شبكة البراري

شبكة البراري (https://www.albrari.com/vb/index.php)
-   همس القوافي للمنقول ( قصائد - شيلات - خواطر ) (https://www.albrari.com/vb/forumdisplay.php?f=109)
-   -   (¯`•._.•[(.... بقآيآ .. حرف .... )]•._.•´¯) (https://www.albrari.com/vb/showthread.php?t=63279)

الركام 2014-04-08 04:30 PM

✴✴✴✴✴✴
من الذاكرة

سالفة علي بن مخيليل


علي بن مخيليل توفي عام 1360 هـ
كان عاملاً في مزرعة في بلدة الحريق
وعُرف عنه الاخلاص والامانه في عمله
وذات يوم وهو في عمل السواني رأى سحابه فدعا الله ان تهطل وتسقي الزرع
واستجاب الله له ونزل المطر وامتلأ النخل
فقال صاحب النخل معاد لنا فيك حاجه ياعلي ، وتغيّرت طريقة تعاملهم معه
وبعد تركه للعمل لديهم وبقائه في بيته وهو رجل فقير
هاضت نفسه فقال هذه الابيات :


الله لا يسقي ضماكم معازيب

صبيّكم لاجا المطر تطردونه


يوم المطر سيّل جميع المشاريب

صبيّكم عقب المطر ما تبونه


يوم التعب دايم رجوله مصاليب

وانتم على شان الصِّدَر تكرمونه


واليوم صارت فيه كل العذاريب

واللي مضَى ما كنّكم تعرفونه


بالليل يِسهر بين حِرش العراقيب

تصَدَّعَت رجليه ما ترحمونه


يجرّ صوته مثل ما يقنِب الذّيب

مع السواني ساهراتٍ عيونه


والصبح بالمسحاة يَضرِب مشاعيب

اللّي بها كلّ الشّجَر تغرسونه

✴✴✴✴✴✴✴

بقآيآ .. حرف 2014-04-08 11:15 PM

أقول طيّب .؟ و أنآ رآوي تعب .. و إمغبـون
مآ عقب .. حلو آلسنيـن .. إلآ مـرآر آلأذى
أحس كني .. بلآ .. قلب .. و لسآن .. و عيون
و أسوق عمري .. على درب آلليآلي .. كـذآ
تعبت .. من رجوة أمآلي .. و حسن آلظنـون
و إعلوم .. دآرت رحآهآ .. بيـن هـذآ و ذآ
و آلشعره آللي .. بقت بين آلعقل .. و آلجنون
خليتهآ في ( كفوف ) .. آللي عطيت .. وخـذآ

ابو سلطان العتيبي 2014-04-08 11:32 PM


تعودت مبدا الرجـم صبـحٍ وعصريـه
وعيني من الدمعه خـذت حقهـا وافـي


الا جيت بخفي الحـزن بانـت مواريـه
ودمعة عيونـي بينـت حزنـي الخافـي


اجامـل مـع الخـلان جـوزا معذريـه
وكل الجـروح اكنهـا بيـن الاجنافـي


وكنـي مـريـضٍ مايبـيـن مشاكـيـه
يجامـل مـع الـزوار ويقـول متعافـي


مريضٍ مرض قلـبٍ وعينـي شقاويـه
ومبطي وانا مـن لـذة النـوم متجافـي


-


تناهيد 2014-04-09 01:15 AM

دريت انه لـ غيري واقتنعت ولابقـى مقعآد
تفارقنا . . ويامكثـر غـلآه . . وكثـر تقصيره

خذا كل العمر واقفى بلا عـذر وبـلا ميعـآد
وانا أقفيت ما والله في قلبي سكن غيـره

الركام 2014-04-09 08:04 AM

ليه الصداقه تخذلك بعض الاحيان
تحسها من وسط عينك تهاوت

خاويت ناس اعدهم مثل الاخوان
و اليوم كن قلوبنا ما تخاوُت

الركام 2014-04-09 08:11 AM

الوقت يمشي والمخاليق سالين ..
والعمر ينقص والمنايا تجره ..

والموت بغته يلقط أرواح لاهين ..
ويبقى العمل مابين خيره وشره ..

بقآيآ .. حرف 2014-04-09 11:09 PM

غابت سمــاء زرقــا .. وشمس .. وهبايب
ولا بقى لي غير .. ليل وبعض هــَــمّ . !

يسألني العالم عن إنــســـان غــايـــــب
وعجزت من حزني عليــه .. آتـكــلم !

إن كان بـــاقي لــي دعـــاء وطــــلايب
فالله .. يعيد شفاهي اللي تـِـبســـّــــم ..

مريت بدروب ٍ قديمـــة .. عجايب ؟
حتى المكان اللي تركتـــــه .. تألـــّــم !

بيت ٍ قديم وباب مــبــلــــــــي وذايــب
وجدار .. مــن خــوف المــلامــة تــهــدّم

وماضي وعشق وذكريات وحبايــــب
وكلمــات مــكـتوبــة على غصن أبكــَـم !

بس الــتــراب اللي وفـــا .. للــخـــرايب
وغطــا شوارعها .. لأجـــل يـحـجب الغـــَــم

كن داخلي طفل ٍ له إحســـــــاس شايب
وإتــركــتــه الــدنيا .. إلـيـــن إيــتعــلـّـم

وكــن الشجــــر .. رجل ٍ يعرف السبايب
ومــات .. وتــرك كل الحياة .. إتــنــدّم !!

دام العشق خايب .. والإحساس خايـــب
و ش لي .. أمـر بـصوب بـيــتـــه وأسلم ؟!

ذكرني ( ترابـــه ) بــإنــســان غايـــب
وعــجــزت مـــن حـــزني عـلـيـه آتكلم !!

الركام 2014-04-10 03:13 PM

لآتشيل ( آلهم ) .. و آلدنيا ' متآع
آبتسم عيش ' آلليآلـي ' في سرور

كم كبير وكم كريم ، وكم شجآع
خـلو آلـدنيآ و عـآشوا . في قبـور

رذاذ 2014-04-10 03:33 PM

اقتباس:

المشاركة الأصلية كتبت بواسطة الركام (المشاركة 2234329)
ليه الصداقه تخذلك بعض الاحيان
تحسها من وسط عينك تهاوت

خاويت ناس اعدهم مثل الاخوان
و اليوم كن قلوبنا ما تخاوُت



،؛،؛،؛،؛،؛،؛،؛،؛،؛،؛،؛،؛،؛،

الركام 2014-04-10 09:41 PM

ودع ولا ندري عن اسباب الافراق
و يعن ذكره كل ماهب ذعذاع

ليته بعد يدري عن اللي له اشتاق
وانه بعد باقي على العهد ماباع


الساعة الآن 11:56 PM

Powered by vBulletin .
جميع الحقوق محفوظة © لشبكة ومنتديات البراري 2010