|
" وامتدّ ليلٍ فرّ من قبضة الموت ،
ياما .. سهرناه وقرينا كتابـه " عاطف الحربي |
لو يمرك شي من صوتي ، أمانه :
شف لك أقرب ريح بتجيني و ردّه |
لو صافح النور يدّي ماعلى الذاكره :
غير انّها ف العمر يا كثر ما لوّحت |
اختصرت "المسافة" عن طويل الأنين
يوم صوت الحسافة من غيابك صحى ! ، واتخذت "الموادع" ظِل شمس الحنين يوم منك التجاهل ، غصن حلمي، لحى ! ، اختياري " المفارق " حَلّ .. للـ أجمعين دام لا جيت أبكتب وصل، صدّك محى ! ، راضي به لو إني جِعت " قربك " سنين فـ لا وصالك "سنابل" ولا حنيني رحى ! |
وإذا قضيتوا من سنينه ومقفين
ياحيّ من زار المواجع .. وخفّف . حصرتوا اللي حبكم بين شيئين : قلبٍ تعفّف ___ خاطرٍ ما تعفّف |
للحين في دربي خُطاه
للموت بكتب له قصيد من راح والدنيا وراه أسترجع حكايه واعيد ماكان بالدنيا حياه ماكان للساعي بريد ماكان للقارب نجاه ماكان للحاضر جديد لو كان ماخذني معاه ماكنت ب لحالي وحيد |
كيف اكون انسان في معزل عن انسانيّتي؟
وكيف يرضيني من انصاف الحلول انصافها؟ تقبض الكلمة ورى الكلمة ثمن حرّيتي يوم احررها غواية من قيود اسلافها كان يغريني وانا محتاج قيمة ديّتي (كلمةٍ) مايستر العاري سوى شفافها ماقدرت احمل على اكتافي طهر مكيّتي واستحيت آعيش زي الناس.. فوق اكتافها عبدالله الكايد |
أغمّض.. ثمّ أنا بين النبيّ وصاحبه فـ الغار
أسافر في شعور أبوبكر وأنام فـعروقه واهاجر للمدينة واطوي البيداء بـ قلبٍ حار .. يظن انّه يسابق كل صبح لـ موعد شروقه ! وافتّح ، واثرني بين اربعة جدران صرت جدار ولي جرحٍ زنازين الورق تستاحش فتوقه عاطف الحربي |
من شْقوقٍ سهى عنها الجدار وساكنين الدار
وبيبانٍ من ايام سْكنوا ماهي بـ مطروقه .. عبر ضيّ النهار وفجّ صدر اللي معاك احتار إلييين انّه تفاجأ وانصدم في كثرة شقوقه !! عاطف الحربي |
الجروح فـ بعض الاحيان تاخذها الحميّا
و"الكتابة جرح" قد ايش جرحي بالسهوله سامح الله طيبة القلب يا طلق المحيّا يومها خلّت عيوني عن عيوني خجوله فـالمرايا كل ماشفت دمعي لي تهيّا استحيت وقلت هذا شبيهي فالبطوله وحدتي جنة مـ دام الكتابة في يديا وموتي: بـ شيِّ على البال مااقدر اقوله عاطف الحربي |
| الساعة الآن 12:31 PM |
Powered by vBulletin .
جميع الحقوق محفوظة © لشبكة ومنتديات البراري 2010