|
وش حيلتك باللي سعى للمضره......
احد الاصدقاء في مدينة عرعر مغرم في خلق المشاكل بين اصحابه عن طريق نقل الاقوال الكاذبه بينهم على سبيل المداعبه مما سبب كثيرا من المشاكل بينهم نتيجة تصديق البعض منهم لاقوال هذا النمس. واخيرا استنجد بعض الاصدقاء لاكتب قصيده علها تحد من خطورته وتكشف حقيقته. وتم حذف الاسم الحقيقي للنمس مقابل طقم كفرات لاند كروزر مع الاستبنه. امل ان تنال استحسانكم: وش حيلتك باللي سعى للمضـــره = للناس وهـو مـتـربعٍ بـيـن الاطــنـــاب يخـلـق مشـاكـل للبـشر مستـمــره = شـره عـلى كـل الـمـخـالـيـق يـنـسـاب ولـد الع . . . ي زاد بالشـر شـــره = واصبح وكـيـل ابليس في كـل الابواب حـج ورجـع ماشـال بالـيد جـمـــره = يخـشى يقول أبليـس الـح . . . ي تاب حـيـثـه رفــيـقٍ لـه ودايـم يــمـــره = وماعمر ظن أبليس بالح . . . ي خاب وقـد قال لي عـبدالكريم الـف مــره = اضرب على راس الع ... ي بمشعـاب مـا طـعــت قــولـه بـــــــس لله دره = عـزالله ابواحـمـد خـبـيـرٍ بالاجــنــــاب وقـد قـالها راعـي ونـيـتٍ* بحــره = الح . . . ي والنمس وابليس أصحـاب وان كان ابوشاكرعلى الوضع قـره = نـقـلب عـلى الشاوي كما قـلبت الـداب يابـوفـهـد قـد قـلـت لك لاتــشــــــره = ماطـعـتـني إلـيّـن مـلـوك الاحــبــــاب وان كان حـطـوا داخـل الحـلق مره = إصبر على الـمـره ولو كـنت منصاب واليوم ياوجـه السـعـد والـمــســره = أبـشـر بعـزك لـبـدا وقــت الانـشـــاب أنا رفـيـقـك لـبـدا فـيـك حـــــــــــره = أنا رفـيـقـك وقـت زوغــات الالـبــاب الطـيـب واضـح فـيـك ما به مـغـره = ومن قال بك عكس الذي قلت كـــذاب هـذا الـشـعـر قـالـه نـديـم الـمجــره = لا هـو براجـيـهـم ولا مِـنـُهـم هـــــاب احمد بن عبدالرحمن العريفي (نديم المجره) *لقد وجد في منطقة الحره صاحب ونيت متوفي بجانب سيارته المتعطله بسبب استخدام قطع غيار مغشوشه. وقد كتب على زجاج سيارته الاماميه قبل وفاته هذه العباره (حسبي الله عليك يال....ي يالنمس يارفيق ابليس) ولايزال التحقيق جاري لمعرفة هذا ال....ي الذي يطلق عليه (النمس) لالقاء القبض عليه قبل ان يتسبب بوفيات اخرى. علما بان ابناء المتوفي يهددون بادخال هذه القطعه المغشوشه (وهي عباره عن عمود الدوران) في احدى فتحات جسم ال....ي الذي باعها على والدهم يرحمه الله. |
هـذا الـشـعـر قـالـه نـديـم الـمجــره = لا هـو براجـيـهـم ولا مِـنـُهـم هـــــاب صح لسانك ابوعبدالرحمن ابيات جزله من رجاال جزل .. لآااهنت ياالغالي،،، |
صح لسانك يبو عبدالرحمن والله يكفينا وكل مسلم من شر اهل النميمه ياما فرقو احباب وصحاب وازواج - والله حسيبهم الا من تاب وامن فهذا علمه عند ربه ابوعبدالرحمن اسمحلي ان اشارك بخرابيطي معك ولا تواخذني ان جرا قصور تراه من بالي للمنتدى يالله طلبتـك تكـفـي الــناس شـره لراعي النميمه مانبي نفتح الباب الي على الـغافــل نباحــه يخــره يالله عسا من فرق الناس منصاب يـلهـيـه ربــي والمصايــب تمــره قدره قفا وعطه العلابي بلا حساب اهــب ياوجــهــه سود الله فـــره يالله عسا مثله مع الناس قدغاب البوم نجسن والخــرايب تـفـــره والحر يبني ماكره فوق الاطناب الفـــرق شاسع بين هم ومسره والبوم يشبه ناقــل القول كــذاب سحاب نجد والله مدري وش تبي تطلع ذا الابيات ههههههههههههههه |
صح السانك
ولاهنت ابدعت وامتعت احترامي وتقديري |
صح لسانك يا الغالي وبيض الله وجهك اخي الغالي
|
اعزائي
اسعدني مروركم وصح لسانك ياسحاب شقراء على المجارات الرائعه الله يسعدكم تحياتي |
لقيت للغالي نديم المجـّره .. شرهة محب وزعـّله بعض الاحباب هذاك خله يانجم لا تمره .. ارفـع مقامك عنه لا صار كــــــذاب ياويل ويله لو وطالك بجره .. حنا معك يالذيب وافتح لنا الباب سلم نبضك شاعرنا المتجدد بكل ماهو جميل .. تحيتي |
| الساعة الآن 04:26 PM |
Powered by vBulletin .
جميع الحقوق محفوظة © لشبكة ومنتديات البراري 2010