شبكة البراري - الكسرة و بحور الشعر .. شعراء البراري
شبكة البراري

شبكة البراري (https://www.albrari.com/vb/index.php)
-   واحة شعراء البراري ( قصائد، خواطر، نثر) (https://www.albrari.com/vb/forumdisplay.php?f=129)
-   -   الكسرة و بحور الشعر .. شعراء البراري (https://www.albrari.com/vb/showthread.php?t=71901)

غانم الضومري 2012-05-16 08:26 مساءٍ

الكسرة و بحور الشعر .. شعراء البراري
 
لكم أحبتي شعراء مجلس البراري العامرة بوجود أقلامكم الساحرة وأفكاركم النيرة ،
أي بحر يبدأ الشاعر في الإبحار به ، فإنا معه مبحرون ... نتسامر ونتبادل الخبرات والافكار ..

على بركة الله ..


الصراحه كان ودي
أبتدي من يوم بكره

كسرة المجلس تحدي
غيرها ما فيه كسره

كان بحرك ما يسدي
أبشر ابحري ونهري

تحيتي

الركام 2012-05-16 10:05 مساءٍ

ابشر ابشر جاك ردي
ماحد للرأي يكره
لكن ان القلب عندي
باقي ولهان كسرة
لكن اقبل باتحدي
وين ماودك تودي

غانم الضومري 2012-05-16 10:37 مساءٍ

أطلق عنان الحروف .. دفها واترك رسنها
لا تغلفها بخــــــوف .. ما احد ناشدك عنها

تحيتي

ابن حماد 2012-05-16 10:39 مساءٍ

كلها ســــــمره ودي
حهيا يازيد فكــــــره

وزيد جده صارجدي
كل حر يعــود وكره

ابن حماد 2012-05-16 11:42 مساءٍ

باتره مثل السيوف ..... متقدر في ثمنــها
يوم قمن الصفوف .... كم جريحٍ فر منها

غانم الضومري 2012-05-17 02:27 صباحاً

اقتباس:

المشاركة الأصلية كتبت بواسطة هماليل المخيل (المشاركة 1719133)
باتره مثل السيوف ..... ما تقدر في ثمنــها
يوم قامن الصفوف .... كم جريحٍ فر منها

ملتقانا ومعروف ..
والبراري ذا زمنها

باقيٍ مسح الرفوف
الغبار اللي دفنها

تحيتي

غانم الضومري 2012-05-17 02:47 صباحاً

اقتباس:

المشاركة الأصلية كتبت بواسطة الركام (المشاركة 1719063)
ابشر ابشر جاك ردي
ماحد للرأي يكره
لكن ان القلب عندي
باقي ولهان كسرة
لكن اقبل باتحدي
وين ماودك تودي

الركام وقال انه مستعدي
القوافي كله ويحب كسره

أنت عمدتنا ولا نقبل تحدي
جلنا من نجد والكسرات عسره


تحيتي

غانم الضومري 2012-05-17 02:50 صباحاً

أيامنا كلها شهبي
الله يزين تواليها

وين انت ياخالد اللهبي
أسلم القوس باريها

تحيتي

الركام 2012-05-17 11:09 صباحاً

اقتباس:

المشاركة الأصلية كتبت بواسطة غانم الضومري (المشاركة 1719211)
الركام وقال انه مستعدي

اقتباس:

المشاركة الأصلية كتبت بواسطة غانم الضومري (المشاركة 1719211)
القوافي كله ويحب كسره

أنت عمدتنا ولا نقبل تحدي
جلنا من نجد والكسرات عسره


تحيتي

هذه كانت موجة الى الذعذاع
واعيدها لك ياابو سامي انت الان من سكان ينبع ( ينبعاوي )


انا بنجـد واعـرف انه حجـازي == ولا لي بها الكسـرات علم وكادي
ان صح قولي قل صحيح وجازي == وغنه بصوتك و انشده لي انشادي
والا توضـح كـان قـولي نـشـازي == حيثك خـبير وعارف الفـن عادي
ابنـتـظـر وش صار قـولي يوازي == من فنـكم ذا اللي يهــز الفـوادي



غانم الضومري 2012-05-17 06:28 مساءٍ

نجدي وأصلي من قديم حجازي .. وكل القبايل ساكنــــــــه بفوادي
وحتى الحضر أصحاب مايعتازي .. والنعم بالحضران هم والبوادي

غانم الضومري 2012-05-18 02:47 صباحاً

اقتباس:

المشاركة الأصلية كتبت بواسطة هماليل المخيل (المشاركة 1719096)
كلها ســــــمره ودي
حهيا يازيد فكــــــره

وزيد جده صارجدي
كل حر يعــود وكره


مرحبا يانسل جـــدي
حي راس جاب ذكره

جابك الله صرت عندي
الوراثه تـــاج شعــري

غانم الضومري 2012-05-18 03:29 مساءٍ

يعني على شانانا شيبان
مااحدٍ يمـــر ويسلينـــــا

وين أنت يالعازف الفنان
جينا على بحركم جينــــا

الركام 2012-05-18 04:35 مساءٍ

اعلن لهم وافتح البيبان
ومن سمع لابد ياتينـــا
اعلان من قايد الربـان
اضن وحده يكفينــــا

غانم الضومري 2012-05-18 05:24 مساءٍ

ياويل من يسجن الشيبان
في زاويه عرض مترينا

لو كان للزاويه بيبان
يمقن يسير وياتينـــا

ياخوخ ياورد ياريحــان
وشف فيك ياهوه ناوينا

غانم الضومري 2012-05-18 07:31 مساءٍ

ضاقت الاخلاق والسكه طويله .. والخوي الدرب عيا يقطعـــه
ياخوي الدرب ماباليد حيلــه .. صوت صياح الضحى مانسمعه
المشاعر أصبحت هي الوسيله .. دمعتينٍ وقفن في مـدمعـــــه

الركام 2012-05-18 08:10 مساءٍ

الصبر لو تتبعة تلقاه حيلــــــة = والقضاء ليجاك منت تمنعه
لو درست الوقت تلقى فيه ميله = لا تحاول كل شي تسمعـــه

غانم الضومري 2012-05-18 08:30 مساءٍ

يالزكرتي ترانا
وردنا ما نبيعه


ليش ماشي ورانا
شينها من طبيعه

غانم الضومري 2012-05-18 08:36 مساءٍ

الصبر زين وفيه أكبر جميله .. الشطر الاول كان هذا مرمعــــه
يالله نشيل القاف يالله نشيله .. يازين شطر البيت مااحلى مطلعه

ابن حماد 2012-05-18 10:01 مساءٍ

يهل البيوت الوافيه والـجزيله .... مثل النهر الياجرى من منبعه
عشرين ماقف عد في كل ليله ....ابتبعه عجســـة للحق واتبعه

غانم الضومري 2012-05-18 10:23 مساءٍ

واهني الترف منسوع الجديله .. قالها الإمام اخونوره ما ابتعـه
يوم هيت يضيعه راع الدليله .. والموارد غير هيت مشمعـــــــه

الركام 2012-05-18 11:06 مساءٍ

شاعر وذكراه تهدي له = واحلى معانيه مجتمعه
يازين شعره وتعاليلــه = كل يوم يوقد لنا شمعه

غانم الضومري 2012-05-18 11:58 مساءٍ

البحر واصوات موجه تطـــرح البــــوت الصغيــــــر
ما يدش إلا البواخر والزوارق صفها جنب الرصيـــف

لو عرفت ان السفينــه تركب طعوس البــــراري يالبعيـــر
ياوسيع الصدر وينك طالت الطرقه ادورك يالقلب النظيف

سمو المشاعر 2012-05-19 01:37 صباحاً

مادخلنا غبة الأمواج إلا بعد صـــليت مستــــــخير
ورفعنا السارية والشراع واضح عليها له رفيف

والزعيمة جانحة بشاطي صـوت لها يصفر صفير
تنتــظر منـــقذ يخــارجهــا مــن الوضع المخـيف

غانم الضومري 2012-05-19 05:22 مساءٍ

الليالي سرمـديــه ودربها صعــب وخطيــر
ما صفت لادم وحواء كيف تصفى للشريف

بعد ما كانوا بجنه وحولهم ظل وريـــــف
من يسره وقت لازم يلحقه يوم مريــــــر

سمو المشاعر 2012-05-20 12:15 صباحاً

شــفت غــانم قـام يشكل يقـلب الريـف مرير
يبدو هذا والله اعلــم قـد بدا فصل الـخريف

العـمر له دور وإلا قمــت تكتب عــالحــرير
والله قد عورت بطني ضحك منك ياضريف

ابن حماد 2012-05-20 10:27 مساءٍ

تحول البـــحر موالي
والا اهجني في القمه

ادلينا تضـــرب الجالي
نرخي بها نوب ونخمه

غانم الضومري 2012-05-20 10:31 مساءٍ

مارأيك بهذا النوع من الشعر ..

علقتــني ياكامــل الزيــن تعليــق .. تعليق شيهانه لفرخ الزراجي
حلقت بي في عالم الشعر تحليق .. تحليق إيرباص والا ميراجي

كلمة الشطر الأول نفسها ينتهي بها قاف الشطرالأول وهكذا ، أما الشطر الثاني نتركه حرا كما في البيتين أعلاه .

تحيتي

غانم الضومري 2012-05-21 03:34 مساءٍ

اقتباس:

المشاركة الأصلية كتبت بواسطة غانم الضومري (المشاركة 1721817)
مارأيك بهذا النوع من الشعر ..

علقتــني ياكامــل الزيــن تعليــق .. تعليق شيهانه لفرخ الزراجي
حلقت بي في عالم الشعر تحليق .. تحليق إيرباص والا ميراجي

كلمة الشطر الأول نفسها ينتهي بها قاف الشطرالأول وهكذا ، أما الشطر الثاني نتركه حرا كما في البيتين أعلاه .

تحيتي


ريقتني هجــرك على فكة الريق .. ريقتني علقم بصبح وعجاجي

غانم الضومري 2012-05-21 05:12 مساءٍ

ياذيب ياذيب بشر كيف اختباراتك .. عسى المعدل يفل حجاجك الطاهر

تحيتي

ذيب آجا 2012-05-21 06:23 مساءٍ

سؤالك عن الغايب دايم من اهتماماتك..يلي بشوفك يطيب الخاطر الساهر

هلا ابو سامي توني باقي اسبوع..

غانم الضومري 2012-05-22 11:04 مساءٍ

ياغايب إرجع أمانـه لا تطولها .. يكفي غيابك تراك أدميت شرياني

الركام 2012-05-24 09:35 مساءٍ

اليوم انا بين المواقع تحيــــــــرت
ادوج مدري وش انا ضايع لــــي

وليا وقفت وقلت هذا تخيــــــــرت
بدت لي الرغبه على البحث تالي

والشعر يدفعني وللقسم سيـــرت
لاهوب تاركني ولا نيب سالــــي

واليا بدت فكرة بلحظة تغيــــرت
كني علي حمول ثقل الجبالــــي

ابن حماد 2012-05-24 10:51 مساءٍ

شـاعر جزل مع لجة ابحورها ابحرت
ومن غاص بعماق البحر جاب غالي

نوادرٍ جــــــزلات منهــــــن تعبرت
من شـــاعرٍ صيده يصيد الجزالي

ان كان للكســـره مســــير وقررت
ابشـــــر بقـــــافٍ كنه الذوب حالي

ون كان للشيبـــــــان وديارها زرت
تلقا في الدكـــــــــه اعلوم الرجالي

غانم الضومري 2012-05-25 03:15 صباحاً

أنا احمد الله جيتها ما تحيرت
النجر يرطن والعشاء والرجالي

ركام كلك صـــــح فيما تخيــرت
والرد من هملول شعر ارتجالي

كل الوناسه شفتها يوم سيرت
الله على خــوّة كريم السبالــي

البارحه في ظرف لحظات قررت
ولقيت نفسي حول ذيك التلالـي

واخترت نجمي ( * * * ) يوم سمهرت
سبحان من سيــر نجـــوم تـلالـــــــي

وثلاث حباتٍ من التمره أفطرت
وقبل طلوع الفجر شلت الدلالي

ولبست لبس الضـلع والباب سكرت
والوقت غبشه جيت روس الجبـالي

ومغطت دربيل العـنــــــى يوم دورت
إلا الجميله راتعـــه بالمفـــــــــــالي

الله على المنظر مع الصبح صورت
واخترت عشقي بينهن يالكمالـــي

بردت غللي من حبيـبي ولا ابذرت
تركت منهن ورثـة من حلالـــــــي

تحيتي لكم أحبتي

غانم الضومري 2012-05-31 07:13 مساءٍ

راعي العرض أعرض من عروضك عريضه
من عرض عرض عارض يعترض بالعروضي

من فرض فرض فارض يفترض له فريضـه
عضه العاض عضه ما يعض العضوضـي

راع العرض 2012-06-01 02:24 صباحاً

صباح الخير اخوي ابو سامي وباكتب ردي المتواضع عسى ان ترضيك وترضي اخواني الشعراء
راعي العرض عارض من عروضن عريضه
هاضه اللي ينوض وناض والهيض يوضي

من حفض حفض حفاضه حفض فالحفيضه
يقضي القاضي القاضي وتقضى قروضي

غانم الضومري 2012-06-02 04:48 مساءٍ


ياراعي العرض سدي باح
ودي أفضفض عن الخافي

طيري تنكر عن الملواح
أدعيه ما يسمع صياحـي


تحيتي

راع العرض 2012-06-02 11:08 مساءٍ

ياصاحبي والقلوب صحاح
سولف ويطلع لك الصافي

لا تحسبني بعد مرتاح
من عاش فالوقت ما ارتاحي

غانم الضومري 2012-06-03 07:37 مساءٍ

عزي لمن ضيع المفتاح
أمسى مضيع مفاتيحـــه

ياهيه ياناوي المرواح
خلك مع النجم تصبيحه

غانم الضومري 2012-06-04 04:16 مساءٍ

البحر ينشد عن السباح
ياعنك مافيه سبــاحــــه

وين انت وين أنت يالفلاح
الزرع محتـــاج فلاحـــــه


الساعة الآن: 07:18 صباحاً

Powered by vBulletin® Version 3.6.8
Copyright ©2000 - 2020, Jelsoft Enterprises Ltd.
جميع الحقوق محفوظة © لشبكة ومنتديات البراري 2010