|
دار الغرام ولف بالقلب لافوف
قصيدة أعجبتني دار الغـرام ولـف بالقلـب لافـوف **** لاع الولـع قلبـي وحالي صرمهـا انا وليع ٍ من عنـا العيـن مشغـوف *** سيف الهـوى بالحـال يلحـا لحمهـا القلب رفرف وانغرف ِغرْ بكفـوف *** والروح فوح الجـوح يلفـح فحمها مرهوق زاهق عارق حرق منحوف *** ولْـه ٍ ذهيل ٍ هايــم ٍ في غـرمها بلجوج موج النجل والنجـل بشنـوف *** وهروج بوح الغنـج روحـي حكمهـا ماني بحال العـذل عني بمعـروف *** لاتبحـثـه بالله يقـبـس لغـمهـا جسر الغرام بـرامعـي زل بزلـوف *** نزغ الزغـازغ زلزلـه عـن قدمهـا الله خلق بالناس نـاس ٍ بهـا نـوف *** والشمس ماتخفي العرب مع عجمهـا كاس الهوي بلباب الاشباب مزلـوف *** من ذاق رشف شفـاه يفـرق طعمهـا لولا الهوي مارشوش الريم لخشوف *** والناس نسناس الهوي هـو نجمهـا خشف عفر فارع ظفر عشر مكشوف *** تـل القلـوب وسلـهـا واستلمـهـا رعبوب راعب كاعب ٍ طرب خطروف *** عمهوج لاعـج داعـج عـاج فمهـا مقدور باهر مابـه البـدر موصـوف *** مسلـول عنـق عنـدل ٍ راق دمهـا اقفت تهـز العمـر تنعـاج بعطـوف *** مال الهوي به مـال عوذا كـصمهـا عفرا برى طرز الطري صدر وردوف *** طرخ الطخا طخـم الطراخـم طخمهـا ابـو ثليـل بـه كثاثيـل وزلــوف *** يلعب علي هاضـم ضميـره هضمهـا مـادار دور نهدهـا نـز بـوقـوف *** نشوٍ نشا مانيـش مشمـش حرمهـا بعيونهـا رايـات وآيـات وحـروف *** ترمي علـي الغايـات سـم ٍ سهمهـا كن البرد فيها ورا الـورد ملفـوف *** وْخدَيْد بـه موجـات جمـرٍٍ زحمهـا شربت شذا شذر الهوي كمع وكفوف *** من طاح ِبتْفَاحَهْ حـرق مـن وحمهـا تلعا فتـي تـرس الفتاتيـل بتـروف *** تتـل ردفـه تنثنـي تــو تممـهـا تكسف وجيه البيض وان جاه بكسوف *** من طب حفلات المـلا هـو خصمهـا ياناس خلوني احوفـه وابـا شـوف *** لامـوت فـوت وناظـري مافهمهـا ياسلب قلب المبتلـي فيـك مكلـوف *** ارفـق تـرا روحـي تقطـع وذمهـا امنع طريح ٍ طـاح بايديـك مكتـوف سلم العرب من سالمـه فـي لزمهـا رد النظـر زيـن التعازيـل بهنـوف *** قالت : سنا نار الهـوي مـن كهمهـا ؟ حنـا عريبـات ٍنجيبـات وعـفـوف *** جواهـر بالصـون دونـه خدمـهـا حنا كما خـزن ٍ بالارصـاد مرصـوف *** بالـك يضـرك سمهـا فـي دسمها بديت ياخشف الرجا منك بالخـوف *** العفو عافـاك الولـي مـن وهمهـا ياخشف قلبي بالنـدم دوم وحسـوف *** العبـد زل وزلـتـه ما علمـها قالت كفي لاتكلـف النفـس بعنـوف *** ايضا ولاعـاب الفتـي مـن شممها ياذيب شوفه طافـح ٍ فـوق بشنـوف *** ماشـاق عيـن ٍ من يوالـم ولمها ماشفت من يملي النحر كل ماسـوف *** النفس يشهـد عزهـا فـي كرمها المرحوم : عبدالله الصالح الأشقر / شاعر الجبلين |
اشهد انها قصيدة جزله وعسره وكل بيت ازين من اللي قبله
لك الشكر الجزيل على هذا الاختيار الجميل |
ياسلام سلم
اخي الموال مدام هذا ذوقك اكيد انك شاااااااعر قصيده رائعه جدا تقبل مروري وردي |
أخوي ولد نجد
أخوي راعي الغربة أشكر لكم مروركم وإطرائكم |
عندمــــــــــا يكون الذوقــــ
عــــــــالي وراقــــي يأتي لنـــــــا بأروع ما يمكن أن يمتعنــــــــــا ويطربنـــــــــا ذوقـــــــــك خيـــــالي ورائع أشكرك علي هذا الأختيــــــــــــار وننتــــظر جديدكـ تحيـتـي لكـ |
بارك الله فيك اختي ريمية
مرورك أروع |
قصيده جزله \
بارك الله فيك يالغالي .................................. |
رااااااااااائعه يالموااال
تسلم يااابعد الدنياا ربي يحفظك مرااافق النشاامااا |
مشكور يالغالي بارك الله فيك
اختيار موفق >>>>>>>>>>>>>>>>>>>>> |
اخواني
صقر مرافق النشاما معاند الوقت أسعدني مروركم حياكم الله |
| الساعة الآن 09:52 PM |
Powered by vBulletin .
جميع الحقوق محفوظة © لشبكة ومنتديات البراري 2010