شبكة البراري

شبكة البراري (https://www.albrari.com/vb/index.php)
-   همس القوافي للمنقول ( قصائد - شيلات - خواطر ) (https://www.albrari.com/vb/forumdisplay.php?f=109)
-   -   (¯`•._.•[(.... بقآيآ .. حرف .... )]•._.•´¯) (https://www.albrari.com/vb/showthread.php?t=63279)

بقآيآ .. حرف 2018-03-05 08:36 AM

ذا وجهي المُترف من الزين شان وبَهت
ولحظات حزني عليه تحسّها فاخرة
ِوجدي على عيني الحلوة ليّا من بكَت
ما أستاهل اللي يصير من أوله لآخره .

بقآيآ .. حرف 2018-03-05 08:38 AM

شفت اللذي ما يهاب وكن قلبه حصاه
قدام عينه لو تموت الحمامة .. بكى

بقآيآ .. حرف 2018-03-05 08:40 AM

أحبني يا الله،وأجعل ملائكة السماء من حُبك
تحبني فلا الأرض موطني ولا أهل الأرض غايتي

بقآيآ .. حرف 2018-03-05 08:48 AM

ما شفت نار إلا بعٓد شفت الحطب
يا سيّدي و الليل كفّـك باردة
.
صافحت لي قطعة خشب ما هي خشب
و أونست في عظمي قبايل بايدة
.
أحتاح و الحاجة تدوّر عن سبب
و أرجع بدون أحتاج شيءٍ فاقدة

بقآيآ .. حرف 2018-03-05 09:18 AM

واذكر إني مانسيتك ويغريني الرجوع
ياغرامٍ تنشد الناس وينه ياتـرى
ضيدان بن قضعان

بقآيآ .. حرف 2018-03-10 09:39 AM

فمان الله يا ذكرى الغرام وما مضى يطوى
طويته مثل ما تطوى سفينة حزني شراعي

بقآيآ .. حرف 2018-03-13 09:41 AM

بين الجهة والواجهة
كان الخلاف
والخوف معبر كنت أخاف أتجاوزه !
وأتجاوزه !
ماشي على قلبي وخطواتي خفاف
ما شفت مقتل يستحق آواجهه
ورجعت أخاف

بقآيآ .. حرف 2018-03-17 09:50 AM

توكل لا توادع رح عسى درب الجفـا المسهوج
يصادف درب فرقاٍ عقبها ما تلمحك عيّني..
- ضيدان بن قضعان .

بقآيآ .. حرف 2018-03-17 09:52 AM

توهّج الماء في / لِـهاة الضوامي
في عتمة الجدب الرخيص وتلاشا

ضو الحناجر بإنحسار الأسامي
يستدرج الما من يدين العطاشا.

بقآيآ .. حرف 2018-03-17 09:53 AM

تقول أمي توجّهني : ولد إصحك تسبّ الناس
لقيت الناس ___ لكنّي فقدت أمٍّ توجّهني
- عبدالمجيد الزهراني .

بقآيآ .. حرف 2018-03-17 09:54 AM

في الوداع الاخير اللي يقص الظهر
بين دمع الكلام وبين صمتٍ طويل

يوم كانت تذكّرني " دعـاء السفر "
كنت اردد على نفسي دعاء الرحيل.

بقآيآ .. حرف 2018-03-17 09:56 AM

يا الي خذتك الوفاه ونمت تحت التراب
يالغالي الي ياليت اشواقي اتجاب لك

معقول ما راح اشوفك غير يوم الحساب
معقول فـ العمر كله ما اقدر اقابلك ؟

بقآيآ .. حرف 2018-03-17 10:03 AM

ماهو ضروري ألتفت وأشوفك بوسط الجموع
من لذّة الطعنة عرفت إيدك وأنا ماشفتها

بقآيآ .. حرف 2018-03-17 10:06 AM

حظي تغانمه الجراد وحل بالعود الدبا
أنا ولدت من الفقر كما ولد حظي فقير

بقآيآ .. حرف 2018-03-19 12:07 PM

الغيب جازم ، لكن الصبر شكّاك
و القلب راضي ، لكن العين جَزْعة

احيان احس ب لايج الصدر تكّاك
للخوف مثل منازع الموت ، نزعة

ياقلبي اللي خالقك كيف ينساك
ماعند غيره لك من الخلق فَزعة

بقآيآ .. حرف 2018-03-19 12:08 PM

في كلّ غصن ب أمنياتي تعلّقت
ما ملت لكن غصن الاحلام مايل !

بقآيآ .. حرف 2018-03-20 08:46 AM

أغمضتها كي لا تفيضَ فأمطرتْ
أيقنتُ أني لستُ أملكُ مدمَعي.

بقآيآ .. حرف 2018-03-20 08:46 AM

لو شلت هَم المسافة لا تكمل معاي
أنا دروبي طويلة و انت حافي قدَم.

بقآيآ .. حرف 2018-03-20 08:51 AM

ترخي مناكبنا جروح احبابنا
ولا العدو مهما بلغ ماله لوى.

بقآيآ .. حرف 2018-03-20 09:03 AM

ماودك نغيب ؟ ونطبل على الذكريات
ونخلي الشعر .. مايحتاج قاف ووزن

مع أنه الكائن اللي يخجل الكائنات ..!
أجي له ب فرحتي وأطلع بكومة حزن

بقآيآ .. حرف 2018-03-20 09:08 AM

كنت احسب ان العجايب سبع اثاريها ثمان

بقآيآ .. حرف 2018-03-20 09:18 AM

من كثر ما حنا نخاف نزلّ ونقصّر بشي
صرنا نعرف اللي علينا مانعرف اللي لنا !

بقآيآ .. حرف 2018-03-20 09:20 AM

اللي طعني قبل مـده وعطاني قفاه
وحاولت اجازيه عـن طعنه وعيّت يدي

جزاه ماهوب عـندي عند ربه جزاه
ما هوب من زود طيبي بس ماني ردي

بقآيآ .. حرف 2018-03-21 09:18 AM

خذاني الحيا لا قول تكفى ترا الأطناب
تراخت وبيت الشعر ميّل على .. جنبه.

بقآيآ .. حرف 2018-03-21 09:23 AM

َقبل تحسّف خذ من التجربه راي
و إن طحت لك في تجربه لا تحسّف
َ
قم ودّع المقفين واستقبل الجاي
لا تنشغل ، لا تنخدع .. لا تأسّف

بقآيآ .. حرف 2018-03-21 09:28 AM

َقلبي اللي يشعفه بارق الطرق الحزين
دن رعاده . . من الحزن يا الله يا قوي
َ
ليت ، ربي فكني من قصيد العاشقين
لا هجدهم طاري الولف والشوق يعوي


بقآيآ .. حرف 2018-03-21 09:42 AM

وانا خابرٍ مالي مصد عن المقسوم
لو ان النبات يصد من مقدم العجة

لكن لو معي من مقبلات الليال علوم
يجوز الفجيعة تصغر و تكبر السجة

سطى بي زمانً قد سطى في خيار القوم
وكم قاصدً عن مقصده لدّه و خجّه

ولولا الأمل بالقادر الواحد القيوم
يبث الحياة بميّت الغصن ويوجّه . .

بقآيآ .. حرف 2018-03-22 09:13 AM

والله ان عوقي دفـين وجرح قلبي نابض
وقو صبري حللت سـود الليالي .. ذبحه

بقآيآ .. حرف 2018-03-22 09:14 AM

فيني من الهاربين البهذله و الإنهزام
وفيني من الثّابتين الإنتصار العظيم

بقآيآ .. حرف 2018-03-22 09:15 AM

عيني اللي شبحها كل مالدت جنوب
من تماثيل المحبه وش انتي لاقيه
.
الهوى ماهوب يسكن وسط بعض القلوب
كون ... لاعين بياض القلوب الراقيه

بقآيآ .. حرف 2018-03-22 09:19 AM

ضغاين الضحكه اللي ما وراها غلا
والعالم الحاقده و الانفس الحااسده

قدام نقضي عليّها كيف نقضي على ؟
الصحبه السيئه و البيئه الفااسده . .

بقآيآ .. حرف 2018-03-22 09:20 AM

خايف من الوقت يرميني على بطن حوت
ولا معي معجـزة يونس .. ولانـي نبي

بقآيآ .. حرف 2018-03-22 10:30 AM

تساهيل يا درب مشيته وانا مهموم
تثاقلت خطواته وجاء بالامر خيره
سلكته وانا مانيب جازع من المقسوم
ومن رحمة الله في سهل مشاويره
تركت الخلايق خلف ظهري وكثر اللوم
وعفت الوطى لو كان تزهى نواويره

بقآيآ ..

بقآيآ .. حرف 2018-03-24 08:34 AM

يموت بيت القصيد اللي ماهو من ضمير
وتبقى / بيوت القصيد الفاخره ، فاخره

بقآيآ .. حرف 2018-03-24 08:36 AM

مل ساقي طريق الغي .. والمغريات !!
والهواء والندم سيدين لـ اصعب طريق

بقآيآ .. حرف 2018-03-24 08:44 AM

ما كل غلطة / رماد وكل الاعذار / ريح
لـَ عشت مع همّك اللي كنت خايف منه

ياليت من صدْ يترك لي سبب واستريح
من حقي ادري عن اللي كنت مدري عنه

بقآيآ .. حرف 2018-03-24 08:47 AM

لا تضحي بوعيك في رضا التضحيات
و أنت دمعتك ما تذرف لها كل عين

بقآيآ .. حرف 2018-03-24 08:50 AM

يارب أنا فيني وفيني وفيني
إخلف عليّ بْخير مما سلفها !!
والله ما اعرف غير راحة يديني
الراحه اللي غيرها ما اعرفها !!

بقآيآ .. حرف 2018-03-24 09:00 AM

العاقل اليوم حاله مثل : حال الغريب
يستغرب الناس من حوله وتستغربه..!

تلقاه في ( مسرح الايام ) مثل : الأديب
اللي قصيد أكثر الشعار مايطربه..!

بقآيآ .. حرف 2018-03-24 09:23 AM

تبقى الحياه الزايفه حلم واسرار
ناسن تمناها وناس ! اتـركوها

غيبه رفيق وقـل دبـره . ومعـذار
واجهتها في ذا السنه كل ابوها


الساعة الآن 06:34 PM

Powered by vBulletin .
جميع الحقوق محفوظة © لشبكة ومنتديات البراري 2010