شبكة البراري

شبكة البراري (https://www.albrari.com/vb/index.php)
-   واحة شعراء البراري ( قصائد، خواطر، نثر) (https://www.albrari.com/vb/forumdisplay.php?f=129)
-   -   ♡♢ هواجيس ~~ شطر ♢♡ (https://www.albrari.com/vb/showthread.php?t=89332)

شطر 2016-04-10 09:28 AM

البعد عن شوف المواليف حراق
لو صاحبه يخفي الدموع ويموه
ياما تجرعنا غرابيل وفراق
وياما اعترض بالدرب خيره وسوه

شطر 2016-04-10 09:31 AM

صروف الزمان الجايره والهوى والمال
تخلي نفوس الناس تظهر خوافيها
وانا أدعيك ياربي بتقوى ودين وفال
عن الخلق يغنيني وروحي تعافيها

شطر 2016-04-10 10:45 AM

مايرفع الناس غير الطيب
والحاضر يعلم الغايب
الاخذ بالنصح ماهو عيب
ياكم شباب(ن) نصح شايب

شطر 2016-04-10 10:52 AM

ارفع مقامك وخلك ذيب
لا تخيب ويقال لك خايب
لو كان درب الرجال تعيب
الذنب لابد له تايب

شطر 2016-04-10 11:15 PM

يشلهب ورود الحب حر الجفا وتحت
وتبقى بذور الورد تحت الثرى تحته
عسى الغيث يسقيها بعد ما ارتحلت ورحت
وعسى القلب يشفى من هواجيس جارحته

شطر 2016-04-11 12:22 AM

ياالله بغيث(ن) يسر البال
يشمل سهلها مع جباله
مزنه يطول وهو همال
ياخذ نهارين هماله

شطر 2016-04-11 11:26 AM

اشتقت لمشاهد الودان
ومشاهد الغيم بألوانه
بأرض خلا في طرف ضلعان
واشجارها الخضر رويانه

شطر 2016-04-13 06:16 AM

غيث انهمر من مدلهم المخاييل
سبحان من سواه وابدع هميله
الحمد لله سالت ديارنا سيل
مامر مثله من سنين طويله

شطر 2016-04-15 02:13 PM

احترام الناس يرقى بك سنود
مازرعته في حياتك تحصده
ان زرعت الطيب تبشر بالسعود
وان زرعت الخبث تشبع منقده

شطر 2016-04-15 10:48 PM

راحت طراة القاف وعلوم الاسلاف
كلن على المشراف يومي له بسيف
راحوا هل الاشعار وافين الاشبار
واشعارهم تذكار بين المواليف

شطر 2016-04-17 09:14 AM

ماللصباح بدون شوفك تعابير
وما للمشاعر دون همسك ذخيره
ياصاحبي وهجوس صدري مقابير
عسى فراقك تالي الوقت خيره

شطر 2016-04-17 07:43 PM

يطيب لي فنجال من دلة الكيف
والجو هادي لا مشاكل ولا ازعاج
ارتاح وآخذ لي تمشاي بالريف
انا اشهد انه للعنا طب وعلاج

شطر 2016-04-17 08:59 PM

من هاجسن يبدع التمثيل
مافيه هسه وﻻ ميله
جتنا رياحين ورد وهيل
تبعد عنا الراس وتشيله

شطر 2016-04-17 09:00 PM

عسى البارق اللي في دجى ليلنا الموعود
تهشم سحابه والشجر يرتوي عوده
وتخضر سفوح القلب ويفوح عطر ورود
ربيع ينسينا عنا الوقت ولهوده

شطر 2016-04-18 09:47 AM

يا الله بغيث(ن) يسر العين ياربي
هملول مزنه على الضلعان غاشيها
وتسيل منه الديار اللي على دربي
اللي بها الصيد موجود بعلاويها

شطر 2016-04-18 10:02 AM

حآكم عليك الزمان تغيب
والليل ماعاد تسري به
ماغير تقنب قنيب الذيب
مسجون والقلب تومي به

شطر 2016-04-21 10:35 AM

تزايد هطول الغيث والسيل بإثر السيل
من اقصى الجنوب ليا الحدود الشماليه
سحابه تجي عصر وسحابه بنص الليل
وناسه وفله في مناظر ربيعيه

شطر 2016-04-25 10:53 AM

تذوب الحروف بهاجسي قبل لأكتب شي
ونار المحبه داخل الصدر وهاجه
عليك الله امسح كل شطر(ن ) يخص اسمي
لأنك بعد ذا اليوم ما انته بمحتاجه

شطر 2016-04-28 12:39 AM

عقب المطر ياذعاذيع الشعر ذعذعي
مع شبة النار والدله وفنجالها
من هاجسي قربي لأشواقنا واقدعي
باصوغ الابيات وأرفع صوت موالها

يالبيه يالجووو

شطر 2016-04-28 12:01 PM

عيش الوناسه وافتح لبسمتك درب
لو كانت همومك تذوقك الامرار
والله لو تمشي من الشرق للغرب
ماتحوش غير اللي لك الرب يختار

شطر 2016-07-19 11:53 AM

‏ياحبيبي والله انك في عيوني غالي
وداخل القلب المعنا شي ما انت شويه
شوفتك تبري الجروح وغيبتك غربالي
لا تخليني بصدرك صفحة(ن) مطويه💔

شطر 2016-07-20 03:23 AM

القلب لو هو من حديد
وتضمه قفول وحدايد
اليا تباعدنا بعيد
لابد للطاري وقايد

شطر 2016-07-20 05:17 AM

روحت يالعيد السعيد
بلا حضور ولا معايد
وين انت ياساعي البريد
ابيك ترسل له قصايد

شطر 2016-07-20 06:48 AM

الشمس تشرق من جديد
والليل والهاجوس بايد
معذور يالخد الهميد
لأسقاك همال الرعايد

شطر 2016-07-20 09:20 AM

حتيش يالحظ العنيد
ماعاد باقي من شرايد
تحتار يالعقل الرشيد
لو شفت مركوز النهايد

شطر 2016-07-20 09:39 AM

طرقا غلاها بالوريد
لها بساتين(ن) فرايد
بعيونها جيش شديد
يقودهم تسعين قايد

شطر 2016-07-21 02:21 AM

ياليل ياليل الجفا
يامبيح علوم(ن) خوافي
بالله ياليلي كفا
ماجاء من الاشواق كافي

شطر 2016-07-21 09:27 AM

توايق على صدري وشوف الغلا وشلون
وكيف العروق بدم الاشواق مشحونه
تصدر من القلب المعنا ألم وشجون
بها احساس شعري يبدع القاف ولحونه

شطر 2016-07-21 10:20 AM

لي في ضمير الشعر منزل ومقدار
احشمه عن سقط حرف(ن) يهينه

شطر 2016-07-26 11:41 PM

‏ياليل ماترحم المشحون!!؟
يسهرك وتغرق عيونه
أقبلت كلك أسى وشجون
ماتدري الحال وش لونه

شطر

شطر 2016-07-27 11:33 AM

‏ياقلب ويش اسباب جرحك قل لي
وليه النزيف اليوم زايد نزفه
هو خلك اللي راح والا خلي
والا صوابك جاء من الله صدفه

شطر

شطر 2016-07-27 11:34 AM



آنا معلق فيك كلك كلي
واحساسنا في دمع والا رجفه
جرحك وجرحي مشترك بالملي
إثنيننا يآصآحبي في كفه

قلب شطر

شطر 2016-07-27 08:50 PM

المركب اللي مبحر(ن) بالمجاديف
صابه من اللوعات ميله وخله
الله يكفينا شرور الصواديف
ويعين من كبده على جمر مله

شطر

شطر 2016-07-28 08:33 AM

‏ياتايهه بين الهواجيس والناس
الدرب آخرته هموم وتعآسه
لاصار قلبك بالملذات غطاس
مآعاد في دنياك حب ووناسه

شطر

شطر 2016-07-28 10:21 AM

‏من مزايا البوح في عقد القصيده
إختصار الحرف ببيوت(ن) فرايد
ياجميله من تغلى مانريده
المقفي ماورا طرده فوايد

شطر

شطر 2016-07-31 09:07 AM

‏إنتهينا من هوانا يالحبيبه
دام ودك ماتدوم بنا العلاقه
كل واحد بالهوى يلقى نصيبه
لو يعاني من غرابيل اشتياقه

شطر

شطر 2016-08-03 08:23 AM

‏‎
الله يعين اللي من الوجد مابآت
اللي بصدره ضيم جور الليآلي
لو كآن يبعد عن حبيبه مسآفآت
ماهوب عن طاريه داله وسآلي

شطر

شطر 2016-08-17 09:07 PM

‏أحاول انساك وأدله مير ماقد سليت
وأدور لضيق صدري باب والا سكك
أضمآك والشوق يلعب بي واترجمك بيت
حروفه الطاهره من دون ظن وشكك

شطر

شطر 2016-08-25 02:30 AM

،،*ليت مآلك في قصيدي ذكريآت وصوره
يآمعآنق كل حرف بهآجسي وأعمآقي_''

شطر

شطر 2016-08-29 12:26 AM

‏❤عآنيت هاجوس الجفآ لين مليت
والنوم من كثر الطواري جفيته
ماغير اسلي خآطري كان سجيت
وانا عنه ماقط لحظه سليته❤

شطر


الساعة الآن 11:36 AM

Powered by vBulletin .
جميع الحقوق محفوظة © لشبكة ومنتديات البراري 2010