شبكة البراري

شبكة البراري (https://www.albrari.com/vb/index.php)
-   همس القوافي للمنقول ( قصائد - شيلات - خواطر ) (https://www.albrari.com/vb/forumdisplay.php?f=109)
-   -   (¯`•._.•[(.... بقآيآ .. حرف .... )]•._.•´¯) (https://www.albrari.com/vb/showthread.php?t=63279)

بقآيآ .. حرف 2020-09-05 09:05 AM

‏قلت ازرعك في رصيف الذاكرة لو رحل
صوتك .. وصار المكان انسان من دون روح
.
واحل عقدة ومن عقّد حباله يحل
قدام لا يعقده حبل الزمان الشحوح
.
جيت إبدويٍّ على العشبة نزل وارتحل
والبدو من حيث ما ينبت حياها تروح
.
انسان عابر شرب وجهك وعوده نحل
جالك بلا جرح .. واقفى ممتلي بالجروح

عبدالله سعيد

بقآيآ .. حرف 2020-09-05 09:13 AM

‏ماعلى سنانّة الحرف من حدّ السيوف
تنقطع ايدين الأحرار بأطراف ورقة

كنّي الليلة لي "أربع حناجر" يالهنوف
و أسبح فبحر (المواويل) ما أهاب غرقه

بيني وبين المحبّة من العالم صفوف
مثل مابين العفيفين / و أهل التفرِقة

من ينجّيني من الليل؟ روحي ماتشوف
الصباح يخبّي النور خايف لا اسرقه.

فارس

بقآيآ .. حرف 2020-09-05 09:15 AM

‏يالبعيد اللي قبل فترة قريبي
اعتذر لك عن قسى قلبي وظرفه

النصيب اللي جمعنا مو نصيبي
ذا نصيبك وانت شف لك فيه صرفه

كان لك وجهين، واحدهم حبيبي
ووجهك الثاني اعرفك ما اعرفه

لا اختلفت بعين قلبي وش تبي بي؟
ما اشوفك غير دمع وحان ذرفه.

فارس فايح

بقآيآ .. حرف 2020-09-05 09:19 AM

‏وين درب الخيرة اللي نسمعه ولا يشاف
اسئلة في نفسي لنفسي ونفسي هايمة

راعي العمرين لو يقسم سنينه للضعاف
تكفي اللي عايش احلامه بعمرٍ نايمه

عن دوام الحال واحكام القدر واللي يخاف
من رضى بمقدّر ومكتوب محدٍ لايمه

إن بكيتوا ماورى سيل الدموع الا الجفاف
وإن ضحكتوا ضحكة الأحباب ماهي دايمة

فارس فايح

الركام 2020-09-16 05:06 PM

مـايدوم الحـال هـذا مسـتحـيــــل
وكــل وقـــت راح يـبـقـى لـه حنين
////////
الـغيـاب الـيـوم هو اكـبر دلـيـل
ان مهمـاصـار تمحـيـه السنين

بقآيآ .. حرف 2020-09-19 02:11 PM

اقتباس:

المشاركة الأصلية كتبت بواسطة الركام (المشاركة 1053548144)
مـايدوم الحـال هـذا مسـتحـيــــل
وكــل وقـــت راح يـبـقـى لـه حنين
////////
الـغيـاب الـيـوم هو اكـبر دلـيـل
ان مهمـاصـار تمحـيـه السنين


صح لسانك أبو سعود


( المحبه وطارت في مهب الرياح )

بقآيآ .. حرف 2020-09-19 02:22 PM

‏‎#قصيدة

حولك اكثر من ظلال وحولك اكثر من هدايه
كيف احدّد قبلتك في الروح اذا مالله هداني !

عاد كم تمتد يدّ من الرفاده و السقايه ..
في حرم روحك وانا ماحب احاصرْك وما اداني

عبدالرحمن الشملاني

بقآيآ .. حرف 2020-09-19 02:24 PM

‏لو ذبحت الحلم قبل يعيش .. و يغادر ضفافه..
ما سرق له عمر من عمري.. و قرّبلي حتوفي .!

من كثر ما أبطت دروبك ..
تلمح بوجه المسافه
لو تجيني:
خوف تنساني ..
و خوف بجدّ توفي !

نايف الادهم

بقآيآ .. حرف 2020-09-19 02:27 PM

‏المَرتين .. المُرتين بحياتي
لو يرجعن بالعمر كله بذلته :

مرّة
خذلني من (قصد)في غلاتي
ومرّة
بليّا (قصد) غالي خذلته !


عوض الظامي

بقآيآ .. حرف 2020-09-26 12:57 PM

‏كلّ ما عكّر رديّ الحيل بعض احيان جوّه
شال طاروق القصيد .. وصب ف عروقه غمامة

عوّضه : كثر النجوم الساريه قل المخوّه
كثّر الله : خير فرقاهم .. قليلين الكرامة

ليلهم : لوّه وليته ..صبحهم : ليته ولوه
كنّ هقواته : سراة .. وكنّ هقوتهم : تهامة .. !

- مساعد الرشيدي


الساعة الآن 09:38 PM

Powered by vBulletin .
جميع الحقوق محفوظة © لشبكة ومنتديات البراري 2010