شبكة البراري

شبكة البراري (https://www.albrari.com/vb/index.php)
-   همس القوافي للمنقول ( قصائد - شيلات - خواطر ) (https://www.albrari.com/vb/forumdisplay.php?f=109)
-   -   (¯`•._.•[(.... بقآيآ .. حرف .... )]•._.•´¯) (https://www.albrari.com/vb/showthread.php?t=63279)

بقآيآ .. حرف 2017-02-06 09:09 AM

اعرف ان للصوت لاضقنا صدى
لا تجي مبسوط وتعوّد ضجر
ما ندوّر فيك .. طيب ولا ردى
ولو ندوّر فيك .. دوّرنا الاجر

الركام 2017-02-10 02:56 PM

‏خاويت بالدنيا خلايق وفارقت
‏انا الوحيد اللي لنفسي بقالي

‏ماني بمحتاج البشر لاتضايقت
‏اقدر اكمل نص عمري لحالي

الركام 2017-02-15 12:02 PM

‏افتحوا باب التسامح عساكم تسلمون
العمر ماهوب مضمون والدنيا سعه

انخدعنا بالمظاهر و غرتنا الظنون
وضيعتنا كلمة ابليس من باعك بعه

بقآيآ .. حرف 2017-02-16 09:48 AM

الرأي وحي القناعة , لا بدا عدّه
من ضعف بعض المبادي تولد الحيرة
مصيبة الرجل وان كبرت على قدّه
الا مصيبتْه في دينه وتفكيره

بقآيآ .. حرف 2017-02-16 09:50 AM

مرحوم ياحب ترعرع بالأعماق
متغذي دم العروق الصخافي
في كل عضو له مقر وميثاق
بين الضلوع العوج بين وخافي
يروق مع روقه مزاجي اليا راق
ويحس بي اليا لحقني أخلافي
ويحس بأشواقي اليا صرت مشتاق
قدام يصبح فالامور اختلافي
واليا هنا علقتها فوق معلاق
وسليت سكين الخيانه ياكافي
ودعتك النسناس ياورد الأشواق
كرامتي تحكم علي بأنصرافي
قطفت منك ما تهيا وما لاق
ورميت باقي ذكرياتك خلافي
لا دمعة طاحت ولا خاطر ضاق
ماقول غير اللي على البال كافي
يكفي ثلاث سنين مرت على ساق
عين فراش لك وعين لحافي
واليوم في تسعه وتسعين طقاق
قلبي كذا طبعه اليا عاف عافي

بقآيآ .. حرف 2017-02-16 10:14 AM

يخيبـ ظن الآدمــــــي في زمانه
وتخلفـ به الهقواتـ في بعض الاصحاب
وتصير كلماتـ الوفاء في لسانه
أرخص من الكذبه على لسان كذااب

بقآيآ .. حرف 2017-02-16 10:20 AM

ليت المواجـع حدها يـوم واسـبـوع
وانسى طبيب الجرح وانسى علاجـه

وابعث رساله عاجله دون مـوضـوع
صـاحبـك رايـق .. لا تعكّـر مـزاجـــه

بقآيآ .. حرف 2017-02-16 10:29 AM

أثرهـا ماتـت وماتـت كل فرحـه في مهدهـا
والربيع أقفـت به اللي كانـت التـاج لجبينــه

جاورت عقب الحدايق حفــرةٍ مااقسى لحدهـا
حفرةٍ مانـي مصـدّق كيـف ضمت ياسمينــه

بقآيآ .. حرف 2017-02-16 10:31 AM

لو يجتمع في داخل الصدر " قلبين "
ماغير " نبضك " في حشا الروح لايق
" وان كان روحك ضيعتها العناوين "
تعال تلقى في ضميري " الحقايق"
" أغليك " انا من بد ناس كثيرين
والقلب لك " ديرة " ان كنت ضايق

بقآيآ .. حرف 2017-02-16 10:40 AM

اقول للشباك مشتاق له حيل
والريح تصرخ بس .. لا عاد تطريه
وابرك ب وجه الباب وحروفي تسيل
ويصد عني يقول للحين تبغيه
كم يوم مر وما بقي ب خافقي حيل
ذبت انتظار وما اذبحتني سوى ليه
عديت فوق اسبوع والحزن إكليل
ولو مت ( وعدك لي ) لْ منهو توفّيه


الساعة الآن 06:48 PM

Powered by vBulletin .
جميع الحقوق محفوظة © لشبكة ومنتديات البراري 2010