|
مواقف من ايام الطفولة ............. موضوع تفاعلي
السلام عليكم ورحمة الله وبركاته كيف احوالكم جميعا بدون استثناء مالكم بالطويلة الموضوع من عنوانه كل من يدخل يسدح لنا موقف مر عليه ايام الطفولة ايا كان مضحك /محزن / محرج مسموح بالتعليقات بشرط اقتباس المشاركة والتعليق عليها وما يحتاج اذكركم بقوانين الالتزام حسب ما طلب منا استاذنا ابو طلال تفضلوا .......... |
و عليكم السلام و رحمة الله و بركاته
موضوع جميل جدا اختي شموعه و المواقف كثيرة حقيقه لكن ابي اقول موقف و الباقي لاحقا بمشيئة الله يوما ما كنت في مجلس للرجال و انا كنت واقفا بجانب والدي لاستقبال الضيوف فأتى احد الضيوف يسلم على الرجال واحدا واحد و عندما وصل بجانبي رفعت يدي كي اسلم عليه الا و هو يمر من جنبي كأنني لست موجود و يسلم على الذي كان بجانبي حقيقه موقف لا احسد عليه وقد تعلمت درسا بعدها فصرت لا اقف مع المستقبلين شكرا لك اختي ولي عودة بإذن الله دمت بحفظ الله و رعايته |
بعد مرور اكثر من 12 ساعة على طرح الموضوع
المشاهدات 35 الردود 1 وينكم بانتظار مواقفكم |
وعليكم السلام ورحمة الله وبركاته
موضوع طيب بارك الله فيك .. طبعاً موقف محرج وهي مشاركه لي مقتبسه من موضوع للأم الدانه وكان عنوانه جريمه سويتها وانت صغير السالفه ومافيها : اتذكر وانا ايام المتوسط وذلك في حفرالباطن (آه ياذيك الديار) المهم كنت بالحوش وقت القايله عاد حر الحفر غير إلا وشوف سلك (سيم / علاقه ) ملابس مرمي في الحوش عاد اخذته ورميته على محول كهرباء كان قدام بيتنا ويضرب شوط والله انها طلعت العاب ناريه من المحول ونطفى الكهرب من الساعة 2 ظهرا الى 9 ليلا تخيلوا عاد وقت الصيف لا وفي كم بيت تحرقة الثلاجات وبعض المكيفات والله لو دروا ....؟ لايكون الاخ عاصمة الربيع من ضمن المنازل المتضرره (هههه) الله يسامحني ويغفر لي ... وياكم |
اقتباس:
هههههههههه يازين من صورك وقتها يابوطلال ويشوف شعورك اجل كنت عندنا بالحفر ماشاء الله ربي يسامحك سببت اضرار للناس |
اذكر جريمة سويتها وانا صغيرة عمري 5 سنين ايام ما كنا بالكويت
الوالد رحمة الله عليه كان جايب خروف العيد علشان نذبحه بالبيت قبل العيد بكم يوم والوالدة كان عندها مكينة خياطة حاطة فيها بوكها وكان فيه 5 دنانير كاملة ودينارين امي كانت وقتها بالمطبخ واروح واركب على ظهر الخروف واتمشى فيه بالبيت لين وصلت مكينة امي وانزل واسوي نفسي سنعة واقعد احرك المكينة يعني اخيط والخروف عندي ويلقط بوك امي وكان مفتوح وابن الذين ما اكل الا ال5 دنانير والا امي تسمع صوت الخروف بالغرفة وتجي طايرة 200 كلم/س وتلقى بقايا الفلوس على براطم الخروف انا انخرعت من صيحتها وخفت تضربني سويت حالي مغمى علي ههههههههههه وسلمت من الطقة يارب سامحني روعت امي علي وقتها ترى براءة طفولة يحليلنا !!! |
الله يعطيك العافيه
أختي شموع والله شكل الموضوع بيطلع المستخبي أنا أذكر مره قطعت الإشاره ولحقتني الدوريه ياوالله البلشه المهم طلب مني التوقف ووقفت نزلت له والعظام تراعد وتفكيري مسجون مسجون مابها كلام طلب مني الرخصه ولما قرى أسمي وأسم قبيلتي قال والنعم عاد أنا من التلخبط والروعه قلت له تبي زود بدل ما عليك زود الرجال عاد طلع راعي ضحك وخذ ياضحك رمى الرخصه بوجهي وهو حاط يده على فمه ودي |
موضوع شيق وجميل أشكرك
مرة وأنا صغير عمري تقريبا ست أو سبع سنين كنت بالمزرعة مع الوالد رحمه الله وأشاهد حشرة صغيرة أو مرّة أشاهدها وأقوم ألعب بها وهي منكمشه ولها ذيل صغير ومسك ذلها وإذا هي تلدغني وأحس بألم في يدي وأقوم وأشيلها بيدي وأركض للوالد وأصوت لوالدي . شافها والدي ويضحك هههههه رحمه الله وقال هذي ياوليدي عقرب صغيره وفكك الله من شرها ونا ملدوغ منها من الخوف سكت ولا قلت ملدوغ أخذت تفريبا وقت والحمد لله طابت يدي. |
موظوع جميل جدا"
طبعا" اخوكم مشاكله كثيره وهو صغير وافلامه عجيبه وكنت مشهور في الحي الذي انا فيه من كثر ما اسوي افلام احد افلامي في رمضان في سنه من السنين وعلى ما اذكر في ال1968 اهل امي ساكنين بجانبنا وجدتي طابخه (( ششبرك )) وقبل الافطار بدقائق واضعه السدر وملي بالششبرك على البوابه من بره حتى تبرد ويفطروا عليها ، انا جيت من الحارة بعد ان انهيت (( لعب قلول)) واذا بالسدر خارج البيت ، اخذت السدر وركض على امي وقدمته لها وقلت هذا من جدتي لنا افطروا عليه ، وفعلا" نزلنا بها بسرعه افطار وانا من الذين يحب الششبرك ، واذا بجدتي تدق على الباب وخرجت لها امي وقالت يا بنتي حطيت سدر الششبرك على الباب وانسرق واذا عندك طعام هاتيه اطعم اخوانك واخواتك لانهم صايمين ،. ضحكت والدتي وقالت فوتي شوفي كمال شو الي سواه ، هذا كمال جابه لنا وقال هذا من جدتي الكوا . ضحكت جدتي وضحك الجميع واخذت ما تبقى من الششبرك وزدنا عليه من طعامنا . اشكرك شموع على هذا الموضوع الجميل والذي اعاد بنا الى الوراء عشرات السنين |
فيه موقف مره مسكت لي حيه ام جنيب ورحت للشباب وهم مجتمعين عند واحد منهم يلعبون ورقه قلت ابي امزح عليهم
ليادخلت عندهم والمفاجئة لقيت واحد واستحيت لاطلعها قدامه وجاء دوري في البلوت وقربت ابي العب ونسيتها المهم هي طلعت من مخباي الملعونه وعلى طول لدغت الي جنبي وتعال يالصياح والصجه هاذي منين جت وشل ود المستشفى وتنويم وانا اخمد ماعلمت احد انه معي قلت يمكن يموت الرجال ومشكله هههههههههه المهم تنوم تقريب اسبوع وطلع وهم يقولون يمكن سكنيه وكيف دخلت البيت ولليوم ماعلمت احد هههههههههههههههههههههه وش رايكم وحلفت ماعاد امسكها |
| الساعة الآن 09:53 AM |
Powered by vBulletin .
جميع الحقوق محفوظة © لشبكة ومنتديات البراري 2010