شبكة البراري

شبكة البراري (https://www.albrari.com/vb/index.php)
-   همس القوافي للمنقول ( قصائد - شيلات - خواطر ) (https://www.albrari.com/vb/forumdisplay.php?f=109)
-   -   (¯`•._.•[(.... بقآيآ .. حرف .... )]•._.•´¯) (https://www.albrari.com/vb/showthread.php?t=63279)

بقآيآ .. حرف 2017-02-19 06:36 PM

لو ما تبقّى من زحام الأماكن ..
في صدري، إلا حُضْـن وشويّة انفاس

خذي عُمُـر - من عشرة الليل - داكن
وهاتي صباح ابيض له عْيون واحساس

بقآيآ .. حرف 2017-02-19 07:19 PM

نفس الضجيج ونفس ضيم الشوارع
لاودّعوا عامٍ ولا أستقبلوا عام
نفس الألم نفس الخطاوي تسارع
تسرح وتضوي مثلها مثل الأنعام

بقآيآ .. حرف 2017-02-19 07:20 PM

واللي ضحك له زمانه [ جالس ] يذمّني

بقآيآ .. حرف 2017-02-19 07:21 PM

عود نفسك ع قناعة التجرد من الخسارات !!
واعتبرها دروس كان ثمنها الشعور السئ لا اكثر

شطر 2017-02-23 12:00 AM

‏مال السكوت بحضرة الحب ميثاق
لايخدعك من قال زينك سكوتـك
.
سولف ترا مغليك لا صار .. مشتاق
وده يضم من الغلا .. روح صوتك

بقآيآ .. حرف 2017-02-23 08:30 AM

اقتباس:

المشاركة الأصلية كتبت بواسطة شطر (المشاركة 2474135)
‏مال السكوت بحضرة الحب ميثاق
لايخدعك من قال زينك سكوتـك
.
سولف ترا مغليك لا صار .. مشتاق
وده يضم من الغلا .. روح صوتك

حي الله من شرف صفحتي
لا خلا ولا عدم

بقآيآ .. حرف 2017-02-23 09:18 AM

كفرت بـ حروف الشعر والأغاني
وآمنت بــ"الضيقة"على كثر الأحباب

لقيت مفتاح الفرح،والأماني
لكن بعد ماطاح،من عيني الباب!

بقآيآ .. حرف 2017-02-23 09:43 AM

قلب واحد كان وافي وقلب خان
ليه لما تخون تسألني بكيت
كنت أدور فيك عن حب و حنان
لا محبة عشت ولا قلب لقيت

بقآيآ .. حرف 2017-02-23 09:44 AM

منخدع بوجيه يرسمها السراب
والتفت لـ اصوات مانادت لـ احد

شطر 2017-02-23 10:04 AM

اقتباس:

المشاركة الأصلية كتبت بواسطة بقآيآ .. حرف (المشاركة 2474182)


حي الله من شرف صفحتي
لا خلا ولا عدم

تحيا وتدوم
ياهلا اخوي لي الشرف

بقآيآ .. حرف 2017-02-25 02:18 PM

واللي جعلها من شجرقاصي الذات
يكلّ فاسـك مـا برت فيه عـلّـه
مورّثٍ حـبه مـواريث الأمـوات
و مقسمٍ حـزنه على كل ملّه

بقآيآ .. حرف 2017-02-25 02:20 PM

ذخرت عنك كل حاجة تعوّر
لله عاشق ياوي لجارحينه
حتى وأنا مقفي بجرحي تصوّر
مابيك تقرالي قصيده حزينه

بقآيآ .. حرف 2017-02-25 02:21 PM

دمعٍ وقف بين الكلام و رحيلك
لو كنت أحسه ينتصر لي : ذرفته

بقآيآ .. حرف 2017-02-25 02:21 PM

لا تشعل الشمع في ليلك و لا تحتفل
الليلة : الحزن ما يقدر عليه " الكلام
ودّي أغمض ليااالي لين أعوّد طفل
و أمي تعلّمني أنطق إسمها لين أنام

بقآيآ .. حرف 2017-02-25 02:23 PM

ما ودي احطب شيء في داخلك مات
لله شعورك وان تراجعت ، لله ..

بسكات افهم علّتك ، وانت بسكات :
تفهم جميع اللي أحس وتدلّه

بقآيآ .. حرف 2017-02-25 02:24 PM

عمري فنى حب وسوالف وضحكات
والناس تحسب عمرها بالأهلّة ..

واللي خذت مني السعادة ولا جات .
اعظم من الحب وطواريه كلّه !

بقآيآ .. حرف 2017-02-26 09:35 AM

وآتفرّس في وجيه الناس و اقرا
ما تيسّر .. كلّما فهمي تعسّر
العيون دروب و النظرات مسرى
كلّما طال السكوت و ما تفسّر

بقآيآ .. حرف 2017-02-26 09:36 AM

مشهد ومن بعده يصير اللّي يصير
أسدل ستارة صاحب اللهو الخفي
بالمختصر غصة وبالشطر الأخير
الغول .. والعنقاء والخل الوفي

بقآيآ .. حرف 2017-02-26 09:37 AM

أقسى شعور :
تكون غيمة : مهمله !
مو ممطره ، ما أستبشروا فيها ( بدو )
لكن فرح ، فيها عدو
مرت ويقفاها عجاج
أقسى شعور بمجمله

بقآيآ .. حرف 2017-02-28 10:11 PM

مابي أبقى احبك بس قلبي نبيل
و يوم قفّيت كنّي فاقدٍ لي ضنى
يمكن ارجع وأحبك لكن المستحيل
يرجع اللي احسّه يوم كنّا هنا

بقآيآ .. حرف 2017-02-28 10:12 PM

للحين و احساسي على كفّ عفريت
لا شفت تلويح المقفّين ، شفتك
وينك ذبل ورد الرجا وانت ماجيت
ملّيت احسّ بخيبتي من عرفتك

بقآيآ .. حرف 2017-02-28 10:12 PM

خل الليالي تمر خل الليالي تطوف
الي خذا القلب عيا ياخذ بخاطره
قال انتظرني هنا واقفى وعيني تشوف
وانا لي سنين من قفّى وانا ناطره

بقآيآ .. حرف 2017-02-28 10:13 PM

راهن البال لـ الطاري متى تعتقه
ولـ مساريك ما تهدى خُطاي الزحام
لهفتي وزعتْك بـ كل درب اطرقه
ألمحك بـ الوجيه .. وأسمعك بـ الكلام

بقآيآ .. حرف 2017-02-28 10:13 PM

قريت حزن النخيل .. بْـ ميلة الفيّه
وأيقنت بـ ان انكسار الظل يعنيني !
وأخذت ألملم بقايا الحلم .. بِـ يديّه
حزين لكن شموخ النخل يكفيني !

بقآيآ .. حرف 2017-02-28 10:14 PM

ماعاد لك في فضاك إلا رياح العذر
وآثـارك البالـية من طيـنة الاقــتراف
إن ما كفاك الوجود انحر غـيابي نذر
وأنا علي الصلاة وخلوة الاعـتكاف

بقآيآ .. حرف 2017-03-09 09:54 AM

يابنت واللي خلق فيك الدلع والعفاف
واعطاك ظل النخيل وحالي عذوقها
ماغبت لاجل اختلق دمعة واسبب خلاف
واجرح شعور المحبة واكسب عقوقها

بقآيآ .. حرف 2017-03-09 09:54 AM

لو تحاول تقتل الوصل بسيوف البعاد
ما نزعت الروح من ضحكها وافراحها
سو ما ودك تسويه وارضخ للعناد
ما انطفى جمر الكرامة ولا مصباحها

بقآيآ .. حرف 2017-03-09 09:54 AM

ما تسمع ارباحي صياح المخاسير
لو ان لي قلبٍ فالاوطان تايه
لا تنشدوني وش تجيب المقادير
طرد السراب ولا طعون النهايه

بقآيآ .. حرف 2017-03-09 10:04 AM

أيه أسرقيلي من اللحظات/لحظة غروب
نرمي وراها بعض همٍ جناه النهار
أيه أفزعيلي.. ترى ماعاد باقي يادُوب
خطوه..
وخطوه ياخوفي تنحرف بي يسار

بقآيآ .. حرف 2017-03-15 07:32 AM

https://up.albrari.com/uploads/14895522901.png

للمبــدع / عبدالله الكايد

بقآيآ .. حرف 2017-03-15 07:45 AM

لو لوّحت دمعة على طارف الرمش
والليل يقتصّ بسمارك مساريه

مدّ المدينة في عتم وحدتك وامش
خل المباني تصبح أصحاب ووجيه

بقآيآ .. حرف 2017-03-15 11:37 AM

طوّل غيااابك ، و أنا لا زلت متمسّك
بـ اسمك ولو كان يا ثقله على صوتي
كل ما تغيبي و أنا محتاجك أحسّك
إخترتي أقصر طريق نهايته موتي !

بقآيآ .. حرف 2017-03-15 11:38 AM

ليت الليالي و أنا أتمناك جادت بك
يا الغايب اللي قدر بـ فراقنا يصبر !
والصدفة اللي بعد عامين عادت بك
يا ليتها جات قبل الحزن ما يكبر !

بقآيآ .. حرف 2017-03-15 11:38 AM

عسى قيد الخجل يطلق سراحك
لك سوالف في طرف صوتي رهينة
صاحبي حنيت ضحكتك وصباحك
الحنين اللي يكفي له مدينة

بقآيآ .. حرف 2017-03-15 11:42 AM

كنت اسأل أمي ي يمه ويش يعني ممات ؟
قبل لا أكبر وأعرف أنه رحيل العمر

قالت : ندّسك ب الارض الين تصبح نبات
ومن يومها صرت اخاف أكسر غصون الشجر

بقآيآ .. حرف 2017-03-15 11:52 AM

غدَرك بحر القصيدة وإنت تطري الحنين
وذوّقك ملح الفراق بكل شطر يغرق
ما كنّه إلاّ طرى عـ الباب في بيت طين
ترحيبة السدر والريحان لأحدٍ طرق

بقآيآ .. حرف 2017-03-15 12:01 PM

ترا الكواكب " عذارى" والصباح امهبول
من يحتميهنّ .. واصفّق له على ( نخوته )!

بقآيآ .. حرف 2017-03-16 10:49 AM

ي ليل صمم على النزله وحث الخيول
حتى لو أخوك قبلك ما تبع .. نزوته
لك فالبوادي قبول وفالحضاره قبول
خل الصباح ايخلط شاهيه مع قهوته
أذا الثرى سرج سابح والثريا رحول
أركب يابو الطيّب الصعبه على صهوته
ترى الكواكب عذارى والصباح مهبول
من يحتميهن واصفق له على نخوته
انا طلل جالس لحاله يعيش الطلول
هذي نجوم أول البارح وذي حروته
تقول جالس معك ولاّ تصيب وتقول
جالس يغني على ليلاه في خلوته
معاني الشعر هقواته وماله ذلول
وان قربوا مربط حصانه نصى هقوته
يا عيطموس البني يالفاتن العيطبول
حسبك من اللوم لاياصل معي ذروته
في نازل الصدر هجن وعالي الصدر جول
كلٍِ يكسر قفص صدري على شهوته
وانتي تقولين قال الله وقال الرسول
ولا حشمتي صفا قلبي ولا مروته
على الاقل اطربيلي يوم اغني واقول
فلي على الصدر شالك واستري فجوته
انا نديم القصيد ولا عزا لـ الشمول
انا تفاخر جواد البيد في كبوته
تحت كحل عينك اصبا والتصابي يطول
خلي كحل عين غيرك تنتهي صبوته
قدي قميصي واذا جاك العزيز شتقول
قولي جريحِِ وذا طبه وذي سلوته

بقآيآ .. حرف 2017-03-17 07:07 PM

مجرد إنسان خاف من الصخب وإنعزل
إختار يحضر على قد الشعر والشعور

بقآيآ .. حرف 2017-03-18 06:56 PM

حاجات واجد بنفسي من أمانيهاا
جرى عليها الزمن مع كل ريع ومهب
ماجات في وقتها واللحين مابيها
حتّى ولو جاتني على طبق من ذهب


الساعة الآن 07:27 PM

Powered by vBulletin .
جميع الحقوق محفوظة © لشبكة ومنتديات البراري 2010