شبكة البراري

شبكة البراري (https://www.albrari.com/vb/index.php)
-   واحة شعراء البراري ( قصائد، خواطر، نثر) (https://www.albrari.com/vb/forumdisplay.php?f=129)
-   -   دكة الشيبان (https://www.albrari.com/vb/showthread.php?t=71947)

الركام 2017-02-15 12:06 PM

على وين ياللي راحلين بلا عـنـوان
نبي منكم الجوال عندي تضيفـونه

نبي نعرف الاخبار افراح ولا احزان
ومن شـعركـم عني بعد لا تخـبـونـه

ترا عقبكم مانكتب الا بيوت اشجان
ولا نـبـغي اغـيابا بعـد ذا تـطـرونـه

سمو المشاعر 2017-02-15 09:59 PM

ابو سعود حنا بين حان ومان
معاد للرجول طاقة جسدنا يشيلونه

ونا حامد المولى إلاهي عظيم الشأن
عليمِ بجهر القول واللي يصرونه

نعدكم تواجدنا على قدر مايسمح الامكان
ترا من عرف شرواك كيف بالله ينسونه

ابوسعود يمسيك بالخير
كيف الحال والأحوال
لكم وحشه والله..
نسأل أن يعيننا على ذكره وشكره حسن عبادته
ويحسن خاتمتنا

ابن حماد 2017-02-18 10:01 PM

ما قاله السانك وما سطرت يدك
ترى الكرام اللي معك كاتبينه

ﻻتكتب الا اللي يسرك ويسعدك
يوم الحساب ويوم كشف الضغينه

لابد الحياض المنايا اتوردك
سود الليالي والملا عارفينه

لك ساعة يالعبد ياصلك موعدك
ومن راح مايرجع على فاقدينه

بقآيآ .. حرف 2017-02-19 07:38 AM

اقتباس:

المشاركة الأصلية كتبت بواسطة ابن حماد (المشاركة 2473403)
ما قاله السانك وما سطرت يدك
ترى الكرام اللي معك كاتبينه

ﻻتكتب الا اللي يسرك ويسعدك
يوم الحساب ويوم كشف الضغينه

لابد الحياض المنايا اتوردك
سود الليالي والملا عارفينه

لك ساعة يالعبد ياصلك موعدك
ومن راح مايرجع على فاقدينه

صح لسانكك أبن حماد
من أجمل ما قرأت لله درك
لا تحرمنا من طلتك وجديدك
كل التحايا

ابن حماد 2017-03-14 11:37 PM

جيت المكان اللي الياجيت عاني
في مامضى ياديب نلقابه شعيب

واليوم مريته وجيت المكاني
ورتاع قلبي من سوايا النحاحيب

الحي هو حيه ونفس المباني
الا صديفي صار في عالم الغيب

من السماء فقت نجم اليماني
واللي تعلا فوق لابده يغيب

الركام 2017-03-15 05:12 PM

هـذي الـحـيـاة وماوطـاكـم وطانـي
الماضي اللي راح نلقى الاصاحيب

واليـوم يتـعـب كـل من جـاه عـانـي
وين الزمان اللي مضى والتراحيب

اظـــن كـــل دالــــه وقـــد نــســانــي
مابان لي ســبه ولا باني لي عـيـب

هـذا الـزمـان يـزيل كــل الامــانــي
اما رحل ميت واما شكى الشـيـب

ابن حماد 2017-03-15 11:38 PM

بالعود الأزرق والزباد العماني
يامرحبا ترحيب يقفاه ترحيب

بالصاحب اللي لو يطول الزماني
باقي على عهد الوفا منبع الطيب

دنيا دنيه والله المستعاني
كم كدرت بخطوبه من مشاريب

يامنزل التوبه وسبع المثاني
يارب عفوك يوم كشف المكاتيب

سمو المشاعر 2017-03-16 02:11 AM

في دكة الشيبان تحلا المعاني
من بوح شعارٍ فطاحل مناجيب

مرحباً بكم احبتي والعذر والسموحة
من الغياب الكثير ...

الركام 2017-03-16 10:08 AM

يـامــرحـبـا بـك تــو زان المــكـــانـي
ياللي وفيت وزدت طيب على طيب

يامـرحـبـا بـك زان بدع المـعـانـي
في دكة مابان فيهـا الـعـذاريـب

وعسى تحقق مطلبك والاماني
ويلتم باقي ربعنا والرعابيب😇

ابن حماد 2017-03-17 01:56 PM

اقتباس:

المشاركة الأصلية كتبت بواسطة سمو المشاعر (المشاركة 2476892)
في دكة الشيبان تحلا المعاني
من بوح شعارٍ فطاحل مناجيب

مرحباً بكم احبتي والعذر والسموحة
من الغياب الكثير ...

ياطيب الرفقه عريب المجاني ... نحبكم في عالم السر والغيب
محبته هي عزة المودماني ... غفار ذنب اللي له يتوب وينيب


الساعة الآن 12:34 PM

Powered by vBulletin .
جميع الحقوق محفوظة © لشبكة ومنتديات البراري 2010