اقول ياعاذلي رح مالك ومالي.......
أقـول ياعاذلـي رح مالـك ومـالـي = نفس الفتى ماتحب اللـي يعـذربهـا انا ابخص الناس في حِلي وترحـالـي = النفس نفسي واعرف اشلون احاسبها لضاق صدري وتاه من الغـثا بالـي = والارض ضاقت وضاقت بي مناكبهـا نصيت لي مرقبٍ في صحـصحٍ خالـي = في راس رجمٍ تصافـق بـي هبايبهـا بارضٍ خلا خاليه ماحولـي الوالــي = بس الذيابه تعـاوي فـي مراقبهــا جلست باعلى الطويل ابكي على حالـي = من حـرةٍ بالحشـا زادت لواهبهــا وقامت تكسر بصدري عـبرة الجالـي* = اللـي قبـل يتِقـي لـد لمضاربهــا وقمـت اتفكـر بوقتـي اول وتالــي = وشلون عقب الصفا شانت مشاربهــا طاوعت ثنتيـن والثنتيـن غربالــي = استاهل اللي حصل لي من مصايـبهـا يامن يوصـل لابوجـراح* مرسالـي = انا على العهد احارب مـن تحـاربهـا لغبت عني تكـدر خاطـري السالـي = لغابـت الشمـس ماتنفـع كواكبـهـا دامك رفيقـي ورب البيـت مابالـي = اضرب على الكايده مانـي بهايبـهـا يالله طلبتك ودمـع العيـن همالــي = اغفر ذنوبي قبـل تِنشـب مخالبـهـا احمد بن عبدالرحمن العريفي (نديم المجره) * الجالي : وهو الشخص الهارب من مضارب القبيله بسبب جنايه كبيره ارتكبها * ابوجراح : احمد بن ثامر السعدون |
اقتباس:
صح لسانك يانديم المجره قصيده جزله من رجال جزل اعجبتني القصيده من اولها الى اخرها لا والله ماتستاهل الغربال بعد راسي تحيتي لكـ |
جلست باعلى الطويل ابكي على حالـي = من حـرةٍ بالحشـا زادت لواهبهــا وقامت تكسر بصدري عـبرة الجالـي* = اللـي قبـل يتِقـي لـد لمضاربهــا صح الله السانك وعلا شانك قصيدة بقمة الرووعــه تقبل مرووري المتواضع |
لضاق صدري وتاه من الغـثا بالـي = والارض ضاقت وضاقت بي مناكبهـا نصيت لي مرقبٍ في صحـصحٍ خالـي = في راس رجمٍ تصافـق بـي هبايبهـا بارضٍ خلا خاليه ماحولـي الوالــي = بس الذيابه تعـاوي فـي مراقبهــا جلست باعلى الطويل ابكي على حالـي = من حـرةٍ بالحشـا زادتلواهبهــا كلمااات على الجرح قصييدة جدا جدا رااائعة وفآقت صفآت الجمآل .. طرح راقي .. شاعرنا المبدع نديم المجره شكرا لك ع هذي الرائعه.. لا تحرمنا من بآقة جديدكـ ..ودمت يخيررر وسعااااادة أختكم أم العنود |
اقتباس:
يسلم راسك يالغالي وصح قلبك لاهنت ربي يسعدك تحياتي |
اقتباس:
وصح قلبك لاهنتي ربي يسعدك تحياتي |
اقتباس:
شكرا على اطرائك ربي يسعدك ويحفظ لك من تحبين تحياتي |
الساعة الآن 03:17 PM |
Powered by vBulletin .
جميع الحقوق محفوظة © لشبكة ومنتديات البراري 2010