شبكة البراري

شبكة البراري (https://www.albrari.com/vb/index.php)
-   همس القوافي للمنقول ( قصائد - شيلات - خواطر ) (https://www.albrari.com/vb/forumdisplay.php?f=109)
-   -   (¯`•._.•[(.... بقآيآ .. حرف .... )]•._.•´¯) (https://www.albrari.com/vb/showthread.php?t=63279)

بقآيآ .. حرف 2013-08-28 11:54 PM

شبيت من بين المحاديب ضوك
عينك معي والقلب ! مع من تمناه

يكشف لي اسرارك ملامح هدؤك
تفرح ليا من شفت طلة محياه

بس المهم اني ليااا زان جووك
مع من توده بالهوى كني !! اياه

رذاذ 2013-08-29 12:01 AM

،؛،؛،

قلب ذبحته بالغدر صار ينساك
والنفس عافت من عذابك وعدها ،،

أنا الذي تلعب بقلبه وخلاك
وأنا الذي عنك المواجع حشدها ،،

باحرق بقايا مابقا من خطاياك
واطوي صروح بالحشا تعتقدها ،،

،؛،؛،

بقآيآ .. حرف 2013-08-29 12:24 AM

كل حزني بعيني .. من غيابك يبان
يا عذاب المشاعر استمع ما يلي :

اجرح القلب فدوه .. والله المستعان
بس لا تترك العذال , تضحك علي

بقآيآ .. حرف 2013-08-29 12:26 AM

جف ريق الحكيْ من قبل الحروف
ترتحل من خلف تنهيدة عَـناك !

كيف ترحل وأنت بعيونك تشوف
دمعة عيونيْ ، تبيّن لك خَطاك !

وكيف ألوّح للمسافة والظروف
دام ، تلويحة يدي راحت معاك !

رذاذ 2013-08-29 12:29 AM

:ordh::ordh::ordh:

أبيك ألحين

أبي

صوتك يجيني صبح ..

أبيك إنتي

بدال الجرح ..

أسولفلك

عن اللي قبل ما أشوفك

يحبونك

عن اللي بعد ماشفتك

يخافونك ..

أبيك إنتي

نهاية لو تكون الجرحْ ،،

يا بنت الحرفْ

يا شمعة ليل ما تطفي

خذي من دفتري حرفي

أبيك انتي

خذي من ليلتي عطفي

خذي قلبي

سبب غُلبي

خذيني.. روح

طفل مجروحْ

قعد مرَّة بجنب البابْ

وحوله .. شلة الأصحابْ

وقالوله .. متى نكبرْ

..وكبرو كلهم حوله ..

وهو وحده بدا يصغرْ

بدا يذكر .. ولا يذكرْ ..

أبيك انتي

تجيني ..من ورا سور المدينة ريفْ

تجيني .. لو سحابة صيفْ

تبللني

تطهِّرني

تهدِّيني

تنام الليل في عيني

ترجِّع أول سنيني

طفل ولهان ،،

زرع في طاقته

وردة .. وخلا قلبه البستانْ

أبيك انتي

محد غيركْ

وابي شعري تعابيرك

وأبي دربي مشاويرك

أبيكِ انتي ..

محد ثاني

محد يقدر .. يطلعّني ..على سور القمر وينامْ

محد يقدر يجادلني .. بغدر الوقت والأيام

أبيك انتي ..

بلون الشوق

بطعم العشق في كاسي

نسيت بشوفتك ناسي

وجلا ّسي

وجيتك بردْ

يدفيني به احساسي

ياصوت الحب يا (همسه)

متى بنسى؟

متى بقسى

إذا إنتي .. تبين البعدْ

بموت .. ولا يجيلك برد ..

أحس انك مطر ما يكفْ

وأحس اني خلايا حرف

كتبتك فأول أوراقي ..

اسم يشهد على عناقي ..

متى بنساك يا ( إنتي )

ترى مدري

أنا عمري

دقيقة .. وإنتي في بالي

وساعة .. وانتي أشعاري وموَّالي

ودرب أمشيه .. ما أسألْ

متى بوصلْ

رضيت بحزني الأول

وخوفي حزني التالي

:ordh::ordh::ordh:
..

بقآيآ .. حرف 2013-08-29 12:29 AM

عَليك الله ‘ يا جَرح ! أول لـَبسني لـَ الأمـاني طوع
عَليك الصَمـت .. يا آخر نِعاس ٍ مَرني جِفنه

طِفل يـَمشي وفي وجهه ملامح تحتوي [ .. مفجوع ..]
وطِفل يـَمشي على بحره يشيلْ أفراحه وسُفنه

هذاكْ يِشيب بـَ حروفه .. أنا فيني [ عَطش مِن جوع ] ..
وهذاك يقول لـَ أفراحه يجي باكر مَعه كَفنه

بقآيآ .. حرف 2013-08-29 12:51 AM

تعلقمت دنياي وأصبح يآسي لحلمي مصير
ودفنت في ليل الشقا فرحة وبسمة وإنتهيت‎

ماعاد يستوعب جروحي شعر وأحزاني تشير
إني نُفيت وماصدر لي حكم غير إني نُفيت .. !

بقآيآ .. حرف 2013-08-29 12:54 AM


سكـتّ واهديت الكلام لـ سكوتـي
واخفيت ( بحَـة نبرتـي ) واستراحـت

مابي كـلام إن داعـب العمـر موتـي
وش عذر دمعـة ناظري يـوم طاحـت

همّـي وانـا حـرف التعابيـر قُوتـي
لا مـرّت الورقـا خفووقـي وناحـت

من صرت أشوف الحزْن يسكن بصوتي
عرفت ليش ( امّي ) لا سولفت صاحت

بقآيآ .. حرف 2013-08-29 12:56 AM

عادي/ بكيت وجفّ دمعي وروّقت
وش لك بطول السالفة .. والمواجع !

هذا انا بستقبـلك / كل ما اشتقت
ملّيت اكرّر .. واسألك مانت راجع؟!

ايه اعترف لك في خفوقك تعلّقت
لكن بعد لو رحت . . ماني بضايع !

جرّب تفضفض داخلك لا تضايقت
شف كيف تخضع للجروح المدامع

بقآيآ .. حرف 2013-08-29 12:58 AM

يجوون افواج في درب الوحيـد ويمتلي متني
واهز اكتـاف جيتهم ويبقى لونـهم ساده

عليههم من ملامـح غربتي اشيـاء تشبهني
شتـات وبعثرة احـلام وليل فاقد وسااده

تسلوا في طرف ليل الغريب وماسلى حزني
وخاطوا للـفرح ثوب جديد ماتت اعياده


الساعة الآن 06:25 PM

Powered by vBulletin .
جميع الحقوق محفوظة © لشبكة ومنتديات البراري 2010