|
((( إعذريني يامقابيل السنين )))
بسم الله الرحمن الرحيم السلام عليكم ورحمة الله وبركاته من جديدي ابيات أرجو ان تسمو لذائقتكم العذبه أحبتي تحيااااتي للجميع اعذريني يامقابيل السنين بأستريح من العذاب بلا دوى الصحيب اللي غطيته بالحنين إنكشف أمره وليّه ماهوى يحسب ان الحب لعب بلا يقين يتركه لامنّه بماه ارتوى ما درى انه أعدم بفعله سجين وثّق حباله ولضلوعه طوى بس يكفي ياهماليل الحزين ويش ينفع لو تهاملتي سوى لو يسيل القاف والمعنى يبين لو على المرقاب منطوقي عوى مالي الا واحدٍ ليّه يعين عالم باللي له الخافق نوى غافر ذنوب العباد التايبين هادي اللي عن تعاليمه غوى ياصحيبي يازعيم العابثين لاتعذّر منّك الخاطر خوى ذاك أول ياحبيبي ياثمين يوم حلمي يم أحاسيسك أوى لاتعذّر بس يكفيني أنين الحشا نار لجت به وانشوى السلام ختام يالجرح الدفين بأستريح من العذاب بلا دوى وسلامتكم الذعذاع |
صح لسانك ابو زياد رائعة من روائعك وداعية حزينة كنها رسالة صادقة ؟؟؟ اشوفك ذا اليومين الخاطر متكدر الله يستر مشكور |
صح لسانك يابو زيااااااااااااد وابداع ماشاء الله عليك وعسا ماشر فاقدك يومين والا يوراااالي انت طيب؟؟؟؟؟؟؟؟؟ تقبل مروري ابو ناصر الشريف |
بس يكفي ياهماليل الحزين ويش ينفع لو تهاملتي سوى لو يسيل القاف والمعنى يبين لو على المرقاب منطوقي عوى صح اللسانك ابو زياد ابيات جميله يالغالي |
اقتباس:
صح لسانك وسلمت يمنااااااك الأبداع ليس بمستغرب منك فأنت الأبداع كله بنتظار القادم وأن شاء الله يزين الحال |
الركاااام
لاهنت يابعدي والله يصح بدنك يالغاااالي ابشرك طيب لاتحاتي غير منشغل بالمقانيص وطلعات البر ماني بناسيكم لاهنت |
صح لسانك وتسلم يمناك وعذب قوافيك واذا كان للأبداع وطن فأنت مووطنه شاعرنا ومشرفنا الذعذاع ابيات فوق الروعه استمتعت بقرأتها تقبل مروري المتواضع دمت بكل خير وسعاده يااااارب |
مالي الا واحدٍ ليّه يعين عالم باللي له الخافق نوى غافر ذنوب العباد التايبين هادي اللي عن تعاليمه غوى صح الله لسانك يابو زياد على هذه الابيات أبيات في غاية الروعة والجمال وتقبل تحياتي |
صح السانك ياشاعر البراري أبوزياد وش هالزين ماشاءالله اثاريك مختفي تبي تطلع هالراااائعــه الله يعطيك العافيه تقبل مروري |
لو يسيل القاف والمعنى يبين
لو على المرقاب منطوقي عوى ــ ــ ــ ــ ــ ــ ــ ــ ــ ــ ابيات جميله ... صح لسانك ياشاعرنا ... وعساك ع القوة |
| الساعة الآن 01:42 PM |
Powered by vBulletin .
جميع الحقوق محفوظة © لشبكة ومنتديات البراري 2010