|
*** قصائدي ***
رســـالة لمنهــو بدا الشعر يكــتـــب
اليابغيت الشعــر ياتــيك طوعـــي الـزم ثلاث وخـــل بيـــتك مرتــــــب الوزن والمعـنى وقافٍ سجـوعـــي وتخـــير لقــولك بوقــتٍ مناســــــب واخــتار وقـتٍ فيه كل هجوعـــي واليا اجتمع عندك معـاني فهـــذب وخل الفراش وخل زين الطبوعـي وخذ القلم واكتب من الشعر واسهب تلقى المعاني كلها لك خضوعـــي وغنه بلحن وارفع الصوت واطرب وارسل لنا ابيات شعرك تبوعــــي وان كان ماجا لك مع الشعر مذهـب خــله ترى مافــيه ســـدٍ لجوعــــي خــله ترى مافـــيه زودٍ و مكســــب لا شـك في بعـضه بتـلقى نفوعـــي ابيات شعــر صاغــها لك مجـــــرب هـــدية مــالي وراها طــموعـــــي ابراهيم بن سعود الخريف |
ذاعت اخبار المطر من كل صوب
وكـــل دار غــيـــر داري ســايله حكمة الله مانزل فـهـو محسـوب ياعـسى مـاهي ذنــوب حـايـلــــه رحمتك يارب واغـفـر لي واتـوب مـالمــع بــرق وانـا مـاخـايلــه كـلمـا هبـت عـليـنـا من هبــوب جـالنـاخـاطـر بسـحـــب هـايلـه في الخيال السحب كجبال نصوب صبهـا من السحـب ماهي مايلـه وان نـظـرت لحـالنا نـوب ونـوب مالـقـيـت اللي رسـمت وقـايـلـه ننتظره الصبح وفي وقت الغروب ونحـتريه الليل وعند الـقـايلــه ارضنا جفت وتشكي من نضـوب والنخـل يبـسـت على مسايـلـــه رحـمـتـك ياغـافـر كـل الـذنــوب في سحــاب نرتـوي باوايــلــــه رحمتك يارب في سحب تجــوب دارنا الحـلــوة تجـي دلايــلــــه حبها مانيب انا فيه مغـصـــوب وحـدهـا مافــيـه احــد طـايـلـــه ابراهيم بن سعود الخريف |
دكــة الشيبان جلسة كـل شايب مير مابالـموت يعطـيـنا مجــالي كل وقت نودع اصحـاب وحبايب من رحل ميت ومنهو حي غــالي كلكم في البعد سبـبـتوا سبايب يشهد الله عقبكم مانيب سـالي ان بغيت الحي دربك به صعايب وان بغـيـت تقابل المـيت محالي الفراق يعـد من احدى المصـايـب منه تاخذ لونها ســـود الليالي كم عرفنا من صديق ومن قرايب وكم ديار عقبهم صارت خـوالي تالي الدنيا تعــود للـخـرايـب وكـل مخلوق مـرده لـلـزوالي مابهـا لذه ولا بالعـيش طـايب ومابها حالي وتاليهـا ارتحالي سعد منهو قبل موته كان تايب مستعد وحـاضر عند السؤالي ابراهيم بن سعود الخريف |
ابيات اهداء الى ابو عبدالله
ابراهيم بن محمد الخريف سـلامي عـدد ما سار هـذا الــزمـان ودار وعـدد مامشى الرحال في وجهـة بلاده على اللي بذكر الهضب لسمه يجي تذكار خـبـيـر بـطـرقـــه بين مـحــدار وســنــاده وش اخـبـار رجـلـك علـهـا تقـبل المـشــوار ترا مـنـت طـايعـهـا ولا النـفــس معـتــاده تحـب الـخـلا والـبـر ولك عـادة الـتسـفـار عـلاجـك على مـاكــنــت لاتـتـرك الـعـاده ولــو كـثـرت الارياء فــسافــر ولا تحتــار ومن صد عن رغبة هوى النـفـس مافاده مدام ان سفراتك بها البـحـث والتـفكـار فـلا فـيـه غــير الــخـيـر تلـقـاه وزيــاده علاج الـبشـر فيه اختلاف وفـيه اســرار فبعض البشر يلـقاه في فراش ووسـاده وعـلاجـك ترا مابين سـهـل وبين اوعــار فـكـل على ماعـــود الــنـفــس تعــتـاده مثـل طـير حر قـرنـسه للـهـدد صـقـــار ومثل طير حر جنـب الـشــبك ماصاده ترا هالحياة ازمان مخـتـلـفـة الاطــوار ومـافـيه حـال يـدوم وكــل لـمـيـعـــاده عساك السعادة والسـلامة من الاخطار ولافـيه احــد مـحـصـــل كـــل مــــاراده وعسى الله يجنب كـل مسلم عذاب الـنـار وخـلود بجــنه سعد من طـاب مـقـعــاده وصـلوا على المـخـتـار مانبتـت الازهار وعـدد مايـبـس زرع يراقـبـه حـصـــاده ابراهيم بن سعود الخريف |
ودع الترحـال واقـعـد للـمـقــيـــل
صيـفنا اللاهـب بدا نجـمـه يبين راح وقــت كـان ذعـذاعـه عـلــيـــل وحـلـت رياح سـمــوم الـلـه يعين النهـار يطــول ولا نلـقـى ظـلـيــل والشــجـر متعـري وحـالـه يشين لاحراوي غـيــم ولا وادي يسـيــل والمـيـاه بنـقــص عـند الـزارعين لا بحر مـوجـود ولا به نهر نـيـــل يبست الاشــفــاه عـنـد الناظرين كـل عـام نرقــب الجـو الجـمـيــــل وكــل عــام تمـضـي ايامـه بحين مـايدوم الحـال هـذا مسـتحـيــــل وكــل وقـــت راح يـبـقـى لـه حنين لا تامـل في الـحــيــاة الا قـلــيــل ماحـد يبــقـى على مـر الـســنين من تصاريف الزمن خذ لك دلــيـل ان مـن فـــيهـــا تراهــــم راحــلـين ولا تـقـول الوقــت هذا مـايمـيـــل خـذ تجـاريـب الـزمـن مـن الاولين كـل يوم يمر يدني من الرحـيــــل راحــت الاعـمـــار وحـنـا غـافـلين النـهــار اليا انتهى يعـقـبـه ليــل والـزمــن دوار وافـــهــــم ياذهــين عـشـقـنـا للـدار مـانرضى بـديــــل لو قسى ذا الوقـت وعـيى مايلـين يالـلـه انك تسقي الدار المـحـيـــل وتـقلـب ايام العسـر دايــــم بلـين ويالـلـه انك تفرج الهـم الثـقـيـــل وترحـم اللي عايش فيهــا حـزين ابراهيم بن سعود الخريف |
عسى الـبـروق مـوثـقـــه
نخــاف تبـطي ماتعــــود قـلــتـه وانا كـلي ثــقـــــه بالـلـه خـلاق الـوجـــود يرسـل سحــاب مـبرقــــه يم الصحاري والنـفــــود فيهـا سحـاب مـطـبـقــــه مـتلـونـه حـمـر وســـــود ويرسـل رياح تـسـبـقــــه ومـعــه رياح لـه تـقـــــود وعـقبـه تعـــود مورقـــــــه والارض تـزهـر بالــــورود الـبـرق كـم نـتــشــفـقـــــه يابو محـمـد به شهــــــود اعــــوام تاتي مـغـدقـــــــه وسنين قحـط قـد تســـــود سـبــحـــــان رب فــرقــــــــه ناس بـنـقــــص وناس زود في مـغـربـه او مــشرقــــــه مافـــيــه حـال قـد يســـــود الـلـه عــلـيــــم وخـالــقــــــه وهو الحكــــيم بما يجــــود ادعـوه في غـيـاب شـفـقــــه وعند الشروق وفي السجود ابراهيم بن سعود الخريف |
لياحام فـكرك في السنين القديمه
واليا شـكى قلـبـك وبين حنيـنــه وصارت حياتك دون طـعـم وقيمه ومـلـيــت حاضــرك وتولاك شينه وبـين عليـك الكـبر وقـل العزيـمـه وقل النـظـر قـريـب وتـقـول وينــه ورجلك بدت تقصر ولا هي سليمه وشكيت سمعك كن في الاذن طينه وبديت تشكي امراض جسم اليمه تراك بـاد فـي سـنـيـن حـزيـــنــــه عشها على ماجات لو هي ظليمه ولو شفت فيها ميل ولوهي غبينه الوقت لو يصفي يجي فـيه غيمه والمـوت لو طـولـت ياتي بحـيـنــه رجـواك في ماض تراهـا عـديمــه وسـجات فـكرك ماترجع سنينـــه مابـه حـياة دايـم مـسـتـقـيــمــــه ومابه كـمال الا ونـقـصه قريـنـــه شيمتك عن دنياك خصـله كريمـه ودنياك سـخـرهـا للاخرى عـوينه لا تنخدع غـرقـان وتـقـول ديمـه هذي الحياة وسرعهــا عارفـينــه وصلاة ربي عد ماقـفــت مقيـمـــه واعداد مايقسى الزمن عقـب لينه ابراهيم بن سعود الخريف |
ليه بستان الشعر من دون ورده
كيف غاب اللي جماله من جماله ياهـل البستان هو عـطــره ونده لين غاب الورد ينقص من كماله الزهـور تزيد في العــزم وتـشده تلـهـم الشـعـار وتزيد الجـــزاله مـانـبـي يزعــل ولا نبـغـى نرده اتركــوه ومـابدالـه فـي مجــالـه عـارف مابين هـزل وبيـن جـده اتركـوه يقـول شي قـد طـرا لـه دمعته من العـين تجرح رق خده دمعته من العين مانقوى احتماله ياهــل الـبستـان ردوا لـه مــوده ياهـل البـستـان سوو بي جمـاله من يسوي خير مـن هـو له يرده ما احــد مـثلـه ولا نبـغـى بدالـه قـبـل مـا كــل يـبـــيّح كــل سـده وقبل ماتصـفق يمـينه في شماله ابراهيم بن سعود الخريف |
لا واعـذاب اللي شكى قلـت الـنـوم
راح الـبراد ولابقى الا المكـيّف راحت حراوي شوفت البرق وغيوم و لا بقى الا شوفـته للـمصيّف وراح النسـيم وحـلت رياح وسمـوم ولا احد سلم سمين والا نحيّف طول علينا الوقت وزداد بهموم نرقب طـلوع سهـيل لوهو يصيّف واللي معه دنيا فلا هوب محروم يسافر ولا يبقى سوى ذا الضعيّف بعض العرب مهوب يقدر على السوم حتى المكيف صار عنده كليّف وان كان زاد الحـر و وافـق بعـد صـوم فاصبر على حره بجسم رهيّف والصـيف له حل و له وقـت معـلـوم يزيد عـن اربع شـهـور ونـيّف لا واهـني الـطــير ليمـن بغـى يحـوم يقـوله اللي اخـر اسـمه خريّف ابراهيم بن سعود الخريف |
يالـيت المـدارس ماتعـطـل ولا سـاعة
غدا نومنا غـفـوات مـن كـثر هالصيحات سهرهم على باطل ولاهوب في طاعة وفي كل شارع صار تسمع لهم صرخات واليامن غـفـينا قامـت الناس مرتاعة على صوت صرخات الكفر مع حدى اللفات وهـذا يفـحط باع نفـسـه كـما بضـاعة ولا يردعـه شـوفه لمن قبله مـن الامـوات ولاينـفع لهم نصح ولا هـم بمنـصاعة على كيفهم يمـشون يقضـون هالحظات نـهــاره رقــاد تـو مــازان مــرباعــه ولا لـه صلاة مضيع كـل هالاوقــــات شياطين انس ابليس صاروا من اتباعه ترى الـزلـة الـشينة يجـي بـعـدهــا زلات ترى سنـيـنـكم تبرق وهي زود خـداعة وكفـر الـنعــم ايورد الـحـــزن والاهـــات وياكـل من يشـكي وبه الـنفـس ملتاعة عـليــكــم بدعــوة ربكـم بآخــر الـساعات عسى الله يغير طبع من شانت اطباعة وعسى الله يرحمنا مـن الهم والافـــات وصلوا على من خـصه الله بشـفـاعة رسـول الـهـدى انزل عليه الـولي آيات ابراهيم بن سعود الخريف |
ياللـي تحسـب الوقت ماهـوب يفتـر
احـــذر يــروح الـعـمـر عـقـبـه تـنـدم لا تـنـخـدع لــو زان وقـتــك وتـغـتــر الـخـيــر يـبـقــى والـخـراب يـتـهـدم واللــي يـحـفـظ الـوقـت لا بـد يسـتر يـفـوز يــوم ان الـجـوايـــز تــقــــدم يـلـقــى بـرآده لا غدى الـجـو محتـر هـذي مـحـاصـيـلــه ومـا كـان قــدم احــــذر تـنــدم كـــل شــــي مــقـــدر الــرزق مـكتـوب فـلا تشـيـل بـه هـم والـعمـر محفـوظ بـكتــاب مـسـطـــر عـنـد الـحكـيـم اللـي بالاقـدار يعلـم واحـذر تقـول الـحظ مـازان واقشــر الـفـال زيـــن ودايــم الــفــال الـــزم عـلـيـك تـقـوى الله بالــسـر واجـهــر وحذراك ظلم الناس واحذر من الدم يــا المسـلم انظر في الحياة و تفكـر عقـب النـهـار يحـل بـه لـيـل اظـلــم و عـش كالمسـافـر لا المـقيـم وتـعـبـر زخــارف يــا سـرع مـاهـي تـحـطـم يـا عـاشـق الدنيــا بـغـيـرك تـبـصــر خـذ عـبـرة مـن الـغيــر لـعــل تسلــم العـمـر كنـه عشب اخضـر و يصفــر هذي الحيـاة وياعسـى الناس تفهم وبـه مـوعـد لازم بـه الـخـلـق تحشـر عسى الــذي يجــهــل بهــذا يـتعـلـم مـعــلـوم حكـم اللـي ظـلم ويـتـكـبـر والـنـار مثـوى كـل من مـات ما أسلم ابراهيم بن سعود الخريف |
يارب نـشكي عليك الحال
اديارنا غـــير مــمـطــورة المنخفـض ان وصلنا مال والـمـرتفـع واضـح دوره لاني مســافر ولا رحـال ابنتـظــر تقــلـب الصـــورة يارب سـحب يقال اجبال كـن صـبها صــب ماصورة مــافيه وادي بها ماسال فيـهــا البرد كنـه الكــــورة ينزل بردها على ماطـال تمـكث لهـا ايام مـغــمــورة يجري بها النهر والشلال واغصان وورود منثــورة ياحض منهو بهـا نزال تلـقى بهـا الناس مســرورة ومن شـح رزقه وقل المال تصـير الاحوال مستـورة ماهــوب حـلـم وقيل وقال بيــغـــيرالله ذا الصــــورة الله امـرنا بحـسـن الفـال الارض بالفـال مـعـمــــورة لاني طلبـت الكـريم العال مـاخـاب مـن يقـــتدي نوره ياناس توبوا الى من قال اذنـوب من تاب مغـفــــورة استغفر الله عــدد ماسال وديان من سـحب مامـــورة ابراهيم بن سعود الخريف |
نستغـفـرك يارب مـن ذنــب عـظـيم
يا من تغفر ذنـوب كــل التائـبــين نسـتغـفـرك مـن كل ذنـب يارحيم ونستغفرك فاغفر ذنوب الآيبين يارب غــيــث مــــنـك ياربٍ حليم يامن سـقيت ديار ناس ظـالمين ونعـوذبك مـن كل شـيـطان رجـيم يارب لو نـخطي نجي لك نادمين واستغفـرك من البرد انت الحكيم يارب انا من عـذابك خائفين يارب اني نادم واطلـبك مدرارا و ديـم يارب غيث يعم كـل الـمــسـلـمــين يارب يـبس العـود واصبح كالهشيـم وغارت مياه البير عند الـزارعــــيــن يارب انـهــار وجـــنـات النـعـــيــم يارب تسقي بـه ديارممحلات مـن سنين وتــبـدل رياحــه بهــبات الـــنسيـــم تشفي المـريض وكل من فـيها حزين يارب اعنا به على طاعتك حتى نستقيم يارب واجعلنا عــــبـاد شـاكــــريــــن واستغفروا ياناس من يرسل بمدرار مديم ويــرزقــكــم امـــوال وجــنـات وبـنـيـــن وصـلـوا عـلى الـمـرســل بقـرآن كــريـــم رسولنا الــهــادي وخـــير الـعـــابديـــن يامن سـمعـتوا دعـوة بغـيــث عــمـيم آمــيــــن بخــشـوٍٍٍعٍ تـرانا طامعين ٍ ابراهيم بن سعود الخريف |
ياجارنا ليت الذي صار ماصــار
حديتنــــا ياجــــارنا للشكـــــاوي اخطيت تسمع نصح غاوي وغدار واللي عطاك الشور لاشك غاوي العقــل من فعلك غدا اليوم محتار والحـــق ان الجـــار للجــار ياوي الحق بين بيننـــا وبينــك جــــدار وتبي تزيـــل جــدارها والمطاوي واللي يطيع ابليــس لاشك يحتار مسيل ماهو درب وش انت ناوي ياكيف ترجي ربك الخير وامطار وانت على جــارك تزيد العنـاوي الدين وينـــه كيـف ماخـفت جبـار لاتحسب انك تخدع النـاس قاوي الناس ماتنجيــك من لاهب النــار حتى ولو قــالوا ضعيف متهــاوي ولا يزعــلك حق على الناس يندار الحق بين الناس عدل وتســـــاوي يومــــك رفيــق لك معــزة ومقـدار واليــوم كثـرت الضرر والدعــاوي مــازال بالمسـلم رجــا عل يختــار يختــار درب الرشد ليصار هاوي لكن نصيحة قبــل ترحل عن الدار ليــّاك تترك عقب دفنــك مســـاوي هذي نصيحة واقبل النصح ياجــار توبـــة اخير وعندك اهل الفتــاوي وصلاة ربي عد ماازهر من ازهار على الذي مرســل بهـدي سمــاوي وعــداد ماتمشي من الوبل الانهار وعــداد مـاينشي سحــاب وسداوي ابراهيم بن سعود الخريف |
كورة قدم صارت بها ترفع الروس
ويهـدى لها عند النهـايه بعـد كاس والناس صارت عندها دايم جلوس في طبعـهم دايم جـلـوس بلا حساس لوتطـلـبه ماجـاك وتقـول مـحـبـوس وعـن الـصـلاة الـهاه وسـواس خـناس تضــيّع الاوقــات وتضــيّع فـلـوس والـمـعــذرة ماقـصــدي الا بعــض ناس والا ترى به ناس تسـتاهـل البوس طــلاب عـلــم عـلــمـهــم يرفـع الراس ياليت هذا الكاس يعـطى لمحـسوس في عــلـم والا فـي صـنـاعـة فـلا باس لكـن على ماقـيل اتنـكـسـت روس غلي الفحم رخص الذهـب هو والالماس لاهـيب فـعـل زيـن ولاهي بنامـوس مـن اسـمـهـا كـره بدت فـعـلـهـا انـجاس طغت على ناس وكثرت بها هجوس ومن حبها كم واحدٍ صار محتاس وان كان هاللاعب حلق شعره بموس ياكــثر مـنهــم يـتـبـعــونـه بلا قـيـاس يالله عسى من قصـدهم شر مدسـوس وكـيدٍ للامـة كـيد شـيطـان وسـواس تضرب على هاماتهم اكبـر الفـوس حـتى يتـوب اللي نوى يـهـدم السـاس ابراهيم بن سعود الخريف |
آه من طول انتظاري صار كل الوقت ضدي
اعترف واقول ماني قادر وخصمي زماني آه من كل الـجـروح اتزيد وانا اقــول حدي عارف واقـول ابا جــرب ولو تصــفي ثواني ماهـقـيت ان الزمــان اللي تحـداني يهـدي كيـف واني عارف ان الوقـت هذا قـد نواني عارف ان اللي بقى من العـمر ملزوم يعدي واتشـــوق للسنين المـقبـله والنــقــص باني نحـتري يوم جــديد وعــارفين لاجــديديمير بنهون على النفس و بنعــطيـهـا الاماني قلت بعض وكاتم اللي ساكن بالصدر عندي مـاحـد يعشـق حياة وعـارف ان العـمر فاني وانت يالـمـخـدوع في دنياك مـلزوم تـهـدي اعتبر بالمـاضي اللي صــوره لك من يعـاني من تصـورها على الواقـع بـيقـنـع بالـنفـادي ويعـلم ان العـمر مهـما طال مـابه عـمر ثاني يازمان كــل منـا صــار يشـــكي ولا يفـيـدي غـارقيـن في بحـــور لابـها ســـفن ومــــواني ياعسى الله يجعل النا في تواليها السدادي ونختــمـها بخير الاعــمــال ونوفق بالجناني والختم صلوا على محمد رسول خير هادي الشــفيـع اللي يشــفـع يوم تــهنـانا التـهاني ابراهيم بن سعود الخريف |
يقول ماقـلت الغـزل انـت لـك فــيـــه
قـلت الغـــزل عندي ولانيب مبديــــــه ياكيف ربي ساتر القــــلب مخفيــــه وانـت تبـي تـــشوف قــلبي تــعريــــه القـــلب من دونه ضلــوع تغطيــــه خــله بــستر وادع ربــك يعــــافيــــــه مافيه قلب إلا وله في الهـوى تيـــه غصــبا عليه وكامـــل الزين يشقـيـــه سهــم المحـبه لازم انه بيــرميـــــه شـــي اكــيد ومـــا اظــنه بيخــطـيــــه غيري يقــول البارحه ما هتـنى فيـه ولــو قـال عامــين تراني بهـنـيـــــه ولو صاح باعلى الصوت كل بيفديه وكــل بيـــرجي ربـــه انـــه ينجـيـــــه اظـن ما سمعــــوا لحــبي وطـاريــه لاهـــو بمـكتـــوب ولانـــيـب راويـــــه حـبي انا مخـلـوط به هــم مشقيـــه وضحكي بعد مشروك به حزن يمحيه حـبي وضحـكي صار معاد يمديه الهـــم والاحـــزان صــارت تباريـــــه من حــب له مجمـول هذي تواليــه يعـيش بعـض الفال والياس غاطيــــه ابراهيم بن سعود الخريف |
بـنيـــت أنا قافي عـلى قاف مــن جـــاد
( ذيب ) يصـيغ من المعاني جــدادي الصيـف جا وقتـه بحســـبة و ميـعـــاد ياالله ترحــــمــنا بيــــوم التــنـــادي كل شكى مـن شــدة الحــر وش عـــاد وش عـــاد ينــفــع قـدر الله وارادي غـاب السـحـاب وغــاب برق ورعــاد وبدت سموم القيض تشوي الفوادي واصـفر لون العشـب مـاعـنه نـشـــاد في هــضــابــهــا والاعـلى كل وادي يامـا ســهــرنا الليل والنـجـــم وقـــاد نرقب ظـهور سـهيـل يبدي البــرادي والصيـف فيـه الناس ماهــيب تنـقــاد تـقـــلب نــهــاره ليل طــوله رقــادي احـد جــلس تحــت المـكيـف ولافـــاد واحــد ذهــب وجـهة مصــايف بلادي واللي مــعــه قــدرة ولا هـو بـنشــاد يروح صــــوب ديـار قـــوم بعـــــادي والصقر ليمن صـيف الوقت ماصـاد يوضـع بسـجن مثل سـجن انفرادي والله خـلق حــر وبرد عــلى مـــراد ناس تـشكى وناس الوضــع عادي واعرف ترى حضــك ولوزان ثم زاد يا سرع ما تقــرب لـوقت الحصادي هذي سـنين العـمـر ماعـاد تنــعـــاد والوقـــت فيه الزيـن والشـــين بـادي وختامها صلوا على خيـر من قاد مــحــمـــد اللي قــــادنــا لرشــادي ابراهيم بن سعود الخريف |
مالنا في زمــان الـجـحد اي اعتراض
الصبر في المواقف خير في كل حال لـو تبين عليـك وكـل مـافيك فــاض قـالـوا الناس ماله حـل غير العقال كـل رجـل تميز جلسته في الفـيـاض ليا تخير بعضها وعن بعضها استمال قانع لو خسر فيهـا ولو مـاستعـاض مـاسك في يده مر ومرخي الحـبـال له مع الوقت موعد لياسنا البرق ناض شاش ماقال عندي واحتمال احتمال عارف الوقت يمضي ماشي ماستراض يدركـه كان يبغى وباقـي لـه مـجــال عايش بقلب صافي ناصع بالبـيـاض خير له في حياته وخير بعد ارتحـال وانت ياللي تدور فـي سنين ومـاض احتكـم للـعـقـل تنسى وياتيك فـال لو ملكت وسلبت ولو حكم فيه قاض لا تحسبك ظفرت ونلت شـي حلال لا تداحم على الدنيا دحام الحيـاض ينفرج كـل هـم ليـا مشـيت بعـدال ابراهيم بن سعود الخريف |
الـهـمـوم طـعــونها مـثل السهـوم
ترتمي بالنفس لوهي ساهيه ماتشاور في الدخول اوهي تحوم كـن فيها ماص او هي ناويه مـاتعـذرك ليلة او بعض يـوم كنها تعشـق وصارت هـاويه وان بغـــيت الـنـوم ماياتـيـك نـوم مـاتاخــر في الزمــن لـوثانـيه لو تحـاربهـا مـثل حــرب النجــوم مستـحيل انهـا تعــوّد خــاويه لو شكيت وقلت انا فيها محـروم زادت المــيلـه وجــاتك قــاويه لاتـشـكـى وانــت لك رب رحـــوم ربـك الـعـالم بجـهـر وخــافـيه من تجمل بالصـبر نال الوســوم ومـن تحـمـل فالـصـبر له تالـيه قالها الرحمن في كتابٍ معصوم والـرسـول يـقــول نال العـاليه اذكر الله كان تشكي من الهموم تطــمئن النـفــس لـوهي شـاكـيه اذكـر الله عــد مـا سـالت حـــزوم وعـد مـا ترعـى نبـاته مـاشيه ابراهيم بن سعود الخريف |
ياسنين العمر لو تمضي سراع
خير من تاقـف على حال وملـل مـانــبـي زود ولا حــنـا طـمـــاع ولا نـبـي فـيهـا قـصـور ولا فـلـل نرتجي ممشى الوسط حنا قناع شـايفين الـميـل فـيـهـا والـخـلــل لا لـنـا فـيهـا شبر او طــول بــاع ولا طمعنا بارض او جمع الهـلـل نرتجي التعويض من رب مطاع يـنـعـم بخـير ويحـفـظ من الزلل كـل مـانرجي مـن الـدنيـا مـتـاع زايل ويعـقـبـه في الغالب عـلـل زيـنـهــا كـنـه سراب وســط قــاع لا سقـا الـضمـيـان ولا يلقى بلـل ان هجرت الناس قلوا ذاك ضاع وان تبعت الناس اكثرهم شلـل ان بغيت تعيش سالم فـالـوداع وحـدة خـير من جـمـوع وكـلـل مايجي في مجاور البعض انتفاع لـو طلبت اقـل من ماء الطـلــل تاركين الحـق منـهـجـهـم ضيـاع ناهـجـين في مذاهـبهـــم مـلـل ابراهيم بن سعود الخريف |
يابوسعود أنا من الـبـيـت ملـيـت
مليت من شوف الكنب والوسادة لا شفت نور الصبح ياخوي ونيت ابي نشوف الربع عقـب الوحـادة يالله يا اللي فارض الحج للبيـت جعلك توفـقـنـا لـدرب السعــادة لا شـفـت طيـرٍ طائر قـلت يالـيـت لـيـتـه يوديـني لـدار الـحـمــادة أقوم بالواجب وأدور على الصيت ولا سـيـر الـغـالي بـيـغـلا زيـــادة كـل السنين المـاضيـة ماتمـنـيــت وأمشي مع اللي مايعرف القرادة واطلب من الله كل ماقمت صليت انـه يـمـكـنـا بـشـهــر الـعـبــــادة سعد بن ثنيان الثنيان ابوفهد ياابو فهد تشكي واناشكي وياليت يالـيـت كـل جــات لـه في مـراده متعودين نروح ولا حدنا الـبـيـت لكن قرار جـا من اهل السـيــاده حل الوباء في الناس وانا استكنيت وقالوا عليكم بالحجر فـيـه افـاده لـو كـان ماودك ولـو ماتـهـنـيـت امـر يجـيـنـا نلـتـزم بـه سـعــادة هذا هو الواجب ولو قلت ملـيـت يالـيـت كـل طـبـقــه فـي بـلاده نسلم من العدوى ولا يكثر الميت ولا يجي فـي مـجـتـمـعـنـا ابـادة اراقــب الرادار ولا قـد تـعـديــت اصبر ولو شفت العنا والجــلاده وشلون لو جا سيل ولاله تلقـيـت متـغـيـر طبـعي ولاهـيـب عــاده يالله ياللي خالق الخلق واجريـت على الـبـشر ماحـل والك الارادة تزيل ماهم البشر وانك اعـطيـت للي يـتـوب ويعـتـبـر مـايـعــاده وصلاة ربي عد ماصبحت وامسيت واعداد نطق المسلمين الشـهــادة ابراهيم بن سعود الخريف |
ياابو سعود المنخفض وش علومه
يومك تجيب العلـم وتجـود وكـاه اشوف يوم السبت غابت نجـومـه وراع الفلك في نشرته ضاع مسراه يالله عسى يسقي السهل مع حزومه عـلـه على عنـثـر ويزيد فـي مــاه وعسى النخل سيله يقطع عقومـه لياشفت درب السيل تقول مسناه وابو سعود القحط زود هـمـومــه ويناظر الرادار صبـحـه وممســاه وعساه عقب الصبر تجلا همومـه ويشوف درب السيل يفيض مجراه سعد بن ثنيان الثنيان ابو فهد ———————————— ياابو فهد راح المطر مع غيـومــه واللي توقع ماعرف كيف ممشـاه في دبرة اللي عارف وش علومــه الله عـليـم وعـارف وين مرســـاه والمنخفض عنا شمال وسـومــه ولو قالوا اهل الطقس لا لا تحراه كم مرة صارت وضاعت حلـومـه واكثر توقعهـم على غير مجــراه وان كان راح الوسم وانحت نجومه فديارنا للصـيــف اقـرب لرجــواه واللي عيـونـه للسمـاء لا تلـومـــه والمنتظر يصبر ولـو كان ماجـــاه يالله بسيل يعم تذكر رســومــــه ويفيض سد شعيب مطعم من اعلاه وعنثر على ماقلت يسقي حزومــه ويسقي نخيـل مبطي ماتنـحــــاه وتعم شعبان الجزيرة وســومـــه وفي كل دار يزين روضه ومرعـــاه هذا الطلب منا عسى الله يدومـه ويرضى علينا ونحمده في عطاياه ابراهيم بن سعود الخريف |
كـل يـوم نـحـتـري يـوم جـديــد
وكل يوم نحتري شمسه تغـيـب نطلب ان اعـمـارنا فيهـا مـديـد وودنا بالوقت يمضي ياعجـيـب نطـلـب اللي نازح عـنـا بـعـيــد ونزهد بما في يدينا والـقريــب الـزمـن في دورتـه كـنـه يـعـيــد لا جـديـد لكن ان امره غـريــب الـعـمـر يمضي وحـنـا مانـريــد ولا يفيد علاج ولا طب وطبـيب جاهل من يحسب ان عمره يزيد وجاهل من يحسب انه مايشيب والامـل في كـل يـوم يسـتـزيــد وكل منا يحسب لوقـتـه رقـيـب كـل ماجا يـوم قلنا بنـستـفـيــد وكـل حلم راسميـنه مايصـيـب والـنهـايه قـبر توضع بـه وحـيـد وتوزن اعمالك ولك رب حسيب والـحيـاة الـدايـمـه كانك تريــد جـنـة ومـن طاع ربه مايخـيــب ابراهيم بن سعود الخريف |
السلام عليكم ورحمة الله وبركاته
هذه ابيات كتبتها بمناسبة صور ومقاطع فيديو ارسلها لنا الزميل مساعد بن محمد الموسى من سيرلنكا 00 ياابـو مـحـمـد كـل فـن تـجــيـــده صـورت من جـنات ربي عجـيــبــه اسعدتنا ياجـعـل حـالك سـعـيـدة ترسـل لنا من كـل زين وتـجـيـبــه وتـعلـيقـك النادر مفـيد ويزيــده كـل تـمنى رفـقــتـك لـو قـريــبـــة رحـال تمـشي فـي ديـار بـعـيــدة الله يـسـهـل كــل درب تـصـيــبــه يالـيـت ترسـل كـل يـوم جــديــدة طبــيـعـة من شافها هي طـبــيـبــه ونعطـيك عنـهــا كـل يوم قـصـيـدة مبطين عن شوف السحاب وصبيبه ومبطين من شوف الخضار وريدة كـل تذكـر مـاضي فـي شـعـيــبــه يـارب ســحــب نـادرات فـريـــدة تـخـفي معاليم الجـبال بـهـديـبـه تـسـقي ديـار يـابـسـات جـريــده وتـسـقي ديـار سـاهـرات رقيــبــه للسـحـب ترقب لو دياره بعــيــدة وللبرق ترصـد لو بعـيـد نصـيــبـه ابراهيم بن سعود الخريف |
شيلة
استغفر الله عدد مالاح / برق على الخير مارية https://twitter.com/greenhotah/statu...079101958?s=12 |
قالوا عشقت وقلت ماهو بذالحين
ماعاد في ذهني من العشق صورة ذبلت زهور العشق والملح والزين واقفى ربيع العمر وأقبل دهوره ظنيت عمري دون خمسه وعشرين وريع الشباب أعيش قمة شعوره لاشك فاجأني مع الوقت ثنتين زادت على قلب المعنى حروره قصر النظر بين على ناظر العين والشيب في وجهي تتابع ظهوره كنت احسب اني وين واثري مسيكين راحت حياتي بين دوره ودوره والعشق عندي له دروس وقوانين عارف قوانينه وسابح بحوره فيما مضى يوم العوارف مجانين يوم الصبي يتبع هواه وسروره واليوم قفينا وحنا معيفين وعسى الذنوب الماضيات مغفوره عيسى بن عبدالله السبيعي 00000000000000000000000 00000000000000000000000 انـا بـعـد مليت من وقتنـا الشـيـن وعرفـت معـنـى ذابلات زهـوره ولانـيـب مخـدوع ولا قـول بتـزيـن ولانيب اقلـد من يصبـغ شـعـوره مابــه دوام ولـلنـهــايـات ماشـيـن ومنهــو سعــيد مايـداوم سـروره سمعت هذا من تجاريب ماضيـن ناس لهم في ماضي الوقت دوره ناس بحفظ الوقت والدين واعين ولا يطمعـون بعـشـق دنيـا غروره ياليتنا فـي مايقولون مصـغيـن وياليتنا نسـمـع لـمن قـال شـوره قـل للــذي يقــول بعديـن بعديـن تـرا زهـو الـعـمـر لحـظـة وفــوره كم واحد يمشي وهو مادرى وين عميان يحسب هاالحياة معمورة يـارب اذا كنـا عـن المـوت لاهـيـن وان الزمــن زيـن لنـا بعـض زوره فانا عليك اليـوم يـارب شـاكـيـن وعسى الذنوب الماضيات مغفورة ابراهيم بن سعود الخريف |
كل شي مايجي في الامـر خيـرة
لا تدور شي مالـك فـيـه حيـلــه لا تسخط و لا تصـيبـك اي حيرة ماكتـب ياتـيك في اية وسيـلــه كـل شـي عند عـلام السـريـرة مـايقدر مـايجي لك عنه مـيـلـه بالكتاب مسطر وفي وسط سيره ان مـاياتـيـك مـاتـقـدر تـزيـلــه والقضاء سـلـم بشره او بخـيـره والنعيم رضاك يكتب لك فضيله عش حياتك سالم تلقى ذخيـره يوم تحشر يومهـا تلقى حصيلـه مر تسـعـد ومـر ايامـك عسيـرة والحياة سنينـهـا ماهي طـويـلـه ان جمعت اموال في الدنيا كثيرة قلت يوم الحشر ليت انها قليلـه كل اعمـالـك كبـيـرة او صغيـرة في سجـلـك بين يظهـر دلـيـلـه اغتـنـم دنياك مادامت سفـيـرة قـبـل يـتبـرا خلـيـل من خـليـلـه ابراهيم بن سعود الخريف |
*يانــجــد انا لي ديرة فيـك واغليـــك*
*معـروفـة في نـجــد محـد جهـلـهــــا* *هي حـلـوة الماء مرته لمن يعاديـــــك* *يشهد لـهـا التاريخ ويشهد لهلهــــا* *يانجد هي حصنك وحصن لاهاليك* *محـمـيـة ماكـل من جـاء دهـلــهـــــا* *يانـجـد هي ملجاك لاجاك غازيـــك* *يـوم ان غــزو الــتـرك ناو حـللهـــــا* *تركي زبن عـاميـن مـاجـاه باغـيـــك* *زبن على الــحـلــوة ولا لـه بدلـهــــا* *وحـيد حـكــام بقى لك ويـرجـيــــك* *ومن عـقـب عـامين تبين امـلـهــــــا* *خرج بجـيـش حاكـم جاك ناويــــك* *ورد الحكم يوم ان الاجرب فعلـهـــا* *وعبدالـعـزيز مجـدد الملك بانيــــك* *حكم جميع الملك ووحد شملهـــــا* *افـعـالنا يانـجـد مـاهي بتخـفيـــك* *كـل الـملـوك تشيد في من بذلـهـــا* *يانـجـــد حنا للامـــانـة نـوفــيــــك* *ونرفـع علمـهـا فوق قـمـة جبلـهــــا* *يهـمـنا نرضيــك ونـحـب طاريـــــك* *وضد الذي خـالـف وينوي زعلهــــا* *اسأل بهـا التاريخ يـشـهد وينـبيــك* *عن ماضي الـحلوة ومن هو بطلهــا* *ومن صد جيش الترك يومه نوا فيك* *ومن هو برك للحمل ومن هو جملها* *الله يرحـم شايـب قـد دفـن فــيــــــــك* *اللي فدا وارخص بنفـسه لجلهــــــا* *يالله عسى مزن من الغيث يسقـــــك* *ويـعـم عاليـهـا ويسقي سهـلـهـــــا* *ابراهيم بن سعود الخريف* الحلوة - حوطة بني تميم |
ارجوزة ( حداء )
اهلا وسهلا بالسحاب كل يناظـر لـه بشـوق عالي ومـن دونـه رباب يمشي برفق دون عوق من بعد طول في الغياب انـظـارنـا دايـم لـ فــوق يازين لا جا بلا حساب وكـل تـفـاجـا بالـبـروق ويازين صبه بالهضاب في قـوته مطر حـقـوق والسيل حول بالشعاب طافح بسيل مثل نوق والبر فـيـه الجـو طـاب يازين مشي به شروق في غـيـم والا في ضباب في ضلع والا بالعروق او حين نور الشمس غاب وذعذاع في هـبـه رفـوق ومن كـل زهر فـاح جـاب يحمل معه ريح عـبـوق هـذي امـاني ياشـبـاب من كـان له شــف وذوق لكن لاننسى الحـسـاب واللي علينا من الحقوق ابراهيم بن سعود الخريف |
مسكين ياللي تحسب الزين قدام
متشوقا تبغى سنين جــدايـــــد لاتنخدع بالوقـت لو زان مادام العمر ينقص والاماني تزايـــد لاتترك الواقع وتغرق بالاحلام حتى ولو كثًرت ما هو بفـايــد لاتنخدع وتعيش عمرك على اوهام حتى ولوتحكم ولو كنت ســايـــد لو زان بعض الوقت او زانت اعوام ياسرع ماتوضع بوسط اللحايــد انظر لحكام الدول وين صـــدام وين الملوك وينه الشيخ زايـــد وين الموحد صاير شيخ وامام اللي تزيًن فيه نظم القصايــد صدام صار انهايته حكم الاعدام واليا دنت ساعتك ماالعمر زايد اما تموت و مادرى عنك الاعلام والا تصير اخباركم بالجرايـــد ياسرع ماتجري علينا ذا الايام وياسرع ماتقرب لوقت الحصايد لكن موتة واحد ما أعلن اسلام هي موتة الدنيا والاخرى نكايد صلوا على المختار إعداد ماحام طير وسكن في عاليات الفرايد ابراهيم بن سعود الخريف |
| الساعة الآن 07:32 AM |
Powered by vBulletin .
جميع الحقوق محفوظة © لشبكة ومنتديات البراري 2010