كريم يامزن ترازم رعوده
 

[centeكريـم يامـزنً تـرازم رعــوده=وبله من الجنة وبرقـه مـن النـار
يبـرق ويرعـد والهبايـب تقـوده=وبقدرة المولى معـه عـج وغبـار
وجه على ضلـعً عسيـره حيـوده=ضلعً على الدنيـا والأيـام صبـار
ضلعً على الراقي عسيـرً سنـوده=شامخ شموخ طويق ودقس وسنجار
لديت يمـه قمـت أخيـل حـدوده=لكـن يابعـده وياقـرب الأنظـار
وأبغي فحيمان الحجـوري يـروده=ويجيب عن وقع المطر كل الأخبار
لاصاريعرف نقص علمـي وزوده=اشره عليه ولانبـي منـه معـذار
أصل الخيال وخيلـه يابـن عـوده=وليا ثبت بانشدك عن بعض الأسرار
أسرار عن جملة رمـوز معـدوده=شرقً وغرب وفوق ويمين ويسـار
من ضمنها بيـتٍ طويـلً عمـوده=يسلم به السالم ويوخـذ بـه الثـأر
وفي ربعته عودً متينـه عضـوده=عساه دايم مـن طويليـن الأعمـار
ومن ضمنهـا عـدً تزاحـم وروده=عيهل ولا له غير مارد ومصـدار
ومن ضمنها قرية كريـم محسـوده=في وسطها بيتين ماجتهـا ألانـوار
ومن ضمنها رجال يشعـب قعـوده=يمسي بدار ويصبح الصبح فـي دار
وقت الرخـا دايـم تقـادح زنـوده=وتضيع هقواته ليـا صارماصـار
ومن ضمنها زرعً قديمـه عهـوده=بين الثريا والثرى نسـل الأشجـار
ياطيب مزرعته وياطيـب عـوده=من عهد سيدنا محمـد والأنصـار
والرجل ما يصعب عليـه ويكـوده=الا السوالف مع ضعيفين الابصـار
وانته ولـد حـرً عريبـه جـدوده=عندك ولك شيمه وحشمـه ومقـدار
والشعر في مجنـاه تقطـف وروده=عاقل ولك بالشعر خبره ومشـوار
والصدق ماتطلـب عليكـم شهـوده=والكذب ماله معك مدخل ومظهـار
وأسلم سلم حظك وطالـت سعـوده=والله يجيرك من بلا الوقـت لا دار
وعسى حبال الشر عنـك معقـوده=يامكرم الطرقي والاصحاب والجارr]

الشاعر الكبير : رجاءالله المحمدي " رحمه الله " [/center]

لاصاريعرف نقص علمـي وزوده=اشره عليه ولانبـي منـه معـذار

. . . . . . . . . . . .

رحم الله الشاعر وغفر الله له

وسلمت يمناك اخي الفاضل صقر الابيتر

وقت الرخـا دايـم تقـادح زنـوده=وتضيع هقواته ليـا صارماصـار
ومن ضمنها زرعً قديمـه عهـوده=بين الثريا والثرى نسـل الأشجـار
ياطيب مزرعته وياطيـب عـوده=من عهد سيدنا محمـد والأنصـار
والرجل ما يصعب عليـه ويكـوده=الا السوالف مع ضعيفين الابصـار
وانته ولـد حـرً عريبـه جـدوده=عندك ولك شيمه وحشمـه ومقـدار
والشعر في مجنـاه تقطـف وروده=عاقل ولك بالشعر خبره ومشـوار



الله ع الأبدااااااع وابيااات جدآآآآ رآآآآقت لــــي وننتظر جديدك

الله يرحمه


قصيده حلوه .