|
حلوه عذاريبك وحلوه مزاياك ||
حلوه عذاريبك وحلوه مزياك ||
نسيتني علّمني شْلون أبـ انساك .................... في هالزمن نسيان الاحباب عادي وشلون لامرّت على البال ذكراك ...................... وطيفك سرق مني لذيذ الرقادي وشْلون لاقالوا لي الناس وش جاك ..................... من كنت في لّذة منامك تنادي وشْلون اعيش اللي بقالي بليّاك ..................... لا من غدينا كل واحد بوادي لو قلت اداوي جرحي اللي تباطاك ..................... ماكلّ جرح يْفيد فيه الضمادي اعلنت حبك لين كل تمناك ..................... غلطة وغيري من خطاي استفادي لو لي مثل قلبك تمنيت فرقاك ...................... واكيد قبلك بالجفا صرت بادي حلوه عذاريبك وحلوه مزاياك ...................... حتى بيوم (فراقنا) كنت هادي كنّ الليالي ودها تكسب رْضاك ...................... وأنا يطول مْع الليالي جهادي في ذمتي .. ماهي غريبة خطاياك ...................... مبطي وقلبك لو تنبّهت غادي سهلة على من كان مثلك وشرواك ...................... ( مثل الثياب يغيرّون المبادي ) علمني اكره ذكرياتك وطرياك ...................... وانسى من الليله صدوق الودادي ولاني بقايل عقبها وين اب القاك ...................... راضي لو ان جروح قلبي جدادي ولاّ القصايد جعلها من فداياك ...................... لبّستها مبطي ثياب الحدادي باكر على المخطي يدورنّ الافلاك ...................... ونشوف من يصعب عليه البعادي |
باكر على المخطي يدورنّ الافلاك*
...................... ونشوف من يصعب عليه البعادي زبدة القصيدة صح الله السان الشاعر وصح ذوقك |
وصح بدنك اخي العزيز,,,شكر الله لك مرورك الكريم
|
في ذمتي .. ماهي غريبة خطاياك مبطي وقلبك لو تنبّهت غادي سهلة على من كان مثلك وشرواك ( مثل الثياب يغيرّون المبادي ) علمني اكره ذكرياتك وطرياك وانسى من الليله صدوق الودادي قصيده رآئعه صح لسان شاعرها وسلمت يمينك أخي ماء زمزم على هذا الاختيار الرائع المميز الله يعطيك العافيه ..~ |
كنّ الليالي ودها تكسب رْضاك
...................... وأنا يطول مْع الليالي جهادي صح اختيارك اخوي وصح لسان شاعرها نقل رائع وذائقه جميله بإنتظار جديدك |
حياكم الله جميعا وياهلا وسهلا بكم والله
|
-
هذي قصيده قلتها قبل فتره احد الاخوان يسئلني ويقول علمني الشعر كيف طريقته -الشعر يامحمد مواقف وحزات -- والندّر الجزلات حظ وتوافيق -- والصيد مايلقى على كل الاوقات -- يِتعب قدم راع الولع بالشواهيق -- لو كل من يقنص يصيد الجزيلات -- ماصار بن جدلان في قمة طويق -- بعض الهجوس اللي تعبر المحيطات -- تروح وتعود لقايط وتلفيق -- ماتو هل الشعر الحقيقي وهو مات -- ماباقي الا اللي بالافلام توثيق -- ونوادرً حيين لو عصرهم فات -- الكل منهم قال مااقدر ولا اطيق -- اللي نشوفه منتشر بالقنوات -- سامج ومر ويجلب الهم والضيق -- ناسً تبي لنفوسها تثبت الذات -- وثلاثة ارباع الجماهير تصفيق -- تشجيع دون ادراك معنى الكلمات -- يعني خذ الموضوع من دون تدقيق -- والشعر احاسيسً تترجم عبارات -- ولا يفهم المقصود ياكود ذويق -- اليوم يامحمد خذ العلم بثبات -- كانك تبي فك القفول المغاليق -- عليك يامحمد بالاشياء المهمات -- القاف والمعنى ووزن الطواريق -- هذي نصيحه واستمع شطري الآت -- ترى الحباري ماتعود غرانيق التراثي / سعد السهلي |
ياليتـنـي بالطويـلـه مــا صمـلـت ورقـيــت
-- وهـاك المداهيـل عقـب العصـر مـا جيتـهـا -- عـز الله انـي علـى وقـتً مضـالـي بكـيـت -- ودمــوع عيـنـي عـلـى الـخـديـن هليـتـهـا -- انا احسب اني مـع الايـام طبـت وسليـت -- وانـــي مـاعــاد اذكــــر ايــــامً تناسـيـتـهـا -- واثـر المداهيـل لامــن قــدر الله وجـيـت -- تكشـف خفـايـا عــن العـربـان مــا بديتـهـا -- ذكــرى لـيـالً تـمــر بخـافـقـي لا غـفـيـت -- مـن يمهـا اشواقـي اللـي مـاتـت احييتـهـا -- لا يا زمانـي علامـك ليـش جـرت وقسيـت -- عـيــنً تـرجــى حـنـانـك لـيــش بكـيـتـهـا -- تقبـل وتقفـي ولا تعطـي كثـر مــا خـذيـت -- كـم ضيقتـن عـقـب انـاسـه مـنـك عانيتـهـا -- عسفتني غصب لين اني خضعـت ومشيـت -- فـــي حـالـتـن والله انـــي مــــا تمنـيـتـهـا -- يامـا ويامـا مـع الذكـرى سرحـت وسريـت -- ذكـرىً مضـت حيـهـا يبـكـي عـلـى ميتـهـا -- اضحك واجامل وقول اني دلهت ونسيت -- وانـــا يــاكــم لـيـلـتـن بـالـسـهـر قضـيـتـهـا -- وان قلت انا يا زماني ما قتنعـت ورضيـت -- قــال العـمـر لــه حــلاوه وانــت عديـتـهـا -- وكلمـة لـعـل وعـسـى ولا يالـيـت ويالـيـت -- كــررتــهــا لـــيـــن مـلــتــنــي ومـلـيـتــهــا التراثي / سعد السهلي |
صح لسانك اخى لكريم,,التراثى
|
ماء زمزم
تسلم يمينك على النقل |
| الساعة الآن 12:56 AM |
Powered by vBulletin .
جميع الحقوق محفوظة © لشبكة ومنتديات البراري 2010