مديت كف الوفـا واثـر الوفا مايفيـد
في ناس ماعـاد طيبك يملي عيونها ، لا بارت الأرض لا ترجا وراها حصيـد ش الفايده فالشجر لايبست غصونها ،،! |
تاريخ الانسان حتمي في حديث الرواه
مثله مثل أي مُنتج من خلال السنين و ثقافته لو تفسّر له غموض الحياه ما هو ضروري يْطبقهّا على الآخرين |
بـ أقول حاجة قبل عن عيني تغيب
قبل الجفا يكسر جناحين طيرك واللي فَرَق قلبي عن الناس بالطيب ياالعمر هذا ماضوى فيه .. غيرك |
بين صمتك و احتياجي لك عتب
من خذاك و دلّك لـ درب السكوت ودّي اشكي .. لكن الشكوى تعب ودّي احكي .. لكن الكلمه تمووت |
في داخلي صحراء تشوفكـ مطر
وفي داخلـكـ غيـمٍ تكبـر علـي .! |
تنحّر وساع الارض يالخاطر المشغول
وسبح بـ حمدالله و لدّ النظر صوبه وش اللي يَنكد خاطرك والعمر مكفوّل لياليّك وايامك على اللوح محسوبه صباح الآمل والتفائل |
كل الامور اللي تجينا مقادير
تدور فينا الارض وندور فيها يـ الله براحة بال وبخاتمة خير وأعمال قبل الموت نحسد عليها |
صدري شمالي عند زلات الأحباب !!
يستاهلون يكون صدري شمالي 💭 لو كل زله كنت أبفتح لها الباب |~ نهاية الخـوة / بخـاوي ضلالـي |
مايل الشوق بإحساس الغلا واستراح
على جبينك .. ومد لراحتينك ، وعد عن مبهمات الظروف ، وعاتيات الرياح لك في عيوني ظلال وفي ضلوعي سعد |
اللي تسلل مع باب الشعور ودخل
لايستغل الشعور الصادق الفوضوي ' مشاعري مثل كفي ماتعرف البخل لو ذيب جوعي ورى حدب الضلوع يعوي |
يا صاحب الفتنه عليك اللعاين
يسوقها ربي ترادف بعضها مصيبة تظهر والأخرى تباين واللي بعدها أشر منها وادها بقايا ... |
كرهت نفسي وانا مدري وش اللي يصير
عواقب الوقت تاخذني بسياتها شك ورى شك وش شافت عيون الضرير يا داخلين بخفاياها ونياتها بقايا ... |
|
مالك شريك بخافقي مالك شريك
تطمني يا ضي عيني وسلوتي ما قارنك والله لا بهذي وذيك انتي الشرف وانتي حياتي ودنيتي بقآيآ ... |
ماعاد تفرق .. يطـول الصبر ولا يضيع
خريف الايــام ..ماقصّر على واحتــي وأحبابي اللي ضحكت الهم بصدرٍ وسيع اللي كسر خاطري ..واللي سرق راحتي |
نسيت نفسي .. وفاء لعيونهم وابتسمت
ورسمت ضحكة رضاهم فوق وجه تعبي ابي سلامة خواطرهم .. .. وانا ماسلمت من صدهم قبل لا اعرف خاطري وش يبي |
أنثريني سنابل فالهواء للجراد
[ نعمة الله ] وطاحت بايدك المسرفه جعلي أزرع و غيري يهتني بالحصاد دام يرضيك هذا الحال يا منصفة ..! |
يارب انا من عبيدك وانت عني غني
ورحمتك يارب لعبادك ماعنها غناه يارب رحمتك لامني لبست اكفني العافيه ماتدوم ولاتدوم الحياه لافي الغيداني |
مالي على سود الليالي ملامه
انا مشاريهي على بيض الايام عنايد الحرف |
وش ذنبنا لاصار منطقنا فصيح
وقلوبنا ماكل من جاها قَلَط ، حنّا نحب الصّدق ونْقول الصحيح والمشكله فالناس تفهمنا غلط محمد القثامي |
كنت كلي ريب ، قبل انك تجيني
ياا صحيحٍ كل ما بعده محرّف أنشغل بالي عليك ، وقااال فيني ما تقول الريح فـ الباب المطرّف |
من صدر باقي غريق من الحزن ما نجا :
ماعاد لي في جموع الناس ، مقصد أبيه .. خلوني بعزلتي ، مافي دروبي : رجا أنا تعبت المسافة والزمن والوجيه |
يا نجد لو تكفي الزفرة عن أبلغ كلام
زفرت من خاطرٍ به ما يزحزح طويق يحل طاريك و يرفرف بصدري حمام و يرق قلبٍ جزاه الهم ما لا يطيق |
صاح صوت الطفل فيني : انت من وين ارتميت
قلت انا المستقبل اللي فيه كم هــمـت وطـمحت امـس كنـت ابيــك تــكبر .. بس والله لـو دريـــت اني اللي عشت لجله .. مــت عنــدك واســترحت لـــو دريـت ان الزمـــان يـــجر رجـــلي ما عديت ولو دريت ان البـــحور بلا مــواني ما ســبحـــت هذا أنا ..وأصبحت اتمتم(هذا أنا)حتى بغيت اختنق .. بس القدر عيّا على موتــي .. وطـحت |
انا .. من الله خلقني ، للمفارق جسور
احرق سوالفك || وحبال الوصل طوها . امشي بجوي لو اشواقي" تلف وتدور" ماهي تمشيني اشواقي على جوها |
|
|
العام أنا أعرف صاحبي وأجهل عداي
واليوم منهو صاحبي يا عدوي أبراهيم الحبيرتي |
لا صار أعز الناس يلوي ذراعك
لا عاد ترجي من ورى عشرته خير . ارفع على متن السفينه شراعك و ارحل على متن البحر والمقادير |
اللهم انا نستغفرك استغفاراً يطهر النفوس من أوزارها
ونشهد لك شهادة نحشر تحت ظلالها وارزقنا حمدا يملأ الميزان وشكراً يزيدنا في الإحسان |
للقلوب النقيه باقة من زهر
أسعد الله صباح أيامها بكل خير أسعد الله أوقات من يتابعني بكل خير بقآيآ ... |
ماعاد تغريني الوجيه
أبي قلوبٍ وافيه ملّيت لايمكن ! / وليه !! والشعر مل القافيه @حمد_السعيد |
اقتباس:
عودٍ : ليا بانت اللهفه علييييييه ، انحنى ! |
الجـروح اللي تشـد انتباهـك : مبـطـيه
سـولف وتصـدح رعـودي بتنهيد المخيل كـثر ماعـينك تسولـف وعـيني مصغيه جعل عمرك ياحبيبي مثل رمشك طويل |
في ليل دافي يباغتني الشعور القديم
من ظنّ طول ب روحي ما تراجع وخاب . احساسك أنك تكون النور وسط العتيم هو نفسه احساسي انّي منتصر ل الغياب |
وش تفرق أيامي .. عن عيونك السود ؟
إثنينهم .. خانوا البياض بحياتي |
لاتشغل الفكر ذا سبّك وذا حبّك
طبع البشر والخلايق منت مالكها اهم شي ادرك وحقّق رضى ربّك والا رضا الناس غايه منت مدركها |
أحرق لنا العذال ربي يخليك
خلِ النجوم تغار منك بسمــــــــــاها أربع حروف أسمي حلاها بشافيك ما مل سمعي من تردد صـــــــداها بقآيآ .. |
ياللي عليك الاماني تطرق حلومي
فتحت بابٍ مسكر كان من دونك ضيقتني لين ضاق الحال بهدومي يا حلم تكفى عليّه خفف ضنونك بقآيآ |
ليش ساكت وانا شايف بعينك حكي
نعمة الصمت هذي ماهو بوقتها بقآيآ .. |
الساعة الآن 05:04 PM |
Powered by vBulletin .
جميع الحقوق محفوظة © لشبكة ومنتديات البراري 2010