رجاء ............... رجاء
 

السلام عليكم ورحمة الله وبركاته
الشهر عليكم مبارك وتقبل الله طاعتكم
اسمحو لي بهذه المشاركة القصيرة والسريعه لاني ماتعودت اكتب هذا اولا
لكن اللي شفته جنني وخلاني اكتب غصب عني
صح الاسلوب مو حلو ومو قد المنتدى لكن العذر والسموحه
الموضوع الله يسلمكم هو
نظافة المكان في البر بعد الكشاته
بكل اسف اذا جيت محل بعض الكشاته تقول مكب نفايات الله يهديهم علب وكاسات بلاستيك وقواطي مشروبات وبقايا بصل وخضار ومعلبات اكل وقوارير مويه وبلاوي
وبعضهم الله يهديه يكب باقي الاكل تحت الشجره وتصير مليانه بالنمل والهوام والحشرات وتسوي مشاكل للي يجون بعدهم
شي لابد منه اننا نحضر الكثير من البقالات والمحلات اللي نمر عليها في الطريق وتعرفون كل المحلات يحطون المقاضي في اكياس بلاستيك وتعرفون البر مناطق مفتوحه والهواء قوي ويطير كل شي خفيف الى مسافات بعيده مما يجعل مناطق غير اللي جلسو فيها الكشاته تمتلي بالمخلفات
رجاء .............. رجاء ...................... رجاءا الى اخواني الكشاته الله يهنيكم ويسعدهم
انهم يجمعون كل المخلفات في اكياس المقاضي ووحده من ثنتين ياانهم ياخذونها معهم الى اقرب طريق ويحطونها جنب الشارع ياخذونها عمال صيانة الطرق او انهم يحرقونها اذا بغو يرحلون
ياجماعه ترا البر للجميع وتخيل نفسك تجي تحت شجره وتلاقي مختلف البلاوي وش يكون شعورك ؟
ترا الناس مثلك وكل يبي الراحه والاستمتاع
تكفون خلونا يد وحده الله يجزاكم خير والله اني ادعي للكشاته اذا جيت مكانهم ولقيته نظيف
طولت عليكم لكن من شي في خاطري
حافظكم الله

مشكور اخوي على الموضوع والاهتمام العام للجميع ياليت الكل يستفيد من هذا الموضوع

ونكون يد وحده
مثل البنك الاهلي
يد واحد اسره واحده جماعه واحده

تحياتي لكم ،،،،

الحنون - مشرف ساحة الترحيب والتهاني

بارك الله فيك اخي الكريم

نعم نظافة المكان مهمة واقلها تشب في مخلفاتك قبل ما تمشي

لك كل شكر وتقدير

نعم كلام جميل منك يا الغالي

والنظافة من الايمان

ويجب على كل كشات نظافة محله

درر يا الغالي سنافي

جزاك الباري كل خير اللهم اغثنا آمين

اي والله انك تقول الصح جزاك الله خير

صدقت والله
الله يابعض الناس ياهو قمة الوساخه الله يهديه

الغالي سنافي
والله انك اسم على مسمى وطبيت على الجرح اللي كل سنه يتجدد
إلى الله المشتكى يالطيب وما لنا التوجيه والدعاء للجيمع بالهداية
سلمت يمينك على ما خط قلمك والف شكر لهذه المشاركة الرائعة

صدقت


بس من ينفذ

مع ان التنظيف لايكلف شي

بس بعض الناس يحب ينطل العلب تحت شعار (( بر بر يارجال ))


لكن والله نشوف بعض الكشاته نظيفين وودك مايطلع الا هم وامثالهم

جزاك الله خير على الموضوع الرائع
الله يهدي الجميع