شبكة البراري

شبكة البراري (https://www.albrari.com/vb/index.php)
-   واحة شعراء البراري ( قصائد، خواطر، نثر) (https://www.albrari.com/vb/forumdisplay.php?f=129)
-   -   ♡♢ هواجيس ~~ شطر ♢♡ (https://www.albrari.com/vb/showthread.php?t=89332)

شطر 2016-04-05 10:08 AM

ياكامل الزين ليه تزود فتوقي
عذبتني في بهاك وذوقك الراقي
ماتدري ان الدموع تهل من موقي
ماغير ربي وقاني والله الواقي

شطر 2016-04-05 10:57 AM

امس العصر وايقت مع راس مشراف
هيض علي الذكريات الخوافي
واخذت اجر الصوت وابني على آف
يالين صارت شمسنا ماتشافي

شطر 2016-04-05 10:58 AM

الله من قلب(ن) لجا فيه رجاف
لج الضلوع الحانيات الصخافي
عليك ياهداف يارام الاهداف
يابو جديل فوق الارداف ضافي

شطر 2016-04-05 11:02 AM

الروح لك ميلاف والقلب ميلاف
وغيرك من الخفرات ينزح خلافي
صوبتني وانا على حيد مهياف
والحمد لله جات طيب وعوافي

شطر 2016-04-05 11:07 AM

كما مزنة غراء مطله تلوح بروق
تجرجر هماليل المطر بين اياديها
الا واوجودي واعنا قلبي المفتوق
انا كيف ابدله عن هواها وطاريها

شطر 2016-04-05 12:29 PM

تغيب الوناسه عن محياي ﻻمن غبت
وروحي يباريها العنا دوم منكبته
وانا ياعشيري عن تغزلك ماقد تبت
ليا شفت عينك كل شعر الغزل جبته

شطر 2016-04-05 12:30 PM

اعوم المحيط الواسع المنتحي ماهبت
وانا من عرفتك يالغضي ماتهيبته
تمر الطواري في عروقي وتنبت نبت
على سفوح ضلعاني وقلبي معذبته

شطر 2016-04-05 12:33 PM

سقى الله ليالي قد مضت في ربيع العام
يوم اني اخط اسمك على دفتر ايامه
قبل ﻻيموت العشب والورد والاحلام
ودمع المفارق يكشف الشوق وآلآمه

شطر 2016-04-05 01:13 PM

يامسا الخيرات يانبض القصيد الفاخر
ياهلا بالشعر كله يوم جاء في حله
يابحر باللول والمرجان قاعه زاخر
المعاني مثل زل الكيف يوم تزله

شطر 2016-04-05 01:16 PM

يسريني الهاجس وبرق الجفا لماع
واسج القدم وانا على السمع والطاعه
لو ان الطريق يطول والمشي ماله داع
وروحي تقاسي من عنا الوقت واسناعه
ابصبر وصبري بلسم لقلبي الملتاع
وازيد الصبر لو بانت بروحي اوجاعه

شطر 2016-04-05 01:19 PM

لليل في صدر التعآليل تمثال
منحوت من برد الغياب وجليده
يذوبه شوق اشتعل وسط موال
من خالص الوجدان ينبض وريده

شطر 2016-04-05 01:20 PM

للصبح بسمه تبني كبار الآمآل
وتحس معها إن حيآتك مديده
تغانم الحسنات ياطيب الفال
ترفعك عن حر اللهب والوقيده

شطر 2016-04-05 01:21 PM

اسعد الله صباحك ياورود الربيع
ياجمال الطبيعه فوق روس الجبال
الهواء ساق عطرك بين سفح(ن) وريع
كل ما انشق عبيره ضيم الايام زال

شطر 2016-04-05 01:22 PM

للقصايد ذوق يتبع رغبة الذويقه
تنهمر من فكر شاعرها وباله رايق
والكلام اللي حروفه كنها المزويقه
نكبة(ن) للشعر لاينفع ولاهو لايق

شطر 2016-04-05 01:23 PM

راكب اللي بالصحاري ماش شي يعيقه
جيب لاند كروز شاص مسلمينه سايق
سايق(ن) ماعوده للنصب والتلبيقه
عوده في روس ضلعان الحجاز يوايق

شطر 2016-04-05 01:24 PM

لا شعم ناره وحول دلته وابريقه
في حراوي صيد للمقناص قلبه تايق
يطلب الله من رضاه ويطلبه توفيقه
هي شفوفه دام ماهو بين ربعه بايق

شطر 2016-04-05 01:25 PM

الصباح اللي يعانق بسمتك واهدابك
اشهد انه وصفة(ن) للضيق والنفسيه
جيت ياسمح المحيا والله اللي جابك
مع هبوب(ن) ذعذعت من يمة الشرقيه

شطر 2016-04-05 01:26 PM

بين توتك مع ورودك تستظل أعنابك
كن قطرات الندى واشكالها سحريه
ما يذيب عروق قلبي غير كثر غيابك
والبلا مع كل غيبه ..إنتظار الجيه

شطر 2016-04-05 01:27 PM

حبيبي أنآ موجود الى صرت بتعود
وتلقى حبيبك وآفي(ن) في وعوده
تذعذع نسآنيس الهوى شوق وورود
ونبض الغلا يبرق وترزم رعوده

شطر 2016-04-05 01:28 PM

يدور الزمآن وسلك الايآم ممدود
وعمر الفتى مابين بيضه وسوده
ليآ ما ارتفع عن كل هفوه ومنقود
يجيه الفلس مايشفعن له نقوده

شطر 2016-04-05 01:28 PM

طريق الردى لو طآل ممشآه مسدود
ورآعيه غآدي موسمآة(ن) خدوده
ركب رآسه الشيطآن ماجاب له فود
يدندن عليه ونقزه عن حدوده

شطر 2016-04-05 01:29 PM

نصوغ البيوت وكنهآ ملح بآرود
سريع اشتعآله يوم تضرب زنوده
لهآ قوة تطلق على الصيد عبرود
يفج النحر والكآيده مآتكوده

شطر 2016-04-05 08:33 PM

ياليل ياليل ياليل الهجوس الطويل
فيك المشاعر غريبه صعب تحليلها
من دون قمراك ونجومك ترى مستحيل
الناس في ليلتك تلقى تعاليلها

شطر 2016-04-06 05:47 AM

الا ياصباح (ن) بان نوره ويا محلاه
عقب مانفض ليل المعاناه واخفاها
عسى شمسك اللي وايقت من جهة ملفاه
تدفي ضلوع (ن) أبيض الثلج يكساها

بقآيآ .. حرف 2016-04-06 06:46 AM

السلام عليكم ورحمة الله وبركاته
أهنيك مشرفنا شطر على رقة الشعر وعذوبته وجزالته
دمت دائماً مبدع
تستاهل التميز وقليلة في حقك
كل التحايا

شطر 2016-04-06 07:00 AM

وعليكم السلام ورحمة الله وبركاته
ياهلا ومرحبا ولاعليك زود يالنشمي
شرفني مرورك لاخلا ولاعدم

شطر 2016-04-06 08:00 AM

يسعد صباحك صباح الخير
إيه أنت ياعاطر السيره
بيني وبينك مسافه مير
مع حبنا تقرب الديره

شطر 2016-04-06 10:02 AM

الارض خضراء واكتست زين الالبآس
والجيب جاهز للسفر والعسآسه
نبا نسج بخآيع(ن) يقعد الرآس
مع خوة(ن) تضفي علينآ الونآسه

شطر 2016-04-06 10:06 AM

يهل القلم حبره على خالي الأوراق
ويطوي ديار(ن) ممحله راكز(ن) ساقه
حسب مايناسب كل ذوق من الاذواق
يسوقه وليه في ذرى القاف واشنآقه

شطر 2016-04-06 10:25 AM

سلم الفتى يرفاه عن كل منقود
لاصار يمشي مامشت به جدوده
والتايه اللي خوته مابها فود
يلقى من اشباهه مقرد تقوده

شطر 2016-04-06 12:29 PM

بين القصايد والحبر طرس واقلام
واحساس مايقفاه شك وملامه
عطر حروفك يا ابيض الوجه قدام
يجيك يوم(ن) ماش بعده سلامه

شطر 2016-04-06 01:31 PM

على المشتحن ليل الشتاء حمسة(ن) واحراق
يجاذب لحون القاف وتزود احراقه
يحده على المنكوس من داخل الاعماق
فراق الوليف اللي له الروح تواقه

شطر 2016-04-06 01:33 PM

وياهاجسي من قبل ﻻتطفي الاشواق
تجمل معي طالبك مع ناس ذواقه
وخلك رديفي وازهل الدرب والسواق
مع اول حلول الليل الى وقت مشراقه

شطر 2016-04-06 01:34 PM

دروب المحبه عسرتن حيل ماتنطاق
وكم ناس فيها ردها الحظ منعاقه
اباخذك معيه دامني للغضي مشتاق
ودام ان قلبي داخل الصدر معلاقه

شطر 2016-04-06 01:36 PM

اﻻ ياوجودي وجد عودن كسير الساق
يجر الونين وطيب الزاد ماذاقه
واﻻ ياوجودي كل مالاح لي براق
وهلت هماليل السحايب على فاقه

شطر 2016-04-06 01:38 PM

واﻻ ياوجودي من ظروف الزمان الشاق
ليا حدت الرجال وانحلت أخلاقه
على واحدن سبحانه الواحد الخلاق
عطاه الولي مصنع هل الزين واسواقه

شطر 2016-04-06 01:39 PM

يلج الضلوع اليا على الصدر طل وواق
ويشلع ستار القلب والطنب ورواقه
وصوفه على غيره خطيره وﻻ تنلاق
ليا شافها راع الهوى يبست ارياقه

شطر 2016-04-07 09:11 AM

لاهنت ياقاف(ن) من الجاش جبناك
ولاهان من هو بالوصايف محليك
مايستوي وزنك ولا يرفع بناك
الا هنوف(ن) حبها دون تشكيك

شطر 2016-04-07 09:18 AM

حب(ن) على وضح النقا ماهو بذاك
اللي دروبه تودعك للمهاليك
يافاتنه لو كان مافيه شرواك
ماينفعك زينك وكثرة تغليك

شطر 2016-04-09 06:08 PM

يارب عفوك يابديع السموات
اخطي وتكرمني بجزل العطايا
عبدك فقير ويطلبك كل مافات
اغفر لي الزلات وادمح خطايا


الساعة الآن 06:33 AM

Powered by vBulletin .
جميع الحقوق محفوظة © لشبكة ومنتديات البراري 2010