|
كان حظك ما مشى لك مشّ حالك
بس لا توقف بموقف مايشرّف عادل الحرفه |
غلطة زماني لو بدور لها أعذار
بتصير غلطة غير غلطة زماني عادل الحرفة |
ياهاجسي وانت ضيف الصدر عند اللزوم
مواقفك كل ساعة ضيق .. ماتنجحد ً أقربّ ويّا مرحبا بأسم الحزن والهموم وأقلطّ على جروحي اللي ماعليها أحد ! ً عادل الحرفه |
جديد الغلا لاهنت… لو تمسح الأرشيف
الأرشيف كذبه بإسم الأشواق تنهكني وإذا كنت تجهلني.. إخذ مني التعريف أنا درب ما تقدر بوجهين تسلكني |
يوم البخت راس مالي ليت مالي طموح
وأسمح من الحب لا ناره ولا جنته ' عدّاني العيب يا حلم العمر لو تروح الحظ طايح وانا طايح على منته !! |
عرضو صدري نسيم الغرب لذعذع مهبه
واتركو جرحي يكف الصوت والشوق يتكلم والله ان مصعب من الفرقى عقب زود المحبه غير دمعً في عيون اللي يحب ولا يعلم |
من شفت وجه الجفا ماشفت وجه الوصل
وطاحت من عيوني الاشكال والمغريات مشاعر الحب بعد اللي لقلبي حصل رميتها كلها في سلة المهملات |
دمعتك لو باعت العذر لـ سكوتك
شرهتي عن حدها ما وقفتها أربطي هذا الحكي فـ حبال صوتك وخلي عيونك تكمّل سالفتها |
علّم اللي كل يومٍ يدور له رفيق
الرفاقه ماهي بـ عقد شهري واشتراك . لي رفيقٍ لا ذكرته وصدري مستضيق ابتسمت .. وقلت للضيق : هااات اللي ورااك |
يفز قلبي كل ما هزه الشوق
صوب الديار اللي ربابه حبيبي والله لو ما يمسك القلب معلوق ما يمنعه غير القدر والنصيبي بقآيآ .. |
أي والله إنه روّح الوقت ما جانا مطر
يالله عسى ماهي موانعه كثر ذنوبنا بقآيآ .. |
ما تغيّر
بس أنا الليّ : كنت أطوِّف استعدْت الذاكره .. و شفت المآسي ! |
رجوى صبورٍ هدّه الصبر و اختار
حروة فرَح يركي عليها رجاويه يدفي طرف كفّه على شبّة النار و يلوفه التفكير من حرّ مافيه . |
آه يالحظ الردي وآه يالحب القديم،
كنهن بالقلب بين الضلوع مكلّفه! بين لوعات الليالي وطعنات النديم، من يبي له هم : ولّا جروح ..اسلّفه ؟ |
عقلي مزاجيته ماهي بتطريد السراب
أمّا يطول السما ولّا عساه يهوي !! |
ودي اجمع ذكرياتك واعرضها الهبوب
مير حتى الريح صارت تعاندني عليك ٓكل ماهبت علي من شمال ومن جنوب كنها و استغفر الله هبّت من يديك |
عطيته غلا وان قصر الوقت لا يعطيه
تسلفت من حب الرفاقه على شانه |
على تصفيقة الكفين وإلا عضة الابهام ؟
"فمان الله يا من ضاعت أيامي على شانه" |
اللي مضى يفداك واللي بقى ليّ
نفسي واعرف شلون منك أعتقها ! |
والواقفين بـ منتصف درب فرقاك ،
ان عوّدوا مبروك .. وان قفّوا أبرك ! |
أقسم قسم باللي رفعني و وطّاك ،
أنك حرام تكون .. من " ذكرياتي " ! |
صدتك جرح مغلف بـ الظُروف
والكلام أحيان ، طلقه طايشه ! ما علي أخلاف وعيونك تشوف أغلب العالم جروح .. و عايشه |
لا تلتفت .. و عيونك : عيون السروق ،
حتى عيونك من سواياك : استحت ! من شاف نفسه فوق ما شفناه فوق : حنا نحطه : فوق .. و نحطه : تحت |
يتكاثَر الحزن في عيني و اخاف اذرفه
لأن الحبايب قليل .. و واجد الشّامتين |
صاحبي دار الزمان و هدّ حيل..و غيّر
كل دربٍ كنت من قبل الجفا متجهه" ' لاقلط طيفك على عرش الخيال و سيّر! يبشر بـ زرق الدموع اللي تبيّض وجهه |
الحر لاطابت مواكيره فرق
من خلقت الدنيا ليوم الاخره ِ مااحد يخليني على مفرق طرق انا الطريق من اوله لين اخره ِ يلعن جباهن ما ينز ابها عرق ويلعن وجيهن بالتعازي ساخره!! |
تمر الشدايد كل فتره على الانسان
تعيد النظر في مامضى من علاقاته .. تبعد له اللي عدهم بالحياة اخوان وتقرب له اللي ظنهم من عداواته |
أمان الله على قلبٍ ترك لله . . كل ما فات
سلاحه لا غفى العالم / دعاه ومدّة يدينه |
علّم اللي يحسب أنّه على الدنيا خبير
القلوب المحبطه يسهل استخدامها - فالحياه الدائريّه غدا الاول .. أخير الوراء يطالع الناس من قدّامها |
المؤمن يجاهد الدنيا بما يستطيع
والعاقل يكف سرّه عن علانيّته .. بغو مطيحي وطاحو عند رجلي جميع سبحان من يعطي الطيّب على نيّته |
اتحاشى واستحي منك والله العظيم
وانت ماتدري وانا ادري وغيرك مادرا َ الهوى غربي من امس العصر والجو غيم سامح الله كل شيٍ على بالي طرا َ البشر يمشون فوق السراط المستقيم وانت في مشيتك عكس البشر تمشي ورا |
رضاي أني أشوفه مبّتسم راضي عليه " الله "
و ( عليّ الله ) لامنّه تبسم "ينشرح صدري . |
التفت للجاي واضحك في وداع الرايح
المقفي لاعطيته وجه : . . دوّر غيـرك . لاتحاول يرتقي فكـرك وقدرك طايـح مستوى قدرك يشابه مستوى تفكيرك |
لا خابت الهقوه ترى مابها عيب
قلّطتها و اشره على اللي فهقها - النّيه اللي كانت تصيب و تخيب ضاعت مثل عمياً تغنيّ لـ صقها |
تأخرنا و جاء تأخيرنا خيره و حمل و طاح
عسى الله ما يقدمنا لـ علمٍ ما يقدّمنا َ صراحتنا معا أنفسنا تكيفنا بدون أيضاح لو أنّا ما جهلنا . . . ما تعلمنا و علمنا |
ليت قلبي قبل ينصى المداهيل أستخار
و ليت رجلي بدّلت .. بـ المراح نكوفهـا ٓ ٓقدّر الله شوفة الدار و اللي صار صار ما بقى إلا ذكريات الديار و شوفها |
لا طاح من عيني اليمنى طموح وبشر
الحاجه اللي على يسراي للهاويه ِ ماني قريّب شبوح ، و لا قليّل قشر لو البشر مع غلا الدينار متساويه ِ انا ثماني .. على مر الليالي عشر عرفت حتى صدور الناس وش حاويه |
يانصف عمر الحياة ومبتغى نصف دين
من عاش بك حاضره ماخاف مستقبله ٓ يادعوه مستجابه من حدا الوالدين يافرحة اللي ضحك حظه وطاب إعْمله ٓ ما يَكفي العمر لو عشته معك مرتين والعمر مرّه ولا يعتاض وانت أجمله |
لا بأس ان تكون (مختلف)
ما دامت التاء لم تسبق الخاء ولا تجعل حياتك في ( حيره ) فربما هناك فوق الحاء نقطه ! |
لاتاخذك لهفة العالم على الانفتاح
مرّت على غيرك اللي توّها مرّتك |
| الساعة الآن 04:32 AM |
Powered by vBulletin .
جميع الحقوق محفوظة © لشبكة ومنتديات البراري 2010