شبكة البراري

شبكة البراري (https://www.albrari.com/vb/index.php)
-   همس القوافي للمنقول ( قصائد - شيلات - خواطر ) (https://www.albrari.com/vb/forumdisplay.php?f=109)
-   -   أنا عيب ٍ عليّ أنقض كلامـي والرجـال أفعـال (https://www.albrari.com/vb/showthread.php?t=42918)

نسمات نور 2010-07-18 09:04 PM

أنا عيب ٍ عليّ أنقض كلامـي والرجـال أفعـال
 
عفى الله عن خطى غدر الخناجر والقلوب أبطال
بسامح وأتركك تحـت الظالـم الحالـك إلحالـك
دخيلك وفّر دموعك تـرى هـدر الدمـوع ذلال
وترى ما فيه أحد يصبر مثل صبـري بغربالـك
أنا عيب ٍ عليّ أنقض كلامـي والرجـال أفعـال
وإذا قلت أقطع حبالـك ترانـي بقطـع حبالـك
عشان أكسب هدب عينك تجرّعت العذاب أشكال
وليتك تـرأف بحالـي علشـان أرأف بحالـك
مسوّي في حياتـي شـي لا يذكـر ولا ينقـال
حشى العدو حتـى العـدو مـا يعمـل أعمالـك
تمسّيني على الهم وتصبّحنـي علـى الغربـال
تقلّبنـي فناجيلـك وتقْصِـر عـنّـي ذلالــك
تحمّلت التعب لأجلك وأنـا حملـي يهـدّ جبـال
رحلت من العذاب وما وقفـت إلا علـى جالـك
علامك.. كل ما جيك متواضـع جيتنـي تحتـال
معك إليا متى بصبر وصبـري معـك يحلالـك
مثل ما أقبلت لعيونـك لـزوم تلـدّ لـي بقبـال
ومثل ما قد حشمتك حس واحشم قلبي أشوالـك
أنا ماحـدٍ بجابرنـي أسايـر معـك هالمنـوال
ترى لاني تبيع ٍ لـك ولانـي بأصغـر عيالـك
أنا جيت أعشقك نبض ومشاعر ما أعشقك تمثال
أنا جيت أسكنك وأحياك وأبقـى فيـك وأبقالـك
أنا جيت بظمى عاشق تعب يطرد سراب الـلال
أنا جيت أستفز رضاك من فرقـاك وألجـا لـك
أنا ما همت بك عاشق أنا كنت أعشقـك بخبـال
أنا ما كنت أحبك حب أنا كنـت أعشقـك هالـك
تخيل من كثر ما خـاف تلقـى للزعـل مدخـال
أخا ف أخطي على طيفك وأدوس برجلي ظلالك
تبعتك والعرب تتبـع رعـود البـارق الهمّـال
وأنا شفت المطر يتبعـك فـي حلّـك وترحالـك
كأن اللي خلق حسنك خلقني مع جسـدك ظـلال
وصرت أقرب جسد يمشي معك بقفـاك وقبالـك
أبي قلبـك يحـس إنـه فقـد بمحبتـه رجـال
ملكته من هدب عين وخسرت رضـاه بهمالـك
صحيح إن الفراق أقسى ولكن الوصـال محـال
وانا صعب ٍ علي أرضي غروري وأضعف قبالك
بعد ما حققت عيني فـي بعـدك للرقـاد آمـال
أعوّد للسهر.. يـا خـوي فـال الله ولا فالـك
ببدّل نظرتك فينـي وجيلـك كـل يـوم بحـال
بكون أقـرب مـن ثيابـك عليـك ولا تهيّالـك
بلمّك وأنثرك وأجمعك وأرجع وأننثـرك باهمـال
بخونك وأزعلك وراضيك وأزعل منك وارضالك
أبرسم بالثرى وجهك وأبدغن صورتـك برمـال
أبشكي للعرب فرقـاك وأضحـك عنـد عذالـك
أبهديك الوصال فراق وأهديك الفـراق وصـال
بسوّي مثل ما شوفك تسـوّي وأفعـل أفعالـك
عشان تعرف من فينا الزّعول ومن وسيع البال
أبيـك تـذوق فنجالـي وأنـا بـذوق فنجالـك
نصيحة واحتفظ فيها قصر معك الزمن أو طـال
أبي تسمع كلامي زيـن وتحطـه علـى بالـك
إذا حبك هبال أطفال إلك عنـدي هبـال أطفـال
لا.. وأبشر بعد بهبال حـب ٍ مـا هـو بهبالـك
وإذا قصدك تهين اسمي عشان تشمّـت العـذال
حشى لاانت ولا غيرك ولا عشرة من أشكالـك
ممارق لي شعرحامد زيد

الذعذاع 2010-07-18 09:41 PM

أنا ما همت بك عاشق أنا كنت أعشقـك بخبـال
أنا ما كنت أحبك حب أنا كنـت أعشقـك هالـك
تخيل من كثر ما خـاف تلقـى للزعـل مدخـال
أخا ف أخطي على طيفك وأدوس برجلي ظلالك

صح ذوووقك (نسمات نور)
اختيار رااااقي يعطيك العافيه
نسعد بما تتحفينا به في مشاركاتك
لاخلا ولا عدم


الساعة الآن 10:22 PM

Powered by vBulletin .
جميع الحقوق محفوظة © لشبكة ومنتديات البراري 2010