|
لـو يريد الله يقرب كــل شي قــربــه
البعيد اللي جفانا والصديق اللي نسى كل عمر من الزمن يعطي دروس وتجربه بين حزن وبين ياس وبين لين او قسى |
لا تدور في دروب العشق راحه
لا تزينـهـا حلومـك والامــاني لا تحسبه مثل مشيك للسياحه لو تسكر درب تلقى درب ثاني |
عسى مايجي للوقت ضد ونشقى به
عسى مايميل الحمل في تالي الحالي عسى مانشيل اثقال حمله ونرقى به ونتعب ولا نعرف اليا صار محوالي |
لولا الاماني والخيال البعيدي
ماكان جينا ننتظر كل غايب وماكان نحلم في زمان سعيدي ولا نسوي له فعول وسبايب |
الحلوم اللي رجينا مستحيله
والهجوس اللي هقينا ماتجينا يوم بين صار مافي اليد حيله والحياة امواج نمشي دون مينا |
كل يوم على هالحال نرقب جديد
ولو يجينا الجديد نقول هذا قديم عمرنا ماتلاقينا ولا جا البعيد مير للعمر وقف وكل حلم عديم |
مليت انا من الذراء ودي بمشراف
ودي اسافر ولو مدري على وين ودي اسافر ولا تطرون مهداف ونضيع الدرب وتضيع العناوين |
الجـــو لا بد لـه دورات ويزين
اغنم زمانك قبل يصير به ميل يزين ويشــين ثــم يزين ويشـين ومنه ترى يروح جيل من بعد جيل |
|
تراني على صبري ولانيب متحسف
وجودي خيار نابع من ضمير حي ولو مايجي منكم احد قال متأسف ابجلس لحالي لين نفنا ويفنى الشي |
الناس جاها السيل من الجال للجال
وانا على هـالحـال من دون غــيـمـة وانـتـابع الـنـشـره ونقـرأ للاحــوال ومـابه جديد وكنـهــا من قـديـمـه وهـذا ترا طـبـع قــديــــم ولا زال لديارنا مـال الـمطـر به وسـيمـــة ياحـلــوة ملت من سنين المحــال ليتك على خط المطر به مـقـيـمــة او لـيت خـط للسرطــان قـد مـال ويزين جوك وللوسم فيك قـيـمـة الله يغـيـر حـالـنـا لاحسن الحــال ويغـيثـنـا ربي بسـيـل وديــمـــة ابراهيم بن سعود الخريف |
راح العمر مابين حلم وياليت
الحلم للقادم وياليت ماراح نبي جديد ونادمين لما فات ونعيشها مابين افراح وتراح |
ياليل لوك ليل كان اسفر الصبح
لكن اظنـك ظـلـمـــة سرمديــــــة نرقب طلوع الصبح لعل به ربح لو هو شبيه مثل وقت العشية |
كل ماصد واقفى جاء جوابه وقال
غايب ولا جديد عندي اقدمه ليت يحضر وبياتي مع حظوره مجال من سبايب غيابه مابنيت اهدمه |
ضاعت الاعمار نرقب للجديد
والاماني والامل عمره طويل ومع سنين العمر يتاكد اكيد ان حلم اليوم يعقبه العويل |
يا بير يوسف طاحت أحلامنا فيك
والقافله مرت ولا طلعتنا |
ليتني ما جيت لديار الشمال
ولا ذكر لي بديرة القاعد ذكر جددت جرحي عنودٍ به جمال تشبه المحبوب حتى ف النظر طار له قلبي و ناديته تعال قلت صبرك قال ما عندي صبر بقآيآ ... |
أسمك سما ينظم لك النجم مسباح
يا ديرة المذنب ويا حي ديره ما جيت لك عابر ولا جيت سواح جيت أشتكي لك من نجوم الظهيره بقآيآ ... |
اواعد القلب بالامـال ويخـالـف
يدري بحالي ولا يجامل ولا يأمل وانا بعد عـارف واقـول له حـالـف ويشوف وضعي ولا جاوب ويتأمل |
لا عاد تطري للسنين القديمة
ولا ترتجي عمرك يعود شبابي وترا ياليت وليت من دون قيمة واحذر تفرط عقب ما الراس شابي |
مبارك عليكم الشهر الكريم
تقبل الله منا ومنكم الصيام والقيام وكل عام وانتم بخير وصحه وسلامه يارب |
عادت أعيادكم وتقبل الله منا ومنكم الصيام والقيام
وكل عام وانتم بخير وصحه وسلامه يارب |
مع فارق التشبيه بالناب والسيف
ضحكات سنك ما ترجع شبابك تجين وإلا ما تجيني على الكيف يا دنيتي ماني محسب حسابك أنا بدوي ما لحقت شيء بتحاسيف والله ملهمني وقاري كتابك بدري عليك تكسرين المجاديف ولي نور من ربي يجلّي ضبابك بقآيآ .... |
خذ كلام العقل وأترك للمحرّف
دامت الأعياد يا عيدي الجديد جيت لك كلي وكلي بك تشرّف يا بعد من قال أنا للغيد سيد مير خل الباب يا عيدي مطرّف والله إني بحاجة العيد السعيد عيد فطر وعيد أضحى وعيد شرّف والأخير أكيد هو بيت القصيد بقآيآ .... |
ماعاد يطري على خاطري بيت
ولا يدور بهاجسي شي اقوله مدري جفاف او انا منه مليت مدري عن الاسباب ومن هي فعوله |
ماكنت ناوي امر وجيت
وما كان لي خاطر في شي اشوف من جاء اليا مريت واجامل الوقت وابقى حي |
اقتباس:
ما كان لي صار ما هو لي كل التحايا لذاك الميت من غاب نوره فقدت الفي بقآيآ ... |
لسنيننا اللي مضت حنيت
ليت الزمن يرجع بنا شوي اقولها واعرف ان ياليت ماتنفع اللي تمنى بشي |
أخاف يرجع وترجع ليت
قلوبنا طاهره ياخي ذاك الزمن خارج التوقيت حسناك ما تنتجازى بسي بقآيآ ... |
حتى مع الوقت لو ابطيت
كم ميت قلت ليته حي ياماضي ذايع لك صيت علم زمنا اذا يوحي |
لو تندهه قال لك ما اوحيت
والكسر عنده دواه الكي ياخذ مشاعرك بالتصويت يا زرعنا ما يفيد الري بقآيآ ... |
ياطول وقتي اليا مليت
واقف على حال ولا يمشي كنه موقت وله توقيت لا بان نور ولا به ضي |
ذكرتني النصر والتشتيت
متى سرابه نشوفه مي كبير لكن يضل بخيت آخر طموحه يردد ( سي ) بقآيآ ... |
مبروك الف مبروك
للنادي الاهلي السعودي لتحقيقة بطولة النخبة الآسيوية |
ياحزة الفرقا وياحزة الضـيق
مابه مفر ولا سـلامـه وتفريج نبي نصد ولا حصل فيه تفريق كنا على الخوة جميع محاويج |
ادوج وابحث ولا حصلت له جره
ارقى على الرجم وعود على الوادي في العام كله وفي برده وفي حره ومازاده الا العناد وزاده بعادي |
الخيال احيان يعطي لك مجال
في التصور ويغدي شي وصار وترسم الاحداث والواقع محال مايجي في الليل يمحوه النهار |
الخيال احيان يعطي لك مجال
في التصور ويغدي شي ماصار وترسم الاحداث والواقع محال مايجي في الليل يمحوه النهار |
الموت تال الوقت ماهو بمزاح
والروح عطشا والمشاعر حزينه ودوني لحايل وخلوني أرتاح لي حاجةٍ بجبالها وساكنينه هي نظرةٍ للي كما النور وضاح وإن طولت يا سعد عيني وعينه بقآيآ ... |
هجوس تخلي الفكر مشغول فيما فات
تراها سبايب ضـيـقـة الصدر تلعب بـه ولا تحسب ان الوقت يمشي على المشهاة حياة تجي عكس الـطـلـب دوم منقـلـبـه |
| الساعة الآن 09:03 AM |
Powered by vBulletin .
جميع الحقوق محفوظة © لشبكة ومنتديات البراري 2010