شبكة البراري

شبكة البراري (https://www.albrari.com/vb/index.php)
-   منتدى الموضوعات العامة (https://www.albrari.com/vb/forumdisplay.php?f=28)
-   -   من ايديني/ طبخات للعزابية وكيف تستفيدون من بواقي الطعام (https://www.albrari.com/vb/showthread.php?t=67150)

سراب 2012-01-18 03:13 AM

من ايديني/ طبخات للعزابية وكيف تستفيدون من بواقي الطعام
 
[align=CENTER][table1="width:95%;background-color:darkblue;border:10px outset royalblue;"][cell="filter:;"][align=center]
السلام عليكم ورحمة الله وبركاته




سويت لي طبختين خفيفات عالغداء اليوم تنفع للعزابية ماتكلف جهد
ولما اتبقى من الاكل زوائد قلت اعلمكم كيف نستفيد من بواقي الطعام
لاني دائما ولله الحمد ما ارمي اللي يزيد اتصرف فيه بطبخة جديدة


ابدأ بالطبخة الاولى وللاسف بالشرح فقط ما صورت الخطوات

حبة بطاط - حبة باذنجان - حبة كوسا - وجبة بصل متوسطة الحجم

نقطع كل الخضار الى مكعبات وسط لاكبيرة ولاصغيرة
ونقطع البصل جوانح بالطول يعني

نسخن زيت غزير ونقلي كل الخضار مع بعض لين تبدأ تشقر
وقبل لاتتحمر بشوي نحط معاها البصل

نصفيها تماما من الزيت ونجيب مقلاة نحط فيها شوية زيت
ومعجون طماط ونحمر المعجون شوي ونحط عليه كاسة ماء
طبعا اقصد كاسة الشاي
وبعدين نضيف عليها الخضار ونقلبها برفق لين تنشف
وتصبح بهذا الشكل





نجي للطبخة الثانية وهي ستيك الدجاج

نقطع مقدار 2 صدر دجاج قطع طولية





ونتبلها بالفلفل والزنجبيل المطحون والكمون والملح وعصير ليمونة وشوية زيت زيتون




نقطع حبة بصل طوليا ومقدار ورقتين ملفوف وحبة فلفل بارد ونحطهم بالصاج
على النار مع شوية زيت طبخ





نشغل النار ونضيف لهم الدجاج المتبل





نخلطهم لين يتجانسون ويبدأ الدجاج بالكشكشة نضيف مقدار كاسة ماء





نشوف غطاء قدر مناسب ونغطيه ونخليه على نار هادية لمدة 10 دقايق






وكذا شكله بعد ما رفعنا الغطاء والدجاج استوى




الحين نرفع النار ونبدا نحمر الدجاح لين يشقر





وهذا شكله بعد ماخلص والتزيين عليكم هههههههه






الحين صار عندنا طبقين عالغداء


الستيك وطبق الخضار هذا






وبعد ما تغدينا بقى من الاكل بواقي
قلت اتصرف فيهم على العشاء

7

7

7

7




سويت البواقي على رز مشخول او يسمونه مصفى

الطريقة

نقعت الرز حوالي ثلث ساعة

وحطيت بالقدر ماء زايد عن حاجة الرز مع اضافة حب هيل وقرفة وورق غار وملح
طبعا الملح زيادة عن معدل الطبيعي لملح الرز لانن الماء زيادة وراح يتصفى





بعد ما غلى الماء حطيت الرز




وبعد 7 دقايق ابتدأ يستوي الرز زهنا راح اصفيه بعدها





الحين نصفي الرز وطبعا صارت ملوحته طبيعية




بعد ما ننظف القدر من بواقي الرز نحط فيه زيت طبخ ونقطع حبة بصل الى جوانح
ونضيف عليها المتبقي من ستيك الدجاج ونخلطهم تمام




وبعد ما يتحمر شوي نضيف حبتين فلفل نصف حار




ثم نضيف المتبقي من الخضار





ونحمرهم شوي ثم نضيف مقدار كوب متوسط من الماء لازم علشان تبخير الرز




وبعدين نحط الرز فوق الخلطة ونحط كيس على وجه القدر ثم الغطاء علشان ما يتطاير البخار ونخليه على نار هااااادية لمدة ربع الى ثلث ساعة تقريبا

وبعدين نقلبه بصحن التقديم

وهذي النتيجة





ZOOOOOOOOOOOOM





وبالهناء والعافية على قلوبكم

يالله الهمة يالعزابية

[/align][/cell][/table1][/align]

أميرة البراري 2012-01-18 06:20 AM

يسلمووو حبيبتي على هالطبخة الرااائعة

ودي وتقديري + فـــــايف ستااار

محمد آلحربي 2012-01-18 10:34 AM

وعليكم السلام ورحمة الله وبركاته

ماشاء الله تبارك الله

طباخـــه مميــــــــزه

مووضوع ممـــــــيز وطبخ مميـــــز ولانه للعزابيــــه
https://www.albrari.com/vb/images/icons/icon10.gif

يعطيك الف عافيـــــه

صمان1 2012-01-18 01:12 PM

ماشاء الله تبارك الله يعطيك الف عافيـــــه

الجنوبي الغربي 2012-01-18 03:37 PM

بارك الله فيك طبخه مميزه

وتستحق النجوم الخمس دام انها للعزابيه
:cool:

يعطيك الف عافيه وتسلم الايادي



سراب 2012-01-18 04:18 PM

ربي يسلمكم ويعافيكم ويجمعكم بأهاليكم يالعزابية
مشكووورة امورة عالستارز

ابو طلال الفيفي 2012-01-19 12:00 AM

وعليكم السلام ورحمة الله وبركاته
يم يم يم

الصراحة شيء خيال ..
تعتبر وجبة طوارئ للعزاب
وايضاً لايمنع المتأهلين من التجربة
عوافي على قلبك وتسلم الايادي اختي الكريمه

سراب 2012-01-21 12:02 AM

ربي يسلم وجودك استاذي ابوطلال
حياك الله وبياك

مقطع العروق 2012-01-21 09:16 AM

غريـــــــــــــــــــــــبة

لأول جهة تهتم فينا يالغزابية

في كل شيء عوائل عوائل

الله يعطيك العافية

وسلمت يداك الطبخة من برى شكلها حلو

والله يعلم بالطعم لكن انا متفائل بروعتته

والصراحة انا مالي بالرز الابيض لكن

التجربة خير برهان

دمتم بود

شاطى الامل 2012-01-22 06:34 PM

يسلم ايدك اختي سسرااب

حلللووووووه


الساعة الآن 05:03 PM

Powered by vBulletin .
جميع الحقوق محفوظة © لشبكة ومنتديات البراري 2010