شبكة البراري - كتاب حبك

‏
خلاص بابي يالغلا لا تطقه
خلاص أبنسى صحبتك لا تجيني
كتاب حبك في يميني بآشقه
ماهلّ بعدك يالغلا دمع عيني
أتعبتني وصار الهجر تستحقه
ماعاد أبالي لو تجر الونيني
قلبي خلا مابه حنان ٍ ورقه
برسل لك الونات لك مسعفيني
خلك على زرع الحسايف وسقه
من شان تذكر ماضيات السنيني
من بعد قصر الحب تسكن ابشقه
هذا ختام الحب بينك وبيني
لو كان حبك ياأبيض الوجه خقه
من زود بغضك ماقدر يحتويني
ماعاد تسوى ياأقرب الناس بقه
رخصت بعد إنك لروحي وزيني
قلبي مهو لعبه تبي تسترقه
وأول وضعته يالغلا بالكميني
من عز نفسه قيل ماضاع حقه
لاتحسب إني بعد فقدك حزيني
بياض وجهك عن سنا الشمس وقه
خلك ببيتك متقي لاتبيني
كانك فقيه أو سامع ن بالتفقه
وش جاك مني تفرح الشامتيني
قلبك من الأحقاد والكره نقه
نصيحة ن لك أنت والسامعيني
ويش السبب قلبي ببعدك تدقه
أو قصدك إنك تسمع الحاسديني
خابر مواعيدك تنجز بدقه
واليوم ماحنا بكم طامعيني
قلبي مهو مرقوق بيدك ترقه
قلبي كما صم الصفا مايليني
اللي سواتك حالف إني لعقه
فارق ترى ما أنتب حدى والديني