|
ملتقى عشـاق المطر ( قصائد مكتوبه أو مرئية أو مسموعة .. نثر .. دعاء .. تعبر عن الشوق للمطر وهب النسيم
بسم الله الرحمن الرحيم الحمدلله والصلاة والسلام على رسول الله وعلى آله وصحبه أجمعين السلام عليكم ورحمة الله وبركاته بصراحة موضوع أعجبني بالحيل شفته بأحد المنتديات فوضعته بين أيديكم وأتمنى أن يلقى القبول منكم وأن يحصل التفاعل المرجوا الرجاء قراءة المقدمه قبل كتابة اي شي صبــــاح / مســــاء المطـــر والخيـــر هنـــا ||| مــلتــقـــى عـــشـــاق الـــمـــطــــر ||| يــانــاس كلنا مشــتاقين للمـــــطر مشتـــاقين لريـــحة المطـــــر أنا واللــهـ شــوقــي لــه ما ينـــوصف ودي أفتــح الشــباك وأشم ريحــته وأسمـــع صوتــــه قطراتـــــه وأحنـــا في هذا الموضــوع بــنـخليه خـــاص فقـــط للــ مطــــر وهنــا صفحـــات بتكــون خــاصه لعشــاق المطـــر وكل عضو مشتــاق للمطـــر يكتــب أو ينقل أو يضع لــه 1- دعـــوه صادقه من القلـــب لـرب العالميــن تطلب منــه نــزول المطــر... 2- أبيـــات أو قصــائد ممخصــصه للمطـــر ... 3- كلمـــة توجها للمطــر لحــظه نــزوله ... 4ــ مقط نشيد صوتي كان أو مرئي وأنا أرجوا من كــل عضو يدخــل على الأقل يكتــب لــه دعــوه صادقه لذي العزة و الجلال يطلب فيها نزول المطر ومشاركة مني هذه القصيدة المنقولة فأنا لست بشاعر أخوكم المحب الواثق بالله فإلى أولى القصائد شوف المزن يبري القلب والروح كيف لاطاحت هماليل الامطار ارقب سحاب الصبح قبل مايروح واخيل منها فيل تتعدى لها ديار ولياركزت تسقي قاعها والسوح وتروي فياض بعد عجات وغبار عز الله أفرح والدموع سفوح ودمع عيني يجري كنه انهار انا الوسم وحالي ياناس مجروح وحبي للمطر مايوصف ويندار وثوبها اخضر وحالها صار مفضوح والطير غرد ينشد الصوت سمار يارب ينزل الخيردوم مايروح ويبقى علينا دوم المطر مدرار وصلاة ربي عد سالم ومسروح على رسول الخير محمد المختار والمشاركة الثانية {... الــبــر يعجــبني إلــيا زان جــوه والارض خــضرا والـسما كله اخيال وريــح المطــر توه على الأرض تـوه هتــان بــادي يشــرح الصــدر والبال وقـام السنـافي فالضــحى وشب ضـوه وغنــى عــلي مــن أعــذب الشـعر مــوال ...} |
موضووووع اكـــــثـــر من رائع
لي عوده ان شاء الله احترامــي |
وعليكم السلام ورحمة الله وبركاته
أخي الواثق / لقد أشتقنا لــ مشاركاتك في هذا القسم فــ أثريت ذائقتنا بهذا الموضوع أثناء حضوركـ مشاركه مني بأبيات من ألارشيف /ق ـ قديمه/ رغبتي من فعل يدي لا حكرت الشاذليه= ثم طـيّرت العماس بجلسة" جنب الغدير& رغبتي ماهو بحر شاطيه مزحوم" بريــه= والخلايق فيه جاذبها على الموج الكثيـر & رغبتي هي رغبت أجدادي معي مثل الوصيه= لــذة" تشبه حليب أبكـار للشــيخ الكبير & معاووون المشراف موضوع رائع تشكر عليه/ أخي الواثق بالله |
يسلم ذووووقك اخوي الواثق بالله موضوع جدااا جميل لي عوده |
كلك ذوق ياريح المطر
ومشاركتي أبيات رائعه لشاعر رائع الشاعر خالد بن مدعث الدوسري طلبتك يا إلهي وانت مجـري الريـح بالهمّـال...طلبتك مزنة ٍ من تحت عيـن العـرش همّالـه أغثنا مع هبوب الغيث غيـث ٍ صيّـب ٍ وبّـال....مشى وانشى بربان ٍ غشى البيـداء تعـزّا لـه مزون ٍ من كثر ماها غدن اثقـال فـوق اثقـال...تدّّلى كـن كـف الأرض يجتّـره ويرقـى لـه قـراح ٍ مـن مزابيـر تزبّـر كنهـن اجـبـال....دفعه الغرب والشرقـي يهـب ويـردع اجفالـه سحاب ٍ في مقاديمـه نصـوب ٍ كنهـن اشيـال....تزاحم كنها جيـوش الزناتـي يـوم تبـرا لـه تضاحك في مقاديمه بـروق ٍ يشعلـن اشعـال...ثمان ٍ في ثغر غـرو ٍ تـلألأ مـن ورا شالـه ومواخير ٍ تهل ادموعهـا عـذب ٍ قـراح ازلال...شخاتير ٍ مثل ضرب المشـوّك صـوت وبّالـه إليا من زل ّ عقب سهيل خمسين وثـلاث ليـال...طلع نجم السويبع وأعلـن الوسمـي ومدخالـه طلع نجم ٍ يبشـر بالحيـا بـدو ٍ لهـم ترحـال...جذبهم بارق ٍ ليله سرى فـي عـارض اخيالـه بداوين ٍ على الخبـت المربّـع حطّـو المنـزال...مصاليـح ٍ تبـوج البيـد شاويّـه و وبّـالـه عسى جرد الفيافي من عقب طول الدهور تسال...يزينها كريم المـد ّ مـن حالـه .. الـى حالـه يزف ّ الروض زملوق ٍ نواويـره بكـل أشكـال..تمايل مثل سنبوك ٍ يطـق ّ المـوج فـي جالـه غصون ٍ تنثني لا نسنس الغربي يميـن شمـال...تثنـي خفـرة ٍ غنـى لهـا عشريـن طبّالـه تلوّى فوق بعض ٍ مثـل ديبـان ٍ بعـود آثـال...وتحت ظل ّ الغصون يحصّل العصفـور مقيالـه فياض ٍ من زهرها الطير يركع له ركـوع اذلال...جمال ٍ من بعد شوفـه نسـى اللجّـه وتجوالـه زهور الروض خلّت لـأم سالم فالعَصيَر اهبـال...تجرّ الصوت بالمنكوس ( يالآلـه .. ويالآلـه ) تخاتيـخ ٍ خلاهـا للحبـاري والضبـا مدهـال..مرابيعـه هـل الذيـدان ماتقـدر تعنّـا لــه يرودونه قوانيص ٍ خـذو مـع سجتـه تجـوال..وعلى طرد الولـع مايقبلـون هـروج عذّالـه تسّلـو فالحيـاة وخلـوّ الدنيـا وجمـع المـال...مادام الموت في طلق الرقـاب ملـوّي احبالـه |
أبيات للشاعر المبدع لافي الغيداني لعل السحاب اللي مـن البعـد دوبـه واق على حد الارض من السما تسبر اعناقـه على ديرة دونـه جنـوبٍ عنـه ينسـاق تقفـاه وتلمـلـم شتـاتـه وتستـاقـه ذعاذيـع ريـحٍ ماتشيـل وتـحـط رواق يصحبها شوية عنـف وانسامهـا رقاقـه لو تمر بيـت البـدو مترامـي الاشنـاق تهـزه شـوي شـوي ماترمـي رواقـه تسوق السحاب بدبرة المانـع .. الـرزاق إلـهٍ عبيـده تطلـب رضـاه وعتـاقـه ولامنه تسـاوى فـوق دارٍ غلاهـا فـاق حدود الغـلا .. تستـأذن الريـح لفراقـه يقر ويسر البال .. والعيـن .. والخفـاق ويلجّّ رعده .. ويرفرف البـرق بأشناقـه من بعيد برقه يسهر المسنـي المشتـاق هكاالليل يقضي كـل ليلـه علـى ساقـه كاانـه يقـول ليانتفـض برقـه الشعـاق على الهون تكفـا ماعلـى قلبـي لحاقـه وصلها وباشرها علـى غيبـة الاشفـاق جـلال مطـره مايعطـي الوقـت لدقاقـه تضيق بسخاه الاوديـه والفضـا ماضـاق بغيمه .. وهتانـه .. ورعـده .. وبراقـه يمد الجذع بالوصل .. والغصن .. والاوراق بعد مااشتكى من هجره الغصـن لوراقـه شهر .. ويتجاور فيه راعي غنم .. ونياق بربله .. وحوذانه ضحـى تشبـع الناقـه تكحـل بنبـت فياضـه العطـره الاحـداق من يشوف نبته يشكر الله علـى ارزاقـه شذا نبـت ريضانـه ماينبـاع بالاسـواق مايجمع شذاها مع بعـض غيـر خلاقـه تجـلا بتنويـع الزهـر قـدرة الـخـلاق تلاويـن نبتـه تأسـر قلـوب عشـاقـه ربيعه .. وغدرانه .. متى مانهمر دفـاق لـدارٍ لهـا كـل الاحاسـيـس تـواقـه سلامي عليها من اولـي لاخـر الارمـاق ولها صادق الاشواق باقـه .. ورا باقـه غلاها وسره دافنه فـي ثـرى الاعمـاق وأكيد الغلا ماجا مـن البـاب .. للطاقـه |
اقتباس:
شكرا على مروركم الكريم أختي الفاضلة ظل المطر لا هنتم |
|
زين المشي في الروض الخضر لى شعشع المخضار
|
|
| الساعة الآن 05:24 AM |
Powered by vBulletin .
جميع الحقوق محفوظة © لشبكة ومنتديات البراري 2010