شبكة البراري

شبكة البراري (https://www.albrari.com/vb/index.php)
-   واحة شعراء البراري ( قصائد، خواطر، نثر) (https://www.albrari.com/vb/forumdisplay.php?f=129)
-   -   الرفيق المزيف (https://www.albrari.com/vb/showthread.php?t=91183)

سمي الغيث 2021-09-28 11:20 PM

الرفيق المزيف
 
السلام عليكم ورحمة الله وبركاته
مشاركة مني اجتماعية حاصلة في كل مجتمع نرجو ان تنال على استحسانكم وذائقتكم

الله يجنبنا الرفيق المزيّف
اللي يدور للمشاكل والانشاب

اللي على زلات ربعه يكيّف
ويفسر المعنى ويبحث بالاسباب

لاصرت منت بضيف والا مضيّف
لو تلحقك بعض المشاريه وعتاب

ابعد ودوّر لك مكان(ن) وصيّف
بالبعد راحة نفس من رب الأرباب

ليا صرت تبغى من ذنوبك خفيّف
لا تحمّل سنابك وتطبيق واتساب

وقلبي على زلة رفيقي رهيّف
وعتابنا بالحال ماياصل الباب

ثلثين عمري بالتجارب ونيّف
عندي عليها محتوى شرح وكتاب

وانا سليت وراسي اليوم عيّف
لا متابع تويتر ولا متابع اسناب

ولاطاردٍ مقفي . . ولا ني خفيّف
ولاشايفٍ نفسي على الناس بإعجاب

بطفي اللمبة واطق المكيّف
مالي ومال الداب وشجيرة الداب

# ( سمي الغيث )


الساعة الآن 03:14 AM

Powered by vBulletin .
جميع الحقوق محفوظة © لشبكة ومنتديات البراري 2010