شبكة البراري

شبكة البراري (https://www.albrari.com/vb/index.php)
-   همس القوافي للمنقول ( قصائد - شيلات - خواطر ) (https://www.albrari.com/vb/forumdisplay.php?f=109)
-   -   (¯`•._.•[(.... بقآيآ .. حرف .... )]•._.•´¯) (https://www.albrari.com/vb/showthread.php?t=63279)

بقآيآ .. حرف 2013-09-20 11:24 PM

كلما خدرّت برد الدرب جيتي تجمعين:
ما تكسّر من دفاي وما تيسّر من حناني"!

وإن سألت التين والتفاح والغصن الحزين
عن عناقيدك توارى / لين رمّاني رمَاني "!

مثل طفل قام يبني ل البحر احلام طين
مادرى وش كثرتعطي الملح أطراف المواني"!

طفلتي خليني الغافي على صدر الحنين
ماضميت إلا امان ولا شربت الا اماني َ"!

كم قطفتك من زوايا الشعر نبت وياسمين
قرّبي خليني ازرع بين احضانك مكاني !

بقآيآ .. حرف 2013-09-20 11:33 PM

أبكتب اسمك على كلّ الشجر و الزجاج
حتى على الظلّ والما و الصُوَر و الهجير
وأقول أحبّك .. بصوت ٍ يشبه الإبتهاج
لو كان حتى الصدى يرجع لصوتي كسير
أنا بضيع إمسك يديني ... يدينك سراج
لا تترك الليل يجرفني معه للأخير
بيني و بينك مسافات و زمان و سياج
.لكنّ ما غيرك لباقي سنيني خشير
أنت السما و المشارق .. لحظة الإنبلاج
وأنت الهواوالطيور اللي في صبحي تطير
إختارني لو مصيرك قرّر الإحتجاج
محتاج أكون إختيارك رغم راي المصير

بقآيآ .. حرف 2013-09-22 10:04 PM


جعلني ماذوق حزنك وجعلك فالوجود
لاتعودني على البعد ويموت الوله

الوصال الستر والبعد بياح السدود
وكل يوم يمر من دون وصلك ماطوله

كل شي يهون غير التجاهل والصدود
ماقبله من غيرك شلون منك اقبله

بقآيآ .. حرف 2013-09-22 10:07 PM

عليك يشفق خاطري وأنت مسؤول
عن كل دمعه مالها ذنب ويّاك
أقرّب الدله من النار وأقول
هذا الشبَه مابين قلبي وفرقاك ..


بقآيآ .. حرف 2013-09-22 10:08 PM

لاجيت ابنسى واعتبر ما فات مات
استرجع,, أفكار الحزن,,, واحتلها

وابكي على الفرقا ولكن في سكات
ما هوب شرط ,,,,, إن الدموع أهلها

بقآيآ .. حرف 2013-09-22 10:09 PM

مــن دونــك الجاذبـيـه .. والنـجـوم بـفـضـاي
اكثـر مـن وجيـه نـاس ٍ ماظهـر صيتهـا !
:
ياليتـهـا مــن عـلـوم ٍ مـثـل هـــذي وجـــاي
كـــان الـفــرص يـــوم جـتـنـي .. ماتعـديـتـهـا
:
بـلاي مــن شـرهـة ربـوعـي وفـرحـة اعــداي
هـــذي هـــي الـسـاعـه الـلــي مــــا تمنـيـتـهـا

بقآيآ .. حرف 2013-09-22 10:13 PM

ماني بمعذور وش له اشرح ظروفي
......على هواكم وسوو الي تسوونه
في هالزمن لو احججهم على كتوفي
.........رجالهم مابين الطيب فعيونه
اناخلقت بزمن ماهو على وصوفي
.......اسابق العصر وارجع دهر من دونه

بقآيآ .. حرف 2013-09-23 09:36 PM

يا حلم لا تآقف على باب طرفي
للريح في عين المُولع مهابه
تنفض رماد الجمر.. والشمع يطفي
وتنثر ملامح ضيق ما ينحكى به
اقصر ونينك واترك الليل يقفي
عمر العُوا ما سدّ جوع الذيابه
يكفي عنا.. واللي كتبناه يكفي
صِك الكتاب وفكني من عذابه

بقآيآ .. حرف 2013-09-23 09:38 PM

لآ تنشغل بي .. لو تشوفني / أبــآموت
عيش السنين اللي بقت .. وأنت هآدي ....!!

أنا .. قتيل الوقت .. والصمت تآبوت ..
أنا .. الغريب .. ولـ الأسف ... في بلآدي ....!!

أركض مع الأيآم .. وأيامي تفوووووت
وياما .. أنخذلت بـ نآس .. والوضع عادي ....!!

ودي أنآدي لك .. وفي داخلي صوت
يردّني .. ويقول / أحذر .. تنـــآدي ....!!

بقآيآ .. حرف 2013-09-23 09:44 PM

يا الغايب الموجود يا الميت الحي
رماح جرحك من دواعي سروري

ما ودك تسلفني القسوه شويّ
ودي ولو مره تحس بـ شعوري !!



الساعة الآن 12:49 AM

Powered by vBulletin .
جميع الحقوق محفوظة © لشبكة ومنتديات البراري 2010