|
حين هب الليل .. والشارع تستر
في جلابيب المسا ضيعت ظلي ! قلت اعود لعزلتي لااضيّع اكثر ! أحتفظ باللي بقى .. لا اضيع كلي !! تركي حمدان |
انا تصالحت مع ذاتي وطاح الحطب
وتركت الأيام تسرقها يدين السنين نواف التركي |
اضحك وكنّي ما حزنت وتضايقت
وأقسى بقلبٍ لو تفتّشه ليّن نواف التركي |
تلطّفوا بقلوبنا قدر الإمكان
ما الله خلقها من حجر يا حبايب قلوبنا مخلوقةٍ مثل الأغصان يقدر يكسّرها الهوا والهبايب نواف التركي |
خلّ أمس يسري لا تعلّق بمن ( غاب )
جرحك قديمٍ ما يطبّبه عابر ..! نواف التركي |
غــاب الكلام وغافلتـــه الحناجر
وراح الحـديث بلهفة البوح مقفي ونام الوعد في دمعتين المحاجر كنّه يقول لطاري البــعد يكفي |
إيه انا اللي صد واقفى ولا خلا مجال
للعذر والدمع لو طاح ما أرخص قيمتي َ شيمتك خلتك تجرح وجرحك مايزال أما أنا لا جيت بـ أجرحك عيّت شيمتي ! |
يقول الشاعر ........
يلعنك قلبي والأحاسيس تلعنك ويلعنك دمعٍ صادقٍ لك نثرته منت بكفو قلبٍ له سنين صاينك منت بكفو للي من أجلك فعلته |
قال انت وشفيك لا حاضر ولا غايب ؟!
قلت المقادير لا منها ولا عنها لا تمتحني وانا من الفضفضه تايب وغاسل يدي من كفوف الناس والسنها من قلبي الورع / حتى عقلي الشايب عفت الاحاسيس ظاهرها وباطنها اللي رحل وش خذا ؟ والجاي وش جايب ؟ والله مدري ،، لكن الله يزينها |
ياللي تبي العلم لا تاخذه من غيري
أما يجيك بزياده او محرف به ماعندي أسرار لو اكشف غطا بيري ما يارده غير من هو خايفٍ ربه ان كنت جاهل فذا ردي وتفسيري ولا ضرني لو تسوي حبه وقبه وان كنت عاقل فقدت اليوم تقديري ما دام عقلك تركت الناس تلعب به بقآيآ ... |
غرّد على مايشتهي حرفك ونافس من خلال :
صدقك دهائك طيبتك نبلك،نقى عفويتك .. و لا تقتنع بالأمثلة .. اجعل قناعاتك مثال مارس تواضعك بثقة .. يغنيك عن فوقيتك .. |
توحشني الصورة ويوحشني الصوت..
الله يبيحك واحسن الله عزايه..! . سلم على عينك وسلم على الموت.. وسلم علي اللي قابلك فـ المرايه..! . مدغم ابو شيبه |
الخوف واضح في كلامي وعيني
اشوفه بـ عينك قبل ما اسمع حكاك! نخاف بس الفرق.. بينك وبيني تخاف تذكرني وانا خايف انساك! لكن على أية حال ما عاد فيني اضحك على نفسي وابرر خطاياك الى متى.. وانا بكذب يقيني العمر مرة.. فيك ولا بلياك! لا صار قلبك ما قدر يحتويني حرام.. احبك واتبعك واتمناك! يكفيني من الصدق رعشة يديني ويكفيني من الحب طيفك وذكراك! اوعدني تنساني بزيني وشيني وانا اوعدك لو ما نسيت اتناساك! وان ذكروك بـ لهفتي وبـ حنيني تذكر اني قلت.. إياني واياك! حتى لو ودك تجي.. لا تجيني ضيعت ما يكفي من العمر وياك! محتاج اعيش اللي بقى من سنيني ما افكر بوصلك ولا اخاف فرقاك! |
يارب وأنت القوي واللي معك ما يُضام
ومشاعر اليأس ياربي ما هي في يدي أنهكني الضيق . . واستنزفني الإنهزام وانت اعلم اني بذلت ولا ذخرت جهدي جنّبني الياس وإزرع وسط روحي سلام فيه أتجاوز طريق أحلامي الجرهدي |
يا ندبة البال وجدار التعب والشقوق
تغريبة العمر في قلب السهر جايشة ما ودي اكتب ويجرحني ندي الطروق ما ودي اكتب واعيد الرمية الطايشة ما ودي اكتب واسيل من الورق والعذوق عن سدرةٍ مات واديها وهي عايشة عبدالله سعيد |
في مهب الريح الاحلام طارت يا سعد
أختصر كل الإجابات في " تقدر تقول " ، لا تدور حل..لا خانوا اصحاب الوعد لا الحلول تفيد معْهم ولا انصاف الحلول عبدالله سعيد |
لو شفتها يوم تقبل ضافيه ياسعد
كنه على القاع ترسم شي في بالها إلى تبسم محياها يجيب السعد ومن ثغرها ودك انك تشرب زلالها يا رحمةٍ حطه الله بين برق ورعد سبحان ربٍ خلقها وعالم بحالها عن حسنها عن كرمها ويش اقول واعد لو حلت بأرض جدبا زان منزالها العام طاب اللقاء معها وجت بالوعد وروت ضمايه وطاب لعيني قبالها واليوم ماهو بيدها هجرها والبُعد الامر لله سبحانه إذا قالها بقآيآ** ... ( السحابه ) |
والذكريات اشباح يا لحظة البين
ياليت هذا البال سالي و نسّاي وابيع قلبي واشتري راحتي لين : ماشوف حولي غير ظلّي و مركاي سعد يحيى |
ོ
٠ ٠ حدّ علمي بابتہاجي وانا باقي طفل اعطي الدنيا سلامي وتعطيني سلام ان ضحك وجہ الليالي بوجہي : أحتفل وان عبس وجہ الليالي : اخلّيہا .. وانام سعد يحيى |
والبسمة اللي في مدى العمر قنديل
في صدقها آية ، وفي نورها ربح .. ان روّحت وش حاجة الروح لليل وان كمّلت وش حاجة الليل للصبح ! سعد يحيى |
صباحكم مثل منتو خابرينه صباح
ماعاد عندي صباح الورد والياسمين .. الي صباحه صباح الورد قفى وراح ماعندي الا ورود ذابله من سنين |
غربّت نفسي بنفسي لين صرت الغريب
اللي عجز ياصل الديره وهو حولها |
مادام واديك من مزن المكارم يسيل
لاتضحك بـ واحدٍ من شح وقته شكا ترى صواديف بقعا ممكن بظرف ليل تبّكي اللي ضحك وأتضحك اللي بكا لشاعرها .... |
لا يا بعد كل الوجيه .. الصادقه والأقنعه
في ضحكتك كم زهرةٍ توُرق وكم بارق يلوح لاتسمع الحاسد ترى اللي تسمعه كنت اسمعه ما من ورى هذا الكلام الأ المفارق والجروح أنت الفصول الأربعه و أنت الجهات الأربعه و أنا ليا مني بغيت أروح منّك وين أروح |
سمني نجد لاغنى المطر ..بالشجر
واستحت تحضن البيدا عروق الثمام سمني ساكن الجرح بنسيم الفجر لين تنسى معه ليلٍ جرحته ونام عبدالعزيز الدوسّي |
خاوي من البوح واعماقي شربها الجفاف
من يسكب الشِعر في طيني..نذرت اكتبه من يقدح الضيّ في صمتي ويوقد هتاف ليلي..ومن يسترق بوحي بـحِبر اشهبه! من يهدي القارب المثقوب رمل الضفاف كلّ المجاديف خانت ملحها..واعذبه واللي يقول احرق اوراقك .. تفيّا..وعاف يبّاس غصني ثمره الظل/كيف احطبه !؟ |
ارض السنابل ذهبها في عربها حلال
تقهوت الموت ما هزّت فناجيلها ما تعطي الذاريات اللي عليها مجال كريمةٍ ما تمدّ الا محاصيلها ويل الحسايف من غيومٍ مطرها نكال و الدمعة الطارفة ما جفّ منديلها ناصر سعيد |
سيرن نشاد البال عن ليل الهجاد
من هنا,مرة تجيني ومرة من هنا هاجس يملا ضلوعي سواليف ومداد كل ماهز المعاليق..قلت:الله لنا قال:من طشالمجاديف؟قلت:السندباد قال:من غنى له النجم سامر؟قلتأنا شاعر ماله من البيد خبت ولاحماد غير ظل لو حنا الريح غصنه ماانحنى جيت من عشب المواعيد يا دروبالحصاد خطوة تلغي وجودي عساها للفنا حالف اني لاعكس الريح واخذهاعناد لين تلقح عاقر النود برعودالضنا ياخفوق هده الشوق واغرآه الهداد لا دنا ليل التباريح غرباله دنا كل قلب لاعه البين جرب وأستفاد وش لقيت من التجاريب يا قلبالعنا؟! يا زمان مارسا بي على شط الوكاد كذّب الساري موانيه وشطوط الهنا يارفيق ماهداني على الرأيالسداد بين ذنب ماجنيته وذنب ماجنى لو سقينا وردة الحلم ترياقالسواد ما نبت في مرتع الشوف برق ولاسنا لاتصدق بألف ليله وكذبة شهرزاد كل عشق للحنايا تطوّى وانثنى خل عنك حكاية القيظ وعلومالبراد كلنا نعرف سببها ونجحد كلنا من يشب بمحجر العين طريا للرقاد من يقول انه عن النوم كله فيغنى من يقلد جمرة الحرف سيف من رماد من بنى مثلي ظنونه وهد اللي بنى ول لا عادت طواريك يا ليل الهجاد من هنا كنت احتريها, و جتني منهنا! شعــــــــــــــــــــــر - مســــــــــــــــاعـــــــــــد الرشيـــــــــــدي |
شابت الذكريات ورِحْم وصلك عقيم
والليالي خذت منّي ( محاصيلها ) عاجز أكرهك ياوجه الغرام القديم وأكره الدار وأبعد عن مداهيلها !! راشد مقبل |
انا بوجهك لا يجي وجهك مثل وجه الزمان
|
ارفق علي ياعزوتي بالهون
لا تذبحن يكفيني ما جاني |
#نجد_العذيه
يهناك زخات المطر في مسا اليوم إذا ابـتـهـجتي تـبتهج لـك خواطر ﮼ |
الْلَّھُم أَهِلَهُ عَليْنَا بِالْأمْنِ وَالإِيْمَانِ وَالْسَّلامَةِ وَالْإِسْلَامِ وَالْعَوْنٓ عَلَى الْصَّلاةِ وَالصِّيَامِ وَتِلَاوَةِ الْقُرْآَنِ.
الْلَّھُمّ سَلِّمْنَا لِرَمَضَانَ وَسَلِّمْهُ لنا وَتَسَلَّمْهُ مِنّا مُتَقَبَّلاً يٓارٓبٓ العٓالِٓمينْ . أهنئكم بحلول شهر رمضان المبارك ، وكل عام وأنتم بخير. |
مبارك عليكم عيد الفطر
تقبل الله منا ومنكم صالح الأعمال وكل عام وانتم بخير وصحه وسلامه 🌹🌴🌹 |
مرحوم ياحب ترعرع بالاعماق
متغذي دم العرووق الصخافي في كل عضو له مقر وميثاق بين الضلوع العوج بين وخافي يروق مع روقه مزاجي ليا راق ويحس بي اليا لحقني خلافي ويحس باشواقي الياصرت مشتاق قدام يصبح في الامور اختلافي سلطان الهاجري |
لك في قرى صوتي دعاوي وتسبيح
و وجهٍ لبس حزنه، وفسخ ثيابه وأمٍّ تصحّي ضحكتك بالمصابيح وطفلٍ يتمتم للتجاعيد "يابه" ماخانك الماء يا غصوني، مع الريح الماء عشانك خان حتى السحابة حتى وهو طايح يقوّمك ويطيح محدٍ حمل همه ولحدٍ درابه عبدالله الرشاش |
الليلة اخترت الرحيل، شلون ما يختارني؟
الليلة الكلمة على لساني .. تعضّ لسانها جدرانها.. ما مرّ منْها حلم ليل وزارني الغرفة اللي تاهت ايامي ورا جدرانها عبدالله الكايد |
كان عندك جرح جرحين _ صبرك لين أطيب
الجروح اللي تسهر عيوني كافيه سلمان النصيف |
مصيبه كان لي عين تشوف وما قدرت أشوف
انا ماني عمى لكن أحب وحبه اعماني |
البارحه طحت وإلا الصبر عيا يفيد
مابين صدة حبيب وبين شرهة خوي لولا ضروف الحياة اللي تقص الحديد ما كان سريت رجلي والذياب تعوي الصمت يرسم على وجهي حياة السعيد والصبر يخفي ملامح حزني الملتوي برحل عن الناس دامي ماقدرت استفيد يمكن مع البعد بلقى حاجتي وارتوي عن ظلم الاقراب تقنعني حياة الوحيد ابحتزم بالثقه دام الضنون تهوى خالد الكثيري |
| الساعة الآن 01:05 PM |
Powered by vBulletin .
جميع الحقوق محفوظة © لشبكة ومنتديات البراري 2010