|
صدوق الوسم
السلام عليكم
قصيدة بمناسبة قرب الوسم نسأل الله ن يجعل هذا العام عام خير وأمطار وأمن وإيمان على بلادنا الغالية / يالله بنو ٍ بارقه له رفاريف ** يحن رعاده وتسمر بروقه بأمر الله الخالق ولي التصاريف ** بأول جباه الوسم يالله تسوقه من ناوة ٍ ما هي على حسبة الصيف ** وسم ٍ يشق البيد وابل حقوقه مزنه نصوب وبالمناشي مراديف ** راع الولع لا شاف برقه يشوقه نوده صباء ما به عسام وعواصيف ** راكد خياله ويتوالى صدوقه وقعه على جرد الفيافي مجاريف ** يركب رفاع الجال ماه ويحوقه تصير وديانه كما غبة السيف ** يكبر على وصف الشفوق ويفوقه يأخذ شهر رجعه يهل التهاتيف ** يحيي مهاشيم الوقوت المحوقه على ديار ٍ شوفها قمة الكيف ** هي غايتي والقلب وجده يتوقه لا ربعت من رايحات المقانيف ** وزانت سبور اللي يحس بزهوقه يا نجد برحابك تزين المشاريف ** والعشب توه زاهي ٍ في سموقه وطيرك يردد في سماك الغطاريف ** فوق الخضار اللي نديه عروقه وريح الخزامى مع نسيم الهفاهيف ** هي منوة العاشق وسلوى خفوقه يا حلو لا منك عقدت المهاييف ** يم الفياض الزاهيه والطلوقه وشبيت نارك والدلال المهاديف ** على جذى جمر ٍ ينومس شروقه مع خوة قروم ٍ تسد المواقيف ** رجالهم بالطيب يصعب لحوقه ودارت مع الفنجال حلو السواليف ** وكل ٍ على غاية مرامه وذوقه هاذي حلاة العمر قبل الصواديف ** والعمر لا بد الليالي تعوقه وغبر الليالي يكسرن المجاديف ** كم واحد ٍ لوعات بقعاء تبوقه صبح المطر |
صح اللسان وتستحق الغطاريف
ياشاعرٍ عسى الإله مايعقوقه ياليتني شاعر وردّ المحاريف مغير احب الشعر روحي تتوقه صح لسانك أخي صبح المطر على هذا النص الرائع والراقي وعلى فكرة حنا بالساحل الغربي لنا أكثر من عامين ونيف نتحرى الوسم القادم وبحول الله سيكون لنا فيه نصيب قولوا يارب تقبل مروري وتحيتي |
اقتباس:
صح بدنك وبيض الله وجهك على مرورك الرائع يسعدني تواجدك الكريم والله كريم بإذن الله يكون هذا الوسم ممطر وعام على بلادنا اللهم آمين |
الله عليك ياصبح المطر ... روعه .. اللهم ارزق كافة البﻻد بالمطر
تسلم مشرفنا الشاعر المميز تحيتي |
اقتباس:
أسعد بمرورك وتواجدك الكريم الهم امين تحيتي |
صح لسانك مليار يابوزياد اشهد بالله أنك شاعر جزل وابيات جزله ... لاهنت ياالقرم والله يجيب الخير ويعم كافة أرجاء البلاد ،،،،*
|
اقتباس:
أستاذي القدير صبــح المطـــر ممتلئ هذا الشّعور بالهيام المتراقص على نسيم الشوق للأيام الجميله المطرّزةِ بـ صبح المطـــر تتنفسُ الغيم .. و تمطر البوح بِـ سخاء .. لِـ يكون نبضُ حرفك بكل فصول الحياة عاشقا .. فـ سلم النبــض العذب رذاذ |
صح السانك ابو زياد
تحياتي لك وتقبل مروري |
يا نجد برحابك تزين المشاريف ** والعشب توه زاهي ٍ في سموقه
وطيرك يردد في سماك الغطاريف ** فوق الخضار اللي نديه عروقه الله الله الله صح لسانك |
| الساعة الآن 07:03 PM |
Powered by vBulletin .
جميع الحقوق محفوظة © لشبكة ومنتديات البراري 2010