بسم الله الرحمن الرحيم
السلام عليكم ورحمة الله وبركاته

بديت في راس الطويل المهايف
الصبح بدري وشارق الشمس مابان

واخذت في راسه اهل الحسايف
كني غريب لشوف الاحباب شفقان

عايف لذيذ النوم مبطي وخايف
ماتنتبه للشوق ياخدر الاعيان

ياطير ياللي سابح بالهفايف
ياللي تحوم بعالي الجو طربان

ماشفت لي ياطير زين الوصايف
اللي جديله فوق الامتان حيران

ام الخدود الزاهية والشفايف
حمر عليها وصف خاتم سليمان

سيد البنات المترفات العفايف
مثل القمر لكنها بصورة إنسان

الله فرقها بين كل الطوايف
ويالايمي جعلك على اللوم تنهان

عقب اللقاء وين انت يابو الرهايف
شهرين والغيبه هماليلها احزان

أخذت قلبي بين حدب النحايف
ابغى حياتي وانت مانته بخوان

عطني علومك كان ناوي نكايف
والا تراني بأطلبك سر واعلان

وسلامتكم
الذعذاع

صح لسآنك شآعرنآ ومشرقناالذعذاع
وطآب إحسآسك على القصيدة الرائعه
وبيض الله وجهكودمت بروعة الحضوووور
لك مني كل التقدير والأحترام

صح لسانك ابوزياد
رائعة جدا
( اعتقد انها رد على القصيدة السابقة )
والمعنى في بطن الشاعر
هل اكون فهمت ؟؟؟

ياطير ياللي سابح بالهفايف
ياللي تحوم بعالي الجو طربان
الذعذاع
صح اللسانك يامبدع
ومشكور يالغالي على الابيات الجميله

صح السانك شاعرنا ومشرفنا الغالي

الذعذاع

قصيدة راااائعه الله يعطيك العافيه تقبل مروووري ولك الشكر

صح السااااااااانك يااخوي ياطارق

قصيدة راااااائعة كروعة حضورك

وفقك الله ورعاااااااااااك

دمت بصحة وعافية

صح لسانك مشرفنا الرائع الذعذاع
كله لعينـك يانظرشوفـة العيـن
تفداك كل اللي على الارض حيه
أبيات رائعه وذات معاني رائعه
شاعر ومبدع عساك ع القوه تقبل مروري

صح الله لسانك يابو زياد
أبيات في قمة الروعة والابداع
جمالها من جمال كاتبها
دمت بصحة وعافيه
وتقبل تحياتي