|
هويته مثل عود هوى خيرته فالذود
وتركته مثل مايترك التايب ذنوُبـه |
بيني وبينك تعب بيني وبينك فروق
دونك مشاويري البيضا.. وحزني وراك |
عش مقتنع ان التغاضي مستحيل
الله له المنه وهو راعي العطا ، مهما تسوي في الخلايق من جميل يلغون تاريخك .. على سبة خطا |
اندرجتي تحت غلطات العمر ؟
بفعلك اللي من عيوني حدّرك . اذكريني .. كل ما صب المطر ، وكل ما جتنا عجاجه بذكرك |
يالله عسى وجه السنين المقبلة وجهٍ خجل
مايخطي بحق الامال ولا يقص . . أحبالها |
اللهم في يوم الجمعه
بلغنا ما نود وإجعل لنا دعوه لا تُـرد وهـب لنا رزقًـا لا يُعد وافتح لنا بابًا إلى الجنه لا يُسد يارب اللهم صل وسلم على نبينا محمد |
تبقى الحقيقه والوهم ضد وانداد
ويبقي سراب الصيف كاذب وخادع بقآيآ .. |
عقب البطا نادم تبي يرجع الود
ما علموك ان الامر صار خيره من جد تحكي بس انا اقول من جد من جد يا شرهات نفسك كبيره بقآيآ .. |
عفو وكفو ما بقى شي ينقال بعض الهروج تزيدها ناقلتها والروح ما تحتاج زودٍ للاهمال الامر بيدك ضيقها او سعتها بقآيآ .. |
-
في عزتك مستجير وفي هداك أستنير يا مولج الليل الأسود في بياض النهار |
يا أهل مكه ويا أهل القرى
انتم أدرى في بطون أشعابها الاوادم طبعهم عوّد ورا وين وقت اول ووين ألبابها بقآيآ .. |
تحرك اليوم في صدري كهل له سنين
ما حركت فيه صكات الزمان أشعره ليتك مطوّل سباتك ياكهل لين لين أجاور أمي بعد ذا العمر فالمقبره بقآيآ .. |
تخيّل لو تزاعلنا تخيّل
بدونك كيف بتكون الليالي فـلا هرجٍ بـعد هرجك مهـيّل ولا سكر بعد ضحكتك حالي |
أبابيل طير وقدرة الله فوق الطير
توكل على رب الابابيل يا طيري إذا راضيٍ بالوضع وبواقع التغيير انا م اقبله ياطير لو يقبله غيري بقآيآ .. |
ياخاطري لو ماتت الشرهه وعداك الملام
مامات حلمٍ في فضاك من الجروح مهربه! - الليل مابقّى لصدري لا هدوء ولا سلام ياذكريات العام كنك لـ الظلام مسربه ! - فيني من الضيقه مايتعب كل خطوه للامام ليت الحزن مرار بال ولايعرف يقر به! |
على هقاوي الطيب يا مبعد الشوح
عل وعسى عقب الضراير مسره . |
فـ المدى بارق ، إذا مسّ الظما روحي، بَرَق.
ونجمةٍ لو خانت الخطوة قدم ، قالت : وميض |
وأنا اللي كل ما قالوا تطيح من الحمول متون
وقفت بوجه ثورات الظروف وموجها العاتيّ . ولأجل أبقى على هذا الشعور العاقل المجنون كفرت بكل خيبات الزمان و آمنت في ذاتي . |
أنـا أتنفس وحدتيّ بعض الأحيان
ألقى بها.. الحلم الصغير المثالي |
أزعل على شي ما يستاهل إني أزعل عليه..
واصبر على شي ما يصبر عليه آدمي |
وأعرف إني لو لويت العنق عيّا
ولو عقلت.. القلب عيّا وأعرف إني رغم هذا الميل كله مستقيم |
ماكنّي إلا السؤال اللي يثير الفضول
لا جاك غامض وكـل الأجوبة مُقنعة |
أنا اللي كل ما سلّوا عليك الحاسدين سيوف ،
حذفتك من ورا عوج الضلوع .. و جيت من دونك |
تجيني في خيالي لين أصدّق في لقاك الشوف !
و تغيب لين أحس إنّ الأماكن ما لها ذمّه . |
عرفت أن النقي لا أستغفلوه النّاس ماينلام
ما يفهم في حيالات الضعوف إلا ممارسّها |
عشان يلقى له حياة
ضيّع "حياةٍ" في يديه ما شافها طيش وسُبات. وأنكر تبعثر وأنجرف عشان يلقى له شغف.. وقّف على جال الأمان لكنّه أبحر للشتَات! غلطة خذت شكل الصُدف. |
ودّي .. الوّن .. كل شيٍ .. رمادي
في دنيتي وارسم من الدمع ضحكات ، وارمي ورى ظهر الدروب ابتعادي وانقش على ارصفة المواعيد خطوات ، رحلة ضياعي .. ما تحقق مرادي خلّص فتيل العمر واحترقت اوقات ، بس التعب لا صار بـ الحيل بادي ايّات حيل يبلّ .. ريق المسافات |
ابعد .. واحسب انتهينا ، والفراق انكتب
والقلب .. لو كل عابر ، مرّ به .. ما يخون ، هيّض شعورك حنيني لين جيت بـ عتب ! جيّتْك حلوه ، ولكن .. شوّهتها الظنون |
جيت أدور ،،
في كفوفك عن دفا يحتضن برد المشاعر وأشكره ،، يوم شفت الشوق ، في عينك طفا رحت أردّد منهو هذا..!! ما أذكره |
عشنا زمان الامس من غير توثيق
وكان الفرح ينطق بصوت الحقيقه و اليوم نحرق بالصور كل تطبيق لكن - كواليسه ... محطات ضيقه خبث ابتسامه - زيفها جفف الريق تخدع عيون الناس ... لمعة بريقه |
وإن بانت حدود الحِـزن في ملامحك
سرقت لك من وجه الأيـام ضحّكه |
لا يزعل اللولو يموت أزرق الموج
والحلم يغرق والمجاديف تضما |
جيتي و قلدك السهر ليلة خطاياها صواب
لو تضحكين الجرح يتهادى لـ جثمانه قبر |
جتني : على ما اتمنى من "هدايا" الزمان
مثل الندى في جبين الورد مسيارها عطشان واقف على جال الرهاف الثمان متى الصحاري درت عن حزّة أمطارها |
من عادة الغيم راحل و الاراضي تقيم
أنا ارضك البور و أنت الغيمة الراحله بكره يعود الشتا و تعود الايام ديم و الطير يرجع لـ غصنٍ كان يرتاح له. |
وحدي .. أمشي في مفازات الكدر مثل المجلَّى
وحدي أمزج في جحيم الطين طيني وأنتمي له. |
هذي هي الأرض لا تستغرب اللي حصل
والحنظلة ما عليها تستدير انحلة من شفة الحنظلة .. انسى تذوق العسل عمر العسل ما طلع من شفة الحنظلة |
في ليلةٍ هز باب القلب صفق الهبوب
في ليلةٍ خافت الراحة على .. عيالها - مطلق الجبعاء |
عمر الصلوات ما كانت تجيب الذعر
الا صلاةٍ ورى الجثمان صلّيتها ٰ حملتها فوق متني والأمّر الأمّر ورّدتها الحفره اللي ما تمنّيتها ٰ هالوا عليها التراب مدوّرين الأجر وأخذت لي حفنةٍٍ معهم وردّيتها ناصر القحطاني |
شنيت حرب المنتها .. اما نصر ولا جهاد
وماتت عزومي كلها من بعد حرب مشرفه |
| الساعة الآن 04:45 AM |
Powered by vBulletin .
جميع الحقوق محفوظة © لشبكة ومنتديات البراري 2010