شبكة البراري

شبكة البراري (https://www.albrari.com/vb/index.php)
-   همس القوافي للمنقول ( قصائد - شيلات - خواطر ) (https://www.albrari.com/vb/forumdisplay.php?f=109)
-   -   الحر حر دوم والبوم دونه ♡♡ ‎وايضا الثعل ماخزر الذيب بالعين. تفضل بالدخول واستمع للقصيدة. (https://www.albrari.com/vb/showthread.php?t=91197)

hunter00001 2021-11-03 10:22 PM

الحر حر دوم والبوم دونه ♡♡ ‎وايضا الثعل ماخزر الذيب بالعين. تفضل بالدخول واستمع للقصيدة.
 
بسم آلَلَهّ الرحمن الرحيم

السلام عليكم ورحمة الله وبركاته
منقول


https://mrkzgulfup.com/uploads/16359678136951.jpg



اخواني


الحر حر دوم والبوم دونه ♡♡ ‎وايضا الثعل ماخزر الذيب بالعين. استمع للقصيدة على الرابط أدناه.



الرابط
https://f.top4top.io/m_2133gnyv40.mp4






أبيات القصيدة:

‎يقول منهو ثابتات ركونه
‎بالدين والموطن وربعن عزيزين

‎يامعذربين الوقت لاتظلمونه
‎ماهو بحق تقلبون الموازين

‎الوقت هذا الوقت لاتشتمونه
‎وكلن عطاه الله من الزين والشين

‎الحر حر دوم والبوم دونه
‎وايضا الثعل ماخزر الذيب بالعين

‎والنذل بيين بين الاجواد لونه
‎لو هو من أهل الجاه ولا السلاطين

‎والفقر ماهو للمراجل مهونه
‎والمال ماسر العفون البخيلين

‎وراع المواجب من ضيوفه يجونه
‎ويقدم الماجوب بالعسر واللين

‎يفرح لو زادت بسببهم ديونه
‎ويطلق حجاج اللي من البعد عانين

‎لو ماعزم كل الجماعة يجونه
‎ذخر لهم لله در الكريمين

‎والبخل لو راعيه كبر صحونه
‎شيدله المبنى وحط الدواوين

‎له فزه عقب اتخيب ضنونه
‎مايلحق اللي للمواجيب ضارين

‎وراع المصالح ماتفيده لحونه
‎طرار لو يملك عقار وملايين

‎اليا حظر قامت اتلاقط عيونه
‎يستغفل أهل الجاه والناس دارين

‎لو هو يعز النفس هم يكرمونه
‎لو ماسال عالو عليه السخيين

‎ومن طاول أطول منه تسهر جفونه
‎خلك مع شرواك لو تشكي البين

‎الصبر مفتاح الفرج يذكرونه
‎ومن لاصبر ضاقت عليه الميادين

‎وابوك لو كل البشر يمدحونه
‎لاشك ماينفعك لاصرت مسكين

‎كم شيخ قوم طارحاته طعونه
‎ياما من اهل العز راحو ذليلين

‎كم حافي يركض يخايل مزونه
‎يبنئ العماير عقب رعي البعارين

‎هذي دول لله تصريف كونه
‎والحمد للي بدل العسر باللين

‎يقوله اللي ثابتات ركونه
‎بالدين والموطن وربعن عزيزين

الشاعر: مشعل_الحبيني






بارك الله فيكم


الساعة الآن 05:01 AM

Powered by vBulletin .
جميع الحقوق محفوظة © لشبكة ومنتديات البراري 2010