شبكة البراري

شبكة البراري (https://www.albrari.com/vb/index.php)
-   همس القوافي للمنقول ( قصائد - شيلات - خواطر ) (https://www.albrari.com/vb/forumdisplay.php?f=109)
-   -   (¯`•._.•[(.... بقآيآ .. حرف .... )]•._.•´¯) (https://www.albrari.com/vb/showthread.php?t=63279)

بقآيآ .. حرف 2019-08-19 03:28 PM

‏ماعندنا للعوج ياشعيل تعديل
ومادامها تمشي على العدل اطعها

وان شفتها قامت تحادى على الميل
بردى ثمن عند اول السوم بعها

واستثن منها ركعةٍ بآخر الليل
في حزةٍ كلٍ يحب ايهجعها

لذّة مناجى رب يوسف وجبريل
يجني ثمار عذوقها من زرعها

عبدالله بن عون

الركام 2019-08-20 11:49 AM

كيف انساك ماني ناسي ذاتي
وليه انساك والذكرى على بالي

انت مني ومـالي كـل اوقـاتي
فيك حلمي وعندي كل امالي

بقآيآ .. حرف 2019-08-21 11:12 AM

‏ياعابره فالطريق ب عبرة العابرين
ماياخذ القلب من مشهاه غير العنا !!

لو يسقي الغيث دار المُتعبين سنتين
من وابل الغيث ماندري من اللي جنا !

ان شفتي انك بديتي للزمن تنحنين !
تصبّري بالدموع وقولي الله لنا

ماعاد أبسأل عليك ولامتاك بتجين !!
لو كنتي ل ظلمة أحلامي ملاذ وسنا

راشد مقبل

بقآيآ .. حرف 2019-08-21 11:19 AM

‏ماجرفني عاتي التيار.. قدسية شعوري
فقهتني فالحياه بقلب طفل وعقل شايب
الحضور اللي مايفقد قيمته يرضي غروري
والاانا مؤمن مصيري مثل كل الناس غايب


فيصل مهنا

بقآيآ .. حرف 2019-08-21 11:22 AM

‏أجهل رحيلك وأدور في رحيلك سبب
وأذكر تفاصيلك الخجلى .. وأماريبها

ماعاد فيها متى ترجع وكومة عتب ..
الغيبه.. اللي نويت تغيبها غيبها

راشد مقبل

بقآيآ .. حرف 2019-08-21 11:24 AM

‏يالحية الفقر وش حببك فالزعفران ؟
دامك تحسبين حظك ماسكه في يدي!!

وأنا غريب بدوي ماأحارب الا الطمان
أتعب على شيء أبيه ولو بقيت وحدي

هو من متى صار لي في عين ظلي مكان
وأنا هنا الشمس تاكل من عروق جسدي

أشد وأنزل قلق مابين ضحك الثمان
وأذبح من أحلام عمري للمراجل فدي


راشد مقبل

بقآيآ .. حرف 2019-08-21 11:27 AM

‏من فيكم اللي كان واقف بصفّي؟
يوم الليالي تجرح أطراف مركاي

لو لبْست أيّامي (.. قناع التخفي..)
وش يمنع الماضي ليا داهم الجاي )

كم وسّمت لي بعض الأحلام كفّي !!
وكم بعّدت عنّي وعن قلبي إخطاي !!

ياعيني .... اليا شفتي النور رفّي
ظلام رمشك لايوقّف ل ظلماي
‏اللي بقالي من معاريف شفّي
إني عرفت ادواي لااشتدّ بي داي
راشد مقبل

الركام 2019-08-22 09:13 AM

هذه ابيات قلتها في بعض من فقدناهم في منتدى الشعر


ليه بستان الشعر من دون ورده
كيف غاب اللي جماله من جماله

ياهـل البستان هي عـطــره ونده
لين غاب الورد ينقص من كماله

الزهـور تزيد في العــزم وتـشده
تلـهـم الشـعـار وتزيد الجـــزاله

مـانـبـي يزعــل ولا نبـغـى نرده
اتركــوه ومـابدالـه فـي مجــالـه

عـارف مابين هـزل وبيـن جـده
اتركـوه ايقـول شي قـد طـرا لـه

دمعته من العـين تجرح رق خده
دمعته من العين مانقوى احتماله

ياهــل الـبستـان ردوا لـه مــوده
ياهـل البـستـان سوو بي جمـاله

من يسوي خير مـن هـو له يرده
ما احــد مـثلـه ولا نبـغـى بدالـه

قـبـل مـا كــل يـبـــيّح كــل سـده
وقبل ماتصـفق يمـينه في شماله


الركام

بقآيآ .. حرف 2019-08-24 07:20 PM

‏اليا طرت في بيت من قبل اكتبه
يطري علي .. النور لـَ شق الغمام

وأحسّ .. كـنّي واقف ٍ فـوق عتبه
مدري انا من وين أجيب لها كلام

ما كنها .. إلا نعااس عين المنتبه
يرد عيـنه غصب للشوف .. وتنام

في درب موحش ما يمر الوقت به
يكسر بصوت غناه خوفه والظلام

ياسر اللويحق

بقآيآ .. حرف 2019-08-24 07:30 PM

‏جعل ريحٍ من القبله تقود السحايب
مثل قود المهار الصافنات العسيفه

تاخذ اللي تبقّى من جروحٍ عطايب
لين ماعاد يبقى مْن الهوا الّا وحيفه

يوم اعرّض وجيه الذكريات الهبايب
خايف اشتاق .. ولّا البُعد مامنْه خيفه

فهد العيبان


الساعة الآن 02:24 PM

Powered by vBulletin .
جميع الحقوق محفوظة © لشبكة ومنتديات البراري 2010