شبكة البراري

شبكة البراري (https://www.albrari.com/vb/index.php)
-   همس القوافي للمنقول ( قصائد - شيلات - خواطر ) (https://www.albrari.com/vb/forumdisplay.php?f=109)
-   -   (¯`•._.•[(.... بقآيآ .. حرف .... )]•._.•´¯) (https://www.albrari.com/vb/showthread.php?t=63279)

بقآيآ .. حرف 2017-03-15 07:45 AM

لو لوّحت دمعة على طارف الرمش
والليل يقتصّ بسمارك مساريه

مدّ المدينة في عتم وحدتك وامش
خل المباني تصبح أصحاب ووجيه

بقآيآ .. حرف 2017-03-15 11:37 AM

طوّل غيااابك ، و أنا لا زلت متمسّك
بـ اسمك ولو كان يا ثقله على صوتي
كل ما تغيبي و أنا محتاجك أحسّك
إخترتي أقصر طريق نهايته موتي !

بقآيآ .. حرف 2017-03-15 11:38 AM

ليت الليالي و أنا أتمناك جادت بك
يا الغايب اللي قدر بـ فراقنا يصبر !
والصدفة اللي بعد عامين عادت بك
يا ليتها جات قبل الحزن ما يكبر !

بقآيآ .. حرف 2017-03-15 11:38 AM

عسى قيد الخجل يطلق سراحك
لك سوالف في طرف صوتي رهينة
صاحبي حنيت ضحكتك وصباحك
الحنين اللي يكفي له مدينة

بقآيآ .. حرف 2017-03-15 11:42 AM

كنت اسأل أمي ي يمه ويش يعني ممات ؟
قبل لا أكبر وأعرف أنه رحيل العمر

قالت : ندّسك ب الارض الين تصبح نبات
ومن يومها صرت اخاف أكسر غصون الشجر

بقآيآ .. حرف 2017-03-15 11:52 AM

غدَرك بحر القصيدة وإنت تطري الحنين
وذوّقك ملح الفراق بكل شطر يغرق
ما كنّه إلاّ طرى عـ الباب في بيت طين
ترحيبة السدر والريحان لأحدٍ طرق

بقآيآ .. حرف 2017-03-15 12:01 PM

ترا الكواكب " عذارى" والصباح امهبول
من يحتميهنّ .. واصفّق له على ( نخوته )!

بقآيآ .. حرف 2017-03-16 10:49 AM

ي ليل صمم على النزله وحث الخيول
حتى لو أخوك قبلك ما تبع .. نزوته
لك فالبوادي قبول وفالحضاره قبول
خل الصباح ايخلط شاهيه مع قهوته
أذا الثرى سرج سابح والثريا رحول
أركب يابو الطيّب الصعبه على صهوته
ترى الكواكب عذارى والصباح مهبول
من يحتميهن واصفق له على نخوته
انا طلل جالس لحاله يعيش الطلول
هذي نجوم أول البارح وذي حروته
تقول جالس معك ولاّ تصيب وتقول
جالس يغني على ليلاه في خلوته
معاني الشعر هقواته وماله ذلول
وان قربوا مربط حصانه نصى هقوته
يا عيطموس البني يالفاتن العيطبول
حسبك من اللوم لاياصل معي ذروته
في نازل الصدر هجن وعالي الصدر جول
كلٍِ يكسر قفص صدري على شهوته
وانتي تقولين قال الله وقال الرسول
ولا حشمتي صفا قلبي ولا مروته
على الاقل اطربيلي يوم اغني واقول
فلي على الصدر شالك واستري فجوته
انا نديم القصيد ولا عزا لـ الشمول
انا تفاخر جواد البيد في كبوته
تحت كحل عينك اصبا والتصابي يطول
خلي كحل عين غيرك تنتهي صبوته
قدي قميصي واذا جاك العزيز شتقول
قولي جريحِِ وذا طبه وذي سلوته

بقآيآ .. حرف 2017-03-17 07:07 PM

مجرد إنسان خاف من الصخب وإنعزل
إختار يحضر على قد الشعر والشعور

بقآيآ .. حرف 2017-03-18 06:56 PM

حاجات واجد بنفسي من أمانيهاا
جرى عليها الزمن مع كل ريع ومهب
ماجات في وقتها واللحين مابيها
حتّى ولو جاتني على طبق من ذهب


الساعة الآن 06:07 PM

Powered by vBulletin .
جميع الحقوق محفوظة © لشبكة ومنتديات البراري 2010