من صنع الشيف ابو مساعد لكي يكون مرتاح عند الخبز وبعد ان تخمرت العجينة بدا شغل الفرنسيين ويلاحظ ان ابو الدانة ظاهر بالشاشة (تستاهل علشان هاك الشاهي الخادر) قلت لكم شغل فرنسين نظافة ودقة بالعمل 3 واول قرص لابد ان يذوقه العمدة ابو فراس لكي يعطي الاشارة ببدء الخبز وسلامتكم واتمنى ان يجوز لكم الصور وقرقي الكثير |
تقرير راااائع جـداً جــداً وشيق واللي محليه وجودك يابوفراس ولايهينوووون الأخوان الله يسعدكم ويهنيكم من اجمل التقارير والتعليقااات لكم جزيل الشكر والود والاحترام تقبل مروري |
ياحبيلك يابو فراس كفو والله والله اني حولكم حلت مدفع لو دريت سيرت ههههه
|
ماشاء الله تبارك الله
كفيت ووفيت يابو فراس على هذا التقرير الرائع في ذمتي ان هذا الشغل السنع تميز وخمس نجوم لك يابو فراس وقل تم بابو عبدالله بأن اقوم بتثبيت الموضوع بعد مرور 72 ساعة ابن همام وش الي جابة معكم https://www.alrahalat.com/uploads/201...1300010716.jpg |
ماشاء الله تبارك
تقرير رائع |
مواهب مخبيها عنا
الا وهي التسدح ! كيف اخذينك معاهم !؟ الا (القرق) !! صراحه موضوع (جميل) يدل ع جمال صاحبه(بالروح )فقط ! لاننسى (نتمنى لوكنا معاكم) ومرافقتكم الله يسلم ايديك ويجعل ايامك كلها فرح وسعاده مشكور |
يازين يابو فراس كشتة الشيبان ولا الخبز على الصاج الحاله (( بدون تعليق )) الله يمدكم بالصحة والعافية ويجمعنا معكم في الفردوس الأعلى من الجنة تقرير من أجمل التقارير يميز الموضوع ويثبت مثل ما قال أخي الشيخ بعد مضي 72 ساعة |
مشاء الله عليك وعلى النشامه الي معك رحلة ممتعة ومـوفقة تـسلم يمينك على الصور والتقرير الجميل جداً جداً جداً والله يعطيك الــف عافية على جهودك المبذولة |
وان عاااش راس لاجي الصمان
واذوقك خبز احلا منه وش هالزين كله >>> اقصد الناااس اللي معك ترى وصدقني ما تحلا السوالف بالموضوع الا بوجود شايب الصمان معنا ولكن ليش قلت وداعية ؟؟؟؟؟؟؟؟؟؟؟ يعني نفهمها وما تبي تروح معنا للصمااااااااااان مره ثانية بس ولو شكلكم شياب عيال نعمه ومدلعين لكن فيه محظورات في بعض الصور كيف سمحت الرقابة بوجودها مشكووووووووور سلام |
ماشافو وذاقو خبزة ابوسليمان يابوفراس اكتبو في النت خبزة ابوسليمان واول مايطلع لكم ابوفراس عقب ها الخبزه تغير علينا واجد ماصارت خبزه صار تنويم مغناطيسي الله يهنيهم ويخليهم ويبارك فيهم
|
| الساعة الآن 10:32 PM |
Powered by vBulletin .
جميع الحقوق محفوظة © لشبكة ومنتديات البراري 2010