شبكة البراري

شبكة البراري (https://www.albrari.com/vb/index.php)
-   همس القوافي للمنقول ( قصائد - شيلات - خواطر ) (https://www.albrari.com/vb/forumdisplay.php?f=109)
-   -   (¯`•._.•[(.... بقآيآ .. حرف .... )]•._.•´¯) (https://www.albrari.com/vb/showthread.php?t=63279)

بقآيآ .. حرف 2020-12-04 10:12 AM

اقتباس:

المشاركة الأصلية كتبت بواسطة الركام (المشاركة 1053551107)
ياابو خالد جب جديدك ومنقولك
كـل ذواق تجــول بـبـسـتـانـك
ينـتـظر لك دايـم ويتحرى لـك
ينتظر في مجلسك صب فنجانك
🌹🌺🌹


يا هلا يابو سعود
لا جديد إلا الحلى في قولك
صح بدع القاف صح لسانك
ليتك قريب وليتن حولك
ربي يرفع قدرك ويعلي شانك

بقآيآ ...

بقآيآ .. حرف 2020-12-04 10:13 AM

شطر


مالك بماضٍ راح ذكرى سعيده

بقآيآ .. حرف 2020-12-04 11:13 AM

ماعد تشرّف ذكرياتك يا حنين الفاجعه ..
تقبّحَت .. مثل الوجيه اللي نواياها خباث

بقآيآ .. حرف 2020-12-04 11:15 AM

‏قدرت اكون الهوى وعجزت لا اكون ريح
يغفر لي الشيح ويسامحني الخيزران

هذي حدودي وانا والله ماني شحيح
قلبي عناقيد هيل وخاطري زعفران

مهدي بن سعيد

بقآيآ .. حرف 2021-01-08 11:02 AM

‏أتخيّل اللي راح وأقول ما راح
ما أعذب (الكذبة) ومرّ الحقيقة

ياليت عقرب ساعة أوجاعنا طاح
ولا أتنفسها دقيقة دقيقة

محمد السفياني

بقآيآ .. حرف 2021-01-08 11:06 AM

‏.
.

مرّ الزمن من خلال اسمي مرور اللئام
و أخذ يديني .. وأنا أتحسّس ضبابيّته

كان الطريق الزحام
وكنت وحدي زحام
كنت الوحيد : البعيـد بْـ مرحلـة ميّـتـه

يا ليتني ما قطفت أشهى حقول الغرام
يـوم الكـرز مـدّ لي وجـهـه و جـاهـيّـتـه

ماجد عبدربه

بقآيآ .. حرف 2021-01-19 10:15 PM

‏نجمةٍ حنّت على قلبه، وحطّت في كفوفه
من ثمان سنين لين اليوم وكفوفه وطنها

حبها من قلب
ذاب بغيرته
وأعماه خوفه
وجا يواريها عن عيون المخاليق : ودفنها

بقآيآ .. حرف 2021-01-30 02:16 PM

صدري وسيع وضيقته الضايقات
كل ما بنيت أحلام جا من يهدمه

بقآيآ .. حرف 2021-01-30 02:25 PM

‏عن زحام البال رحت املى بعذب البوح وقتي
لا هدا جوّي احس الحبر من صوتي .. اصبّه

الهدوء .. ولذّته .. خلّاني اتولّع .. بـ صمتي
كل بيتٍ من قصيدي ينولد بـ الصمت احبّه ..

ميعاد الحربي

بقآيآ .. حرف 2021-01-30 02:27 PM

‏‎كلّما عدّت على باب الجِراح
أمنيات العُمْر تنزف خطوتي
_
مالقى غصْن التعب ظِلّ إرتياح
يوم طاح الحيْل .. طالت سكّتي

ميعاد الحربي

بقآيآ .. حرف 2021-01-30 02:33 PM

‏في مشاوير السهر غير اغترابي ماانتظرت
والعمر محدٍ عن الوحده همس في مسمعه

بين نسيان ورحيل وذكريات وفقد حرت
بس ابلل ريقي بصبر السنين وابلعه

ميعاد الحربي

بقآيآ .. حرف 2021-02-08 08:26 PM

وين تلقاني السحابه ؟ والهبوب
واقفه مثل اليباس من القدر
ما تمل من العجاج ولا تتوب
لين تجرح شهقة انفاسي صدر
كنت اقول ان طحت وش ذنب الذنوب
الخطأ ما علم الناس الغدر

فيصل المهلكي

بقآيآ .. حرف 2021-02-08 08:30 PM

‏مابقى في شجرة الوجد لدروبي مقيل
.... الظلال اللي تشوفه تعب منه الورق
جيت من طول المسافه على القيظ الطويل
.... في جبيني حبر اماني وصل ينزف عرق
ليت تاخذ يالتلاقي معك عابر سبيل
.... غابت الشمس بنهاري وصبحك ماشرق
كلّ ذكرى منك ترجع وتاذن بالرحيل
.... مامشى فيك الطريق/ الطريق الا افترق

فيصل المهلكي

بقآيآ .. حرف 2021-02-08 08:36 PM

‏‎

الله لو انك بس تكسر عود في عـين الحسود
وتبل ريـق الصـبر قـبل يقول أنا محـتاج ما

مـادامك اكـبر مـن مجـرد صوت لاثبات الوجـود
اكتب من أقصى الذات لين تحرك احساس الدُما

اكـتـب ووكـدها ثـلاث أيمـان بانـك ماتـعـود
إلـين ما ترفـع مطيح الارض وتطيـح السـما

سعود الخزمري

بقآيآ .. حرف 2021-03-23 09:11 AM

‏يا ندبة البال وجدار التعب والشقوق
تغريبة العمر في قلب السهر جايشة

ما ودي اكتب ويجرحني ندي الطروق
ما ودي اكتب واعيد الرمية الطايشة

ما ودي اكتب واسيل من الورق والعذوق
عن سدرةٍ مات واديها وهي عايشة

بقآيآ .. حرف 2021-06-06 10:20 AM

مدري بكى حلم ؟ .. مدري ليلةٍ غبْرة ؟
نسيوني أحباب ولاّ ضاعت أخباري ؟
هي إتدبّر ؟ .. أو أقفَت مابها دِبرة ؟
ليت الليالي تقدّر غربة الساري
مدري من اللّي من الثاني نفذ صبره ؟
لا يازمن .. من هو البايع من الشاري ؟
لا الوجه وجهك ولا النبرة هي النبرة
مدري.. ولكن طرا لك يازمن طاري
ماني بجاهل على الشدّات .. تختبره
تشتدّ ياوقت .. وإصراري هو إصراري
بالقلب ما تعرف العبرة من العبرة
وبناظري غيمةٍ ما تمطر أسراري
خلّيت الأحزان بأقصى القلب منثبرة
ياكثر كذبي على نفسي وأنا داري
قم ياقصيدٍ يعزّي لا إنتثر حِبره
إليا حداني زماني تفزع أشعاري
وإن بار فِيَّه رفيقٍ كنت معتبره
أغلى من الروح .. ما نّزلت مقداري
والله لو ردّ هاك الحبّ من قبره
مارِدّ له .. لين تبرد غلّتي .. ثاري
ماكلّ شقٍّ .. مداه السلك والإبرة
وماكلّ عينٍ .. تجامل جرحي العاري
إمّا يقولون .. طاح الضلع .. من كبره
ولاّ يقولون .. ماهو للوطى ضاري
كلٍّ تكلم وكلٍّ خابرٍ خبره
وبكره .. يبين الصحيح .. إن سهّل الباري
البارحة ضقت .. وأثر البارحة غبرة
مدري بكى حلم ؟ ولاّ ضاعت أخباري ؟

مساعد الرشيدي رحمة الله

بقآيآ .. حرف 2021-06-06 10:25 AM

‏اللي زعل لا بد ترضيه السنين
ولا يضن اني خلقت لطاعته
نهيت قلبي عن طريق الراحلين
لا يعترض طرقة قلوب باعته
وفتحت بابه في وجيه المقبلين
راع الوصل مانيب من قطاعته
واقول للمقفي لو أن قلبي حزين
ودعتك اللي ما تضيع وداعته

مهنا السعدي

بقآيآ .. حرف 2021-08-11 03:42 PM

هذي السنه راحت وانا خاطري شين
عسى الجديده تدمح اللي وراها
هذي سنه ياعلها فدوة سنين
سجيت فيها بالخلا من شقاها

لشاعرها .....

بقآيآ .. حرف 2021-08-11 03:43 PM

ما عاد ندري نروح يمين والا يسار
ما حتى طريق الغانمين أختلف
لشاعرها ......

بقآيآ .. حرف 2021-08-11 03:43 PM

‏ما ورى البال الطويل إلا التفاصيل ومللها
نغمةٍ باين من أولها .... بدايتها حزينه
يا زمن وان كان لك كلمه على ما صار قلها
أنت وأنا منهو السابق ومن تسلم يمينه
لشاعرها .......

بقآيآ .. حرف 2021-08-11 03:44 PM

‏لوا هني الطير لا ضاق يالذيب
يترك طمان القاع للي نزلها
يرقى بروس النايفات المراقيب
بجنحانه اللي لا تضايق فتلها
ما يربطه موطن حياته تجاريب
لا شانت الديره يدور بدلها
لشاعرها ........

سحاب سدير 2021-09-22 12:39 AM

ابيات اعجبتني للشاعر عبدالعزيز العولة شاعر متمكن في الشعر الفصيح
دَعِ النَّقادَ يَهرِفُ ما يشاءُ
ترى أُنساً ويأنسُكَ الهناءُ
وصُمَّ الاذن إن لاقاكَ غِرٌّ
لهُ في كُلَّ موضوعِ دِلاءُ
تُعلمُنا الحياةُ إذا رغبنا
ومن يأبى لهُ منها العناءُ

صح بوحه وحسن شعره

وشكرا

بقآيآ .. حرف 2021-09-23 09:32 PM

اقتباس:

المشاركة الأصلية كتبت بواسطة سحاب سدير (المشاركة 1053570419)
ابيات اعجبتني للشاعر عبدالعزيز العولة شاعر متمكن في الشعر الفصيح
دَعِ النَّقادَ يَهرِفُ ما يشاءُ
ترى أُنساً ويأنسُكَ الهناءُ
وصُمَّ الاذن إن لاقاكَ غِرٌّ
لهُ في كُلَّ موضوعِ دِلاءُ
تُعلمُنا الحياةُ إذا رغبنا
ومن يأبى لهُ منها العناءُ

صح بوحه وحسن شعره

وشكرا


طله عزيزه أختي سحاب سدير
تشرفت بك وبمشاركتك
وصح لسان الشاعر وصح ذوقك
تحياتي

بقآيآ .. حرف 2021-09-23 09:33 PM

مبطيه كل المجالس عن علوم المزون
من يبشرنا بالأمطار يبشر بالعشاء
يالله بغيثٍ يخلي المساجد يجمعون
الظهر مع العصر والمغرب مع العشاء
لشاعرها ....

بقآيآ .. حرف 2021-09-23 09:35 PM

ما دام راسي على متني وعضمي سليم
الباقي من الخساير كلها هينه
نوب اتغيشم كذا لو أن ماني غشيم
لين الليالي تجيب الحجه البينه
واللي تجي بالصميم أردها بالصميم
ولا يكسر القاسيه من يعصر اللينه
ما يستغل الكرام إلا الردي واللئيم
وما شوه الطيب كله غير هالعينه


محمد البلوي

بقآيآ .. حرف 2021-09-23 09:37 PM

صاطي على الدنيا وخايف من الغيب
ومستعجل اللقمه وهي في صحنها
مدري صواديف الليالي وش تجيب
بس الاكيد مجهزة لي كفنها
ياكثر ما ذبيت روس المراقيب
وإلا ذكرت الموت حولت عنها

إبراهيم مرشود

بقآيآ .. حرف 2021-09-23 09:38 PM

العيون اللي تدوّر للخطايا
هي تسمى مبصره وإلا ضريره
علموها تنظر وجيه المرايا
كان باقي في مراياها بصيره
لا تسوق ضنونها حسب النوايا
الله اعلم بالنوايا والسريره

عايد بن ضلعان

سحاب سدير 2021-09-24 12:41 AM

اقتباس:

المشاركة الأصلية كتبت بواسطة بقآيآ .. حرف (المشاركة 1053570515)
مبطيه كل المجالس عن علوم المزون
من يبشرنا بالأمطار يبشر بالعشاء
يالله بغيثٍ يخلي المساجد يجمعون
الظهر مع العصر والمغرب مع العشاء
لشاعرها ....

اللهم امين ويارب العالمين غيث يسولفون به سنين وسنين

بقآيآ .. حرف 2021-09-26 04:36 PM

لا كثرت ضباع البطين المطّرف
عادي غياب الذيب عن مرقبٍ له
يا كم ظهور للملا ما يشرف
وأجمل غياب اللي يجي في محله

لشاعرها .....

بقآيآ .. حرف 2021-09-26 04:44 PM

‏جمِّع اصحابك بْصدرك و خـذ منهم و خَلّ
وْ لا يـهـمّـك من تـسـاقَـط إذا هـبّـتْـك ريح
كـل مـا غـورقـت بـالـدمـع مـن خذلان خِلّ :
طيِّح الـدّنـيـا من اقـصـى نظرْك وْ لا تطيح !

محمد السعيد

الركام 2021-10-26 11:16 AM

وش حيلة اللي كل مامر يشتاق
لايام حلوة ماضيات جميله

من طبع هالدنيامسافات وفراق
وكل يروح وماضي في سبيله

الركام 2021-11-24 09:06 AM

ماعاد اميز متى الخميس والجمعة
ولا الغداري والا النسناس والقمرا

ولا السوالف ومتى الاصحاب مجتمعة
معاد باقي معي منها سوى الذكرى

الركام 2021-11-24 09:07 AM

بالكلام الزين تلقى الناس حـيــــه
للقلوب احسن من علاج المشافي

ياعجب كيف القلوب تصير سـيـه
ليه ماحبت وعاشت بالتصـــــافي

بقآيآ .. حرف 2021-11-27 01:46 PM

يا مكبر الشرهات اصحى من النوم
عندي لك علومٍ جدادٍ خفافي
البارحه يوم إكتمل عقده نجوم
محبوبي اللي يستحق القوافي
سريتها له دون خشيه من اللوم
ورميت روحي وسط حضنه وكافي
كلمه وتغنيكم عن علوم وعلوم
( أنا هنا ) والليل رايق وضافي
وأنته وبصرك يا تسيّد مع القوم
وإلا تحمل ما تذر السوافي
يقول سلم لي على طاير الحوم
ورد الخبر له كان يبغى التعافي
واسأله عن نور القمر وينه اليوم
ومن وين له نورٍ يجي له إضافي
أما بثلاثه قله يكبر الزوم
لعل يظهر ما عن العين خافي
تراه من فوق القمر بس محروم
مصادره حوله ولاشك غافي
إن هز راسه وقال معلوم معلوم
ما عاد ينفع معه غير التجافي
وان عاود الكره بها دقت خشوم
هذا كلامي وصله يالسنافي
بقآيآ .. حرف

بقآيآ .. حرف 2021-11-30 02:46 PM

وش قصة الشعر في تالي الزمان الدبور
حلت ركابه على قلبي وركز علم
احيا مشاعر قديمات وموت شعور
ما كنه إلا يسوي في حياتي فلم
أربع عقود مضت مالي بها من ظهور
يرفضي الشعر قبل انه يطيع القلم
واليوم نهره تفجر والقصايد تدور
لو أكتب البيت نادى اللي بعده أستلم
إن كانها خير والعقبى وراها سرور
أنشهد اني سليم وحظ منهو سلم
وإن كانها شر يا رب رحيم وغفور
بمرك تحول حقيقتها مجرد حلم

بقآيآ .. حرف

بقآيآ .. حرف 2021-11-30 02:47 PM

أضحك لهم لو إنهم مايدركون
معنى الألم والضحك في ساعة ألم
بقآيآ ..

بقآيآ .. حرف 2021-11-30 02:48 PM

مالت أطراف الأصابع للمعرف
وأصبحت له بصمة الإصبع قيد
وقاري النوته بدا فيها يحرف
صاغ له لحنٍ على كيفه جديد
دورو لي عيد قريب مطرف
والله إني بحاجة العيد السعيد
بقآيآ ..

بقآيآ .. حرف 2021-12-15 11:47 AM

من شارك؟
إجمالي المشاركات: 6,757
اسم العضو المشاركات
بقآيآ .. حرف 5,054 عايد 369 الركام 278 تناهيد 175 خلود الرياض 127 ابو سلطان العتيبي 85 رذاذ 76 سراب 74 شيهانه 60 محمد آلحربي 58 حـــــارب 52 ساره الحربي 36 شطر 34 رحلة غروب 30 خوي النهار 26 عابر سبيل 26 ام الدانه 22 غيمة جده 21 نسمة هدوء 21 ذيب آجا 15 صلوا على الحبيب 10 مساعد منيف العتيبي 9 سحاب سدير 9 عذاري 9 محمد المقاطي 8 سيد الكلمات 6 أميرة البراري 6 ولد بدر 5 في عالم اخر 4 خالد الحريص 3 البارق الغربي 3 مزون الغربية 3 Abu Labeeb 3 حنين الشوق 3 المخلص 3 شاكر 2 طارق المحمد 2 غيوم عفيف 2 ابو طلال الفيفي 2 برق العارض 2 محمد آل زاهر 2 مغامر 1 صبح المطر 1 المكلوم 1 ابو عمر الحربي 1 احمد الحربي 1 عبدالهادي المفرج التميمي 1 المجره 1 ابوعدنان الجهني 1 كيف أنساك 1 غانم الضومري 1 صديق الليل 1 غزاله 1 كمال البدور 1 نوايف 1 Al-KHUSHAIBY 1تركي الحربي 1 أبا محمد 1
عبد المجيد 1 ابن حماد 1 سحاب شقراء 1 المستكشف 1 الوااا(بالله)اااثق 1

فديتكم

اللهم من كان حياً منهم فمتعه بالصحة والعافية ومن كان تحت الثراء فبرحمتك يا أرحم الراحمين أغفر له ذنوبه وأجعل قبره روضة من رياض الجنة

الركام 2021-12-16 07:56 PM

شكرا لك ياابو خالد 🌹
رحم الله من مات وسامح من غاب وبارك في المتواجدين

بقآيآ .. حرف 2021-12-25 01:47 PM

نعمةٍ ماهي بديني ماني مأمور بشكرها
الله يهني ملكها ويرحم قلوب الغلابه
من عصاريها تبين وسالفتنا من فجرها
ما بعد إشراق شمسه يا بعدي ليلٍ نهابه

بقآيآ ...


الساعة الآن 02:55 AM

Powered by vBulletin .
جميع الحقوق محفوظة © لشبكة ومنتديات البراري 2010