|
من أرغمني على الكتابة
هو الوحيد ، الذي لايقرأ لي شيئا" ؛؛ |
بين الرغبات الأبديہ الجارفہ والواقع المُعاكس قد نكون أشخاصاً نبحث عن الهدؤء وكفى
|
أفضل مقياس لحسن أدبك ..
هو مقدار تحملك لوقاحة غيرك |
البعد علمني اعوف امنيآتي
والجرح علمني الحذر في المحبة |
تعال قاسمني مــن جروح الأيام
فيني حزن والله بـ الحال عالم? يا شعر سولف بي ترى منت منلام الحظ مقفي وأقرب الناس ظالم |
تغيرت بنت الضلوع المهاديف
تغيرت والله وانا في رجاها مدري متی اووين اوليه اوكيف لكن اعرف انه تغير غلاها هي سلمتني للزمن والصواديف وانا اتذكرها ولااذكر خطاها حاولت فيها ترجع وقلت ياحيف هو من متی والارض تنكر سماها كم كان وجه الحزن في عيونك مخيف وكم كنت اواسي دمعتك في شقاها ياما كتبتك فوق روس المشاريف قصايد مر السحاب وقراها وياما انجرحتی من فراق المواليف وقسوة قلوب الراحلين وجفاها طيب علامك كل ماارسلت لك طيف عود علي بدمعة مابكاها الله عطاها من هنا لاخر الصيف ان عودت للقلب والانساها |
لو جرحتك انثر بدربي عتاب ..
باسمعه لو كان مؤلم باسمعه ! لا تفكر لو دقايق “ بالغياب ” الغِياب اشيـاء واجد : تتبعه .. |
ماودي اسج من ذكره وموضوعه في ذمتي ماهو بودي ولا حسن لي دقات قلبي عقب فرقاه مسموعه لا يابن جدلان كيف اسج من خلي |
جريت صوتي تالي الليل جره
جريت صوتي تالي الليل جره والناس هجعه وارفع الصوت بابيات ولقيت في سود الليالي مضره كم كلمة (ن) ولّت وراحت ولاجات النوم يعرض للعيون وتمره مر الكرام اللي خطاهم سريعات دنيا (ن) تزّين للغرير وتغره بين الليال وبين الايام غارات غارة زمان (ن) يكفي الله شره ادري الهوى والنفس وابليس مامات يفضى الفضا لو ضاق بحره وبره الارض كوكب تحت سبعة سماوات احذر عدوك دبة العمر مره واخذ الحذر من صاحبك عشر مرات |
غلاك احساس رباني وربي غارس بذوره كما نبتٍ على جال الغدير يكون مرويني..~ |
مــادام مـالـك مـيـت ولا انــت مـديــون ..ارم الهـمـوم وخــل نـفـسـك مـريـحـه.. لـو كانـوا اصحابـك يضـاهـون ملـيـون ..نــق الكـفـو منـهـم وخــل السطيـحـه.. ولا تشتـكـي للـنـاس لوكـنـت مطـعـون .(والـذم مـن بـعـض الخـلايـق مديـحـه).. ولا تنـحـنـي للهم وتـعـيــش مـغـبــون ...تـرا المريـح اهـل العقـول الصحيـحـه.. لاصـرت صـادق قالـوا النـاس مجنـون .مايـمـدحـون الا الـنـفـوس القـبـيـحـه.. وخلـك صـمـود بـوجـه الايــام و موزون .ومـــا حـــرم الله إثـــم لا تستـبـيـحـه.. والكـبـر لــو بــه فـايـده فــاد فـرعــون ..ومــن ذاع ســره بـشـره بالفضـيـحـه.. والله لــو يعـطـون لـــك مـــال قـــارون ..ماشـفـت نفـسـك بالغـنـى مستريـحـه.. انفـض همـوم القلـب وابليـس ملـعـون ..وان ضاق صدرك ارض ربي فسيحه |
الذين يشاهدون محتوى الموضوع الآن : 20 ( الأعضاء 1 والزوار 19) عايد*
|
سبحان ربّن كملك ثم حلاك
سبحــان ربّـــن كمــلك ثــم حــلاك اللي خلـق زينــك ومخفــي عيوبـك حـب عفيفــن منـي اليــوم ينخـاك يطلب من اللـه دوبـه اليـوم دوبـك زين النبي يوسف من الرأس غطاك أجمـل بنـات الكــون عافـت قروبـك لبيــك من رأسـك ليـا حـد ماطـاك لبيــك يا عنــق الغــزال المروبـــك لبيــك مـن قلـب يحبـــك ولبـــاك لبيــك من شرقك الى آخـر غروبـك |
ﺩﺍﻣﻨﻲ ﻓﻲ ﻋﻴﻮﻥ ﺍﻟﻠﻲ جـرحني ﻛﺒﺮﺕ
ﻃﻴﺤﺘﻲ ﻣﻦ ﻋﻴﻮﻥ ﺍﻟﻠﻲ ﺣﻘﺮﻧﻲ ﻣﻘﺎﻡ ! ﻛﻢ ﺭﻓﻴﻖ ﺟﺮﺣﻨﻲ ﻏﺪﺭ ﻟﻜﻦ ﻋﺬﺭﺕ ﺍﻥ ﻧﺴﻴﺖ ﺍﻟـﺼﺪﺍﻗﻪ #ﻣﺎﻧﺴﻴﺖ_ﺍﻟﺴﻼﻡ |
أخر أخباري أني عن هواك أغتنيت...
دست قلبي وعايش بعدكم في غَناة... ... والشعر لو كتبته بيت يَتلاه بيت... يفهمه من يعيشه .. ويجهله من قَراه... |
لا تحاول تفـتعل للوصل : سبّه !
الندم : مَ يجبر كسور ( العلاقه ) من توديّه الصداقه : لـ/ المحبه! مَ ترجّعه المحبه : لـ/ الصداقه ؟ |
تعبت أدور في مـرايـا يقيني...
صبحٍ يمد الوصل لأعماق ذاتي... .. أصـدق يمين ٍ صافحتني يميني... وأوفى خليل إنسان يحمل صفاتي... |
جابته ذكرى و حنّت له مشاعر
و ازرت ضلوعي تردّ القلب عنَه ! |
بين رحلة غياب وبين رحلة : حضور
وبين مبروك طفلك واحسن الله عزاك ! من هنا : تعـرف ان الدنيا محطة عبور وانها ماتساوي .. وزن عود : الاراك ! |
ﺳﺮﻗﻨﺎ ﺁﻟﻮﺻﻞ ﻳﻮُﻡ ﺁﻟﻮﺻﻞ ﺗﺎﻳﻪ
ﻭﺗﻬﻨـﺎ ﻓِـﻲ ﺩﺭﻭﺑﻪ ﻭﺁﻧـﺴﺮﻗﻨﺎ ﺿﻤــﻴﻨﺎ ﻓِﻲ ﺁﻟــﻤﺘﺎﻫﻪ ﻭﺁﻟﻨــﻬﺎﻳﻪ ﺷﺮﺑﻨــﺎ ﺁﻟﺤُﺐ ﻭﺁﻟﻈﺎﻫﺮ ﺷﺮﻗﻨﺎ |
السلام عليكم ورحمة وبركاته.... صباحكم جوري انشالله.مشاركين وزوار بقااايا حرف حبيت أشاركم بأروع ماسمعت من الشعر النبطي....عساها ترضي ذائقتكم الشعريه.....مثل ما أرضتني جدا....رغم ذوقي المتواضع الإنتقائي بالشعر..... وهي عدة قصائد مختاره ياالظما ..ماوردتك عن قناعه ... وانت مالك أمان .. ولاشريعه... مااكذب من السراب إلا اتّباعه ... ولا اصعب من الفراق إلا ..القطيعه... مامضى مِنكْ ياصعب .. انتزاعه ... من جروح ٍ تموت .. ولاتذيعه... بين رغبة حضورك .. وامتناعه .. جيت اجامل "غيابك" في صنيعه !!!!... وشاعرك .. لا تناسى ..ياضياعه ... كن طيفك - محرّم - مايطيعه.... الشاعر خميس الأسلمي مري شمال ان كان ودك تمرين .... مري على قبري وشوفي محله ... وان كان ودك فوق قبري تصلين .... ليا سجدتي فلي الراس كله ... اشم ريحه مثل ورد البساتين ... وجسم كلاه الدود وصلك يبله .... وعند الوداع اكتبي على القبر حرفين .... مرحوم يا الي صاحبه ما حصل له ..... تعال لملمني من اقصاي لا هنت ... واجمع شتاتي في اليدين العرايا .... شف حالتي من جمرة الشوق ما نمت ... ارقب صباحاتك تزف الهدايا .... وتكشف اوراقك وتخرج عن الصمت ... وتشوف حبي من جميع الزوايا .... للمبدع عبدالله الطفيلي صاحبي لادارت الايّام واضناك الفراق ... واستباحك كل جرح وصار لك مثل الخوي... اذكر اللي من فراقك ضاق صدره واستضاق ... حالته تِشكى وصدره من همومه مرتوي .... كنّه المسجون ظلم وحِط بيديه الوثاق ... وصار مجرم في عيون الناس لوانّه سِوي .... وانت يانبض الخفوق ومنهله عذب المذاق .... لاتزوّد ضيقة اللي من زمانه منكوي .... محمد القثامي ياوجودي وجد عودٍ لاعيال ولاقرابه ... ماقداه الا يون ويردف الونّه بونّه .... لالقا فزعة رفيق ولادعاةٍ مستجابه ... كل ماامساله بظنٍ خيبت الايام ظنّه ... سلطان بن وسام اربع تبحث بسدك كل خافي .... تجتمع وتكمل نصاب المزكي ... الرفيق السو والخل المجافي ... والزمان الصلف والحظ المتكي ... تدري وش اللي يصدم الرجال في بعض اخوياه .... وجودهم في النايبات الملزمه مثل عدمه ... وتدري وش اللي يقهر الرجال ويبين خفاه ... الا بغى المحزم ولا عين ذخاير محزمه ... من غير ربعٍ ينقلون الحمل جعل امحق حياه ... امحق حياةٍ توجع الرجال غصب وتلزمه ... لو كل غالي يجي دايم على ذكره ... ماصرت اشوفك هناك ، وحبك هنيا ... ياليتني لا بغيت اكره قدرت اكره .... ماكان قلبي ليا جيت اكرهك عيا ... معجزة الشعر"متعب التركي" الا ياوجودي وجد من شاف مايكره ... من اعز من يمشي على الارض في باله... عطاه الحقوق مكمله وآمن مكره ... وجحد ماعطاه وصد واقفا على ماله ... وياتل قلبي تل حبل على مكره ... قطعه المدا وانتل من فوق محاله ... ويازوع قلبي زوعة الطير من وكره ... صفق بالجناح وعارض الجول واشفاله ... ويالجتي لجة ثلاث على بكره ... عن انضارهن صدوا بها وقت لبهاله .. على الصاحب اللي ماخذ من الغلا شكره .. وعلى عرش قلبي بين الاضلاع منزاله .. له الروح من بد المخاليق محتكره .. لهم حب في قلبي وهو حبه لحاله ... لياقلت ابي منك الوفاء قال لي بكره ... وقفا الزمان وراح والحالة الحاله ... عقول العرب في واقع الحب مدكره ... وراعي الهوى كنه لياصد يوما له ... هل الحب في دنيا المحبين في سكره .... ولاينس جروح الهوى غير عقاله ... عسى لايمي تخلف صروف الدهر فكره ... تجمع عليه هموم وقته وهو داله ... محمد بن عباد للصبر حد .. ووحشتك مالها حدود ياللي غلاك أصبح مع الوقت عاده أشتاق لك مع سايق النفح والنود وأوله عليك أكثر .. واحبك زياده للشاعر / سعود المطيري كثر ماجيت يمّك مهتوي وارتجيك كثر ما لمت نفسي يوم تنشد رجاك ياعسى اللي بلاني بالهوى يبتليك يمكن تحس في قلبً .. يهمه رضاك للشاعر / سعود المطيري لاتعتذر منت بعلى الصد معذور وش عاد لو كثرت علي المعاذير تعبت أسايرها وهّديك وتثور واسووق رجلي في سراب المشاوير ياصاحبي .. ماني على الصبر مجبور ولولاك تسوى .. مارقيت المحاذير يوم الغلا .. جاله على القلب منثور سقت الثمين ولاحسبت المخاسير للشاعر / سعود المطيري بيّض الله وجه الأيام سوتبي جميل وأرحم الله مابقا منك يالقلب الندي مانفعني جود يمناي في راس البخيل ليتني قبل أفعل الطيب مقطوعه يدي والله اني ماتحريت للوقفه حصيل بدويً لانخيته من أقصاه يعدي للشاعر / سعود المطيري وش يذبح الرجل غير الخوف والحاجه ... لا صار في موقفن محرج ومحتاجي ... حتى زمانه عقد له طارف حجاجه ... لو يعتدل يوم باق العام منعاجي ... لاشب ناره هواه يطفي سراجه ... وليا لقا درب مايفرح بمخراجي ... "مضحي السميري" الرجل قفل مفتاحه الهرج ينبيك عن غامض سجاياه هرجه .. مانيب " دواج الهوى " نافض الخرج .. اللي بدربه للهوى قل خرجه ... الوقت ياللي تحسبه../ مايل السرج ... لابد مايطرحك لامال سرجه ... وترى الهوان إنك تحوّل من البرج ... والكايد إن الطيب ترقا لبرجه... "عبدالعزيز السبيل" نبقى على مر الليالي عزيزين ... نهج ٍ عزيز وعزة النفس منا ... ياسيرة ٍ للطيب نبقى وتبقين ... من جدنا الاول ليآخر زمنا ... "عبدالله الهديريس" عزالله أن الطيب كايد ومفقود ... ولاعاد يلقى له مع الناس شاري ... أقفت مراكب كاسب الطيب والجود... والبيت دافنته هبوب الذواري... "رشيد منور" حيٍ يورّيك المذلة وتغليه ... أنا أشهد إنك ميت القلب عامي ... من لا يوّدك لا توّده وترجيه ... أرفع مقامك يا عزيز المقامي ... محمد الأحمد السديري (اختارتها لكم... ظميآآآآآآآآآنه...) |
قالوا عشقت وقلت ماهو بذالحين
ماعاد في ذهني من العشق صورة ذبلت زهور العشق والملح والزين واقفى ربيع العمر وأقبل دهوره ظنيت عمري دون خمسه وعشرين وريع الشباب أعيش قمة شعوره لاشك فاجأني مع الوقت ثنتين زادت على قلب المعنى حروره قصر النظر بين على ناظر العين والشيب في وجهي تتابع ظهوره كنت احسب اني وين واثري مسيكين راحت حياتي بين دوره ودوره والعشق عندي له دروس وقوانين عارف قوانينه وسابح بحوره فيما مضى يوم العوارف مجانين يوم الصبي يتبع هواه وسروره واليوم قفينا وحنا معيفين وعسى الذنوب الماضيات مغفوره عيسى بن عبدالله السبيعي 00000000000000000000000 00000000000000000000000 انـا بـعـد مليت من وقتنـا الشـيـن وعرفـت معـنـى ذابلات زهـوره ولانـيـب مخـدوع ولا قـول بتـزيـن ولانيب اقلـد من يصبـغ شـعـوره مابــه دوام ولـلنـهــايـات ماشـيـن ومنهــو سعــيد مايـداوم سـروره سمعت هذا من تجاريب ماضيـن ناس لهم في ماضي الوقت دوره ناس بحفظ الوقت والدين واعين ولا يطمعـون بعـشـق دنيـا غروره ياليتنا فـي مايقولون مصـغيـن وياليتنا نسـمـع لـمن قـال شـوره قـل للــذي يقــول بعديـن بعديـن تـرا زهـو الـعـمـر لحـظـة وفــوره كم واحد يمشي وهو مادرى وين عميان يحسب هاالحياة معمورة يـارب اذا كنـا عـن المـوت لاهـيـن وان الزمــن زيـن لنـا بعـض زوره فانا عليك اليـوم يـارب شـاكـيـن وعسى الذنوب الماضيات مغفورة ابراهيم بن سعود الخريف |
شفت البدر ويا الشمس وراك من الخجل يمشون انتي الذوق وانتي الحسن وانتي الزين بألوانه جيتك شايلٍ ورده حمرا عطرها موزون وبس عرفت لمن بتروح ذبلة حيــل خجلانه الا سبحان هالخالق امره بين كاف ونون وهبك الحسن ويا الذوق وصرتي اول اركانه كواكب هالسما بالليل لي من تظهري يسرون ولو تمشين في وادي توقف ذل غدرانه أسهرتنـي يا غـلا والنـاس هـجّـاعِ النـوم عـنـي جـلا يا زيــن الأطـبــاعِ الهم منـك اعتلى والصد بك شاعِ ما قلت لي وش بلا العهد منك ضاعِ من بدّ كـل المـلا عـيني لك تراعي يا كـامـلٍ بالـحـلى ما للـجـنا داعــي ارجع ترى لك وله من بين الأضلاعِ إن جـيت لي يا هــلا مانـي بـطمـاعِ صدقيني يـا حـيـاتـي مـا تــمـــنـيــت إلا انــتـي .......................................... وإن عمري في حياتي ماوصلت لعشق غيرك صدقيني لــو بــــيـدي امـلـكـك طــول الـحـيــاة .......................................... عـمر قـلبي يـوم حـبك ما نـوى في يوم هجرك صدقيني وزن الدنيا بكف وانتي ياعمري بكف .......................................... كفـك الغـالب ياعـمري وتـرخص الدنـيا لغلاك صدقيني انتي هـمي انـتي عمري انتي روحي ......................................... ينـجـرح قـلـبي وقـلـبـك مابي مـنـه إلا رضــاك صدقيني مهما أوصف لك مدى حبي وإعجابي ......................................... مـا أوصــل معـنى حـبـك لأن روحـي في رؤاك يتيمـة فرحتـي والله يتيمـة يـحسدوني عـلى فرحـة يتيمة جمعنه ياس كل الخلق فينـي خفـوقي ما قوى صدمة عظيمة حبيبي والله إني فيك مغـرم ونـفــسٍ مالهـا ذمّـة سقـيمــة حبيبي كل شيء فيني ملكته ونار الحـب فـي جوفي ظريـمــة إذا روحي لها في حبك ذنـوبِ هلا بذنـوبـها لو هي ظـليمــة وإذا في حبـك إجرامٍ ارتكـبته فـأنا كـلّي فـخر بأعظـم جريمـة لا يــا بــعــد كــلــي حــيــاتــي تســاويك اقــطــع وريــدي وإن نـــبض حب ثـــاني ثـــــلات فـيــنــي كــلــهــا تــرتـبــط فـــيك أعشــقك.. أحبـــك.. والـهــوى صــار عنواني وإن كــان مــا تـــدري أنــا أقــول وأطريــك حـــبك مـلــكـنــي في ضـــميري ووجــداني لو أشوفــك فـي أي حال .. مثـلك مثل غـيـرك ولا ظرف اللقا يغيرني فرقـاك أصوّرها زوال .. وعينـي ما ترى عـينـك أبلقى غيرك بيسعدني حـتى ولا برسـم الخيال .. تغرينـي بـزيـنـــك تـرى خوفي الذي أبعدني أخاف من حـكـيٍ يقـال .. وتـصدقيـن مـحـاكينك وتغلط أكثر وتظلمني لا واخسـارة وقت الوصال .. عـن غـايتـي ويـنـك شوق الحب لك سيّرني حبك ترى من القلب زال .. وامسح ذكراي بيدينك أنا كلي أسف تعذرني منـك الخـطا منـك الاهمال .. ضـيّـعت مغـلـينـك صبري من الأسى ودعني لك فـي هـوى غيـري مـجال .. قـدّامك سـنينــك غريب أنا تصورني واللي خلق ظلما الليالي في العيون الهاجعه اني من الحرمــان اتســائل وحرماني جواب يــوم الوداع تخيـلي مــالي حبيـب اوادعــه محروم انا وتخيلي محروم حتى من العذاب |
مابين صمت وشوق فيض المشاعر دمع الموده لك على الخد ينساب |
انا اعشق الليل لو هو ينبش احزاني
مشاعري في حضوره ما اتصنعها ان جاني النوم نمت و كان ما جاني اسهر على شاشة احلامي و اتابعها |
لاعطآك الله من النآس تقدير وقبول
أقبل اللي تقبله وأرفض اللي ترفضه بس لآتفرح وتطغى ترى النعمه تزول رآس مآلك وجهك ان كآن به دم أحفظه |
مـن بعد جرحه يبي مني السماح
قال انا ما اقصد اسبب لك قهر ابتسمت وقلت له ( ما راح راح ) يصلح النسيان ما افسده الدهر |
ﻋﺰ ﺍﻟﻠﻪ ﺍﻥ ﺍﻟﻮﻗﺖ ﻫـﺬﺍ ﺗﻐﻴﺮ !!
ﻳﺎ ﺭﺍﺣﺔ ﺍﻟﻤﻴﺖ ﻭﻳﺎ ﺑﻠﺸﺔ ﺍﻟﺤﻲ ﺣﺘﻰ ﻭﻟﻮ ﺟﻴﺖ ﺍﺑﻦ ﻋﻤﻚ ﻣﺴﻴﺮ ﻳﻘﻮﻝ ﻣﺎﺳﻴﺮ ﺍﻻ ﻳﺒﻲ ﺷﻲ ؟؟ |
|
ياخذني الليل واشواقي على بابك
يوم انت لا منتظر قلبي ولا ناطر لو تسال عيوني البارح عن غيابك تلقى اجابة عيوني تكسر الخاطر |
ماعاد فينـي جروح وخاطري راضي بس الشعـر ليه يرسـم جرح بـ حروفه يمكن لأني وشمـت الصـدر بـ الماضي ويمكن بقى في خفوقي جرح ماشوفه |
فتحت قلبك وجتك الناس منكبه ..
وأنا من الله ماأحب اللي يتجاهلني " ما كل من حبنا يستوجب نحبه .. الحب ما به أجاملك وتجاملني" |
مدام أنا حلمك وجيت وتحققت ..
وشفيك دايم كل ما رحت تبطي ؟ ما خفت ياخذني من يدينك الوقت ! ما تدري إن الوقت ياخذ ويعطي ؟! |
احبك بس ماوضحت لك قلبي وانا طبعـي اخبي حب ماتكلم سألتك انت ومابينت لي دربي ولااعرف سـواتك مثل ماتعلم تكـلـم ليه ما اكـدت وش حبي واذا تخفـي تكلم صدق لاتسلم اقـول لك ااه لو بينت ماتخـبي على راسي البي الفهـم واتعلم تكرم قـول لامريت مـن قربي عساء تبدي لقـلبـي شي ماتبلم كفاية منك ماارتحت في غلبي كذا يكـفي اوصي الغير واتألم |
حكممه جميييلة https://www.cksu.com/vb/images/smilies/elalq1.gif فى يو م من الايام... قالت الرياح للشمس : ما رأيك ان نتراهن على نزع المعطف عن ذلك الشاب الجالس في الحديقه وافقت الشمس بشرط ان تبدأ الرياح أولا فبدأت الرياح تصدر اصواتا مدويه و مخيفه و تقذف الأتربه ؛ و تشتد قوتها و سرعتها لنزع المعطف ؛ لكن الشاب تمسك بالمعطف بكل قوته فاستسلمت الريح جاء دور الشمس فابتسمت ؛ وسطعت بهدوء و بكل رقه فملأ الدفء المكان ؛ فشعر الشاب بأن لا حاجه للمعطف فنزعه لماذا لا نجعل تعاملنا مع بعضنا كالشمس ! باللين نمتلك القلوب آنجل بوح آخر الليل من بوح الليل |
لوّ نطاوع حزنناا ...... جدًا نضيع
ولوّ نطيع أحلامنااا و اللهہ : تعب رتب أحزانك ... و أحلامك جميع و لمها بـ دعوة لـ ربك مُو صعب !" |
ليه الكبر ؟
ماهو كبر ، ما تكبرت ! ولا الجفا ؟ رد اعتبار ل خطآهم كنت ابتسم لا شفتهم لين أنا صرتّ أكره جميع أشكالهم من رداهم . |
أبا خالد مزن البرد
رحلت عنا وإنا على فراقك لمحزونون ولا نقول إلا ما يرضي ربنا أنا لله وإنا إليه راجعون |
الله يرحمك يأبو خالد ( مزن البرد )
|
يا قبر أعز إنسان غالي رقد فيـك // خفف عليه من التـراب الثقيلـي
يا قبر ماني طيب عقـب راعيـك // اللي رعاني صـار عنـدك نزيلـي غليك أنا يا قبر من حب راعيـك // مرحوم يا راعي الوفـا والجميلـي ياللي سكنت القبر صوتي يناديـك // موتك جرح قلبي وهديـت حيلـي ما أنساك والله لين قبري يوازيـك// وأعلن من الدنيا العريضه رحيلـي وأمـوت كـل مـا حـل طاريـك // كنت أفتكر عمرك معانـا طويلـي يبكي عليك البيت من عرض أهاليك// |
| الساعة الآن 08:00 PM |
Powered by vBulletin .
جميع الحقوق محفوظة © لشبكة ومنتديات البراري 2010