|
ساور الشك شك وما تهيّا لقا
اللقا اللي حفى عمري وأنا اطارده لا يطوّل برودك كان حنا اصدقا ولا تطـول الصـداقه كانها بارده |
تحنين يا عينه من الشوق والاوهام
تبينه ينام شوي ؟ وينه و وين النوم لقى ذكريات سنينه اللي ورا قدام وعلى شان خاطرها تبسم وهو مهموم محطات عمره كل ابوها قرار اعدام ماتفرق معه لو يعدمونه وهو معدوم يبي من يضم ايديه يومن من الايام على شان عمره يبتدي من هذاك اليوم مدغم ابوشيبه |
وسط المطارات ..الوجيه
أحسّ من غير أقنعه مليانه الخطوات تيه كلن خذا شوقه معه إما على اللي يحتريه وألا على اللي ودّعه |
رفعت عش وبعدها طاحت اشجار
زرعت صبح ، ولا قطفت المصابيح كم يوجعك هذا البحر وانت بحّار ماطحت عن مراكبك : طاحت الريح ! |
ماهي كذا .. يا محزمي .. لكن أقول
أقبل شكر مطلق .. وكثر امتنانه إعرف نتيجة .. قسمة الطول بالطول وتكسب .. تجاريب الزمن .. وامتحانه |
خل حبل السانيه بين النحر و الغارب
لا تقفّاها على الساقه ولا تنطحها ٠ خلها لا سلمت اللحيه و سلم الشارب ما أنت بـ اللي تكتب السيّه ولا تمسحها |
من ستر شوُق قلبه في لحاف الجروح
ما درىَ إن العيوُن ، أشواقها عاريـه |
لاتدوس الهوى غدوه بقلب ٍ ضرير
والمساء في ضفاف الشوق نار وحطب |
من طبعنا مانخون ولا نحب الهوان
وليا غزينا نجي لخصامنا من قدم ملوك في كل وقت وكل وقعة وشان إلا ليا من لفانا ضيف صرنا خدم |
يارفيقي والله انك كنت عندي غالي
والغلا بيني و بينك كان عالي صرحه لين جربتك وخابت هقوتي و آمالي كنت أعدك من جبال الارض واثرك برحه |
تعوذي من كل نزغه و وسواس
و تطمني يا الجافل المستذيره . انتي قرينة كل فكرة و هوجاس و انتي وليفة كل نبض و خشيره . مطلق بن شويه |
ذكرياتي شتات و تمتماتي فصول : )
" بعد ماغاب مابه حزن ما أحزنه " ،، من عرفته ! ماعنده للمواصل حلول ؟ (مهو صادق ولاكن ظله اصدق منه ) |
ماعاد عندي مناعه ي الجروح الجداد
توقفي لين اطيب شوي ثم ابتدي جفون عيني بدا ياضح عليها السواد وتبينت رعشتي لـ اللي يصافح يدي |
استري دمع المفارق و تلويح الوداع
و اطلبي يوم انكسارك من الله العفو . حلمي اللي راح عمري و أنا اداريه ضاع ضيعة المعروف في واحد ما هو كفو |
النور؟
طفّ النور والناس؟ ليه الناس، تقرأ بدون شعور؟ و تكتب بدون احساس؟! لو قلت لي: مقهور؟ بـ اقول: ماني حاس أنا مثل هالناس أقرأ بدون شعور واكتب بدون احساس.. عبدالله الكايد |
بكاك الشجاع اللي دموعه على مركاه
وهي ما تطيح إلا من الحاجه الكبرى ٰبعد ما فقدك وشاف وجهك بدون أشباه درى إن الجروح اللي لها قدر ما تبرى |
آتوجد وجد عودٍ قضى عمره كفيف
يمدحون آلشي عنده وعينه ما ترآه |
ريف قلبي عقب بعدك غدا كله هشيم
لو تمره صلف .. الانواد تقفي بورقه . الجديد من الطواري على الحزن القديم ضحك وجهه حزن بعدك يحاول يسرقه ! |
تعطر بأخلاقك
فهــو العطر الوحيد الذي يـشُمهُ البعيــد قبلَ القريب ولا يتغيــّر أبدا |
الصدور اللي وفاها ملاجي للرفيق
ضيقوها اللي على كل عوجا يقلطون عزتي للقلب الابيض وللوجه الطليق لاحداه الله على عالمن مايستحون محمد الدهيمي |
كم راح من حلو الأماني على لو
وضاع الأمـل مابين ليتـه و لـوّه ، نسرح مع التفكير وإن عكّر الجو نرجع على اللي كوّن أرضه وجوّه |
الغيمه اللي ترتبط .. في عجاجه
مرّدها لـ الطين .. لا طاح .. ماها َ بعتك وأنا اللي كل ماباع حاجه ماينشد مْن اللي بعده إشتراها ؟ |
لا يزعلك شخص ٍ وفيت وغدر فيك
ما دام هو سهّل عليك .. إكتشـافه عجـز بطيـبك يا السنافي يجاريك وحب إنه يكون بـ رداه : إعتـرافه ! #رجا_المسند |
لابارك الله فالهبوب اللي تغانمني عشان
أبيح شي لو عرضته للعرب طاح جهدي |
ياغاليٍ لو شحب وجه الزمان وعبس
مازال وجهك بشوش وبسمتك فاخره َ ماودي اعيش معك العمر مره وبس اهواك وابيك في الدنيا وفي الاخره |
يا رب لا تورد العبد الضعيف الشتات
في غبّة أحزانه أما ضاع و لا نجا ٰ ما فات موجود ماهو كل مافات مات انا مع الذكريات ان كان فيها رجا |
داري على خاطري واللي تبينه خذيه
لو تاخذين العيون اللي .. تبكّينها َ انا عيوني حلالك والبكا ماعليه دموع رجّال .. وانتي تستحقينها ! |
ما تعوّضني .............. ترفات النسا
عن هوى اللي قلت نامي بقلبي وآمني ' كل شيٍ فوق وجه البسيطه ينّسا كود معروفٍ غشاني وحبٍ ضامني |
مالعب ف العاشقين الا النوايا والتسرع
انتهى حب القلوب الي بعضها من بعضها َ علم الي يحسبون الحب جمعية تبرع من تبرع بالغلا والحب لايرجي عوضها |
اذا جيت كني جيّة المنفلت لا ثار
واذا رحت كني غفوة الذاهن الراقد . اذا تشوف نفسك حاجة نادرة تكرار انا الحاجة اللي مالها لك بدل فاقد |
لا تظاهر بالسعادة وتلفت الانتباه
والله أن قلبك من البعد فيه مْية سهم َ ماحدٍ منا بـ سالي وهو وجهه وراه راحت العِشره مشاريه ومبادل تهم |
كان ما يشفع غلاي وعشرتي والخوّه
عرض خيولك طريق البعد واخذ اسبقها . الهوى ياخذ قلوب العاشقين بقوّه وانت مثله .. لا تداريها ولا تعتقها |
انا منحرج من راعي ازهل وراعي تمّ
وضايق من الديان لامن طرا ديني . عسى الله يرزقني رصيدٍ ولا ادري كم يخلي مدير البنك .ياقف يقهويني |
الحب في هذا الزمن صار ترفيه
يصبح يحبه واخر الليل خلاه عشق بلا وفاء عسى الله يمحيه ويشفي قلوب الناس همه وبلواه |
عسى الونه اللي عقبها دمع عيني حار
يجيني بعدها مقبل الوقت بـ بشاره َ خذت من ضميري مثل ماياخذ النجار لامنه اشتغل في يابس العود منشاره |
ياعمري اللي بين .. شارع وشبّاك
ضاع اكثره من سبة اللي بصدري ٓ مع ان ما فالشارع المظلم اشواك .. وش اللي يجرحني لا مريت ؟ مدري |
عن البعد أنا المسؤول لكن ماني مسؤول
عن الخاطر اللي يخفي الضيق ويكنّه .. ليا نسنس الغربي طرق صدري المقفول رسالة عتاب ونسمةٍ من هوى الجنه |
لك طواري كل ما ذعذع هبوب الغربي
ولي عيون ان رحت ترسم فالوجيه طيوفك َ يا اقرب مْن ضلوع قلبي لا نده لك قلبي ليتني اقرب من سوارك للمس كفوفك |
يالله بنوٍ كل مـ آنشــــى تســــاكب"
من خايله شاقه ومن راض به نشب ' كن طارف نصوبه لاقامت تراكب" رغوة حليب الخلفه اللي على عشب |
المشتحن احيان ضيقة خاطره ماتطاق
وجوارحه عن تفاصيل الحزن ماحكت ٰ يسهب حديثه ليا من سولفوا فالفراق وان سولفوا في مواصيل الحبايب سكت. |
| الساعة الآن 03:36 PM |
Powered by vBulletin .
جميع الحقوق محفوظة © لشبكة ومنتديات البراري 2010